2 Timote 4:11 - NYANMIƐN NDƐ'N 1998

¹¹ Lik ngunmin yɛ ɔ nin min o wa-a. A nin Mark an bla, afin ɔ uka min kpa n junman'n nun.

Nyanmien nde Ufle

¹¹ Luc ngunmin ye o nin min ô waa. A nin Marc anh bla, afin o uka min kpa n dyunman'n nun.

2 Timote 4:11 ပူးပေါင်းရင်းမြစ်များ

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Matthieu 19:30

Be nga be dun mmua'n, be nun sunman be wa ka siɛn, yɛ be nga be ka siɛn'n, be nun sunman be wa dun mmua.»

Matthieu 20:16

«Be nga be ka siɛn'n, be wa dun mmua, yɛ be nga be dun mmua'n, be kusu be wa ka siɛn.»

JÉSUS-CHRIST I DYASIN FE'N BO LUC KLELI'N 13:30

An `nian, be nga be dunnin mmua'n be wie'm be wa ka siɛn, yɛ be nga be kali siɛn'n, be wie'm be wa dun mmua.»

Sa nga bé yôli'n 12:12

Kɛ ɔ ´bu i akunndan kɔ'n, ɔ juli Zan bɔ i dunman ng'ɔ nannan su'n yɛlɛ Mark'n i nin Mari i awlo lɔ, sran bɔ lɔuun kpa be yiali lɔ be su koko yalɛ kle Nyanmiɛn.

Sa nga bé yôli'n 12:25

Kɛ Barnabas nin Sɔl be wieli sa nga ti yɛ be ɔli'n i yo'n, bɔ be fin Zerizalɛm lɛ be ´kɔ'n, be fa Zan bɔ i dunman ng'ɔ nannan su'n yɛlɛ Mark'n wɔli.

Sa nga bé yôli'n 15:37

Barnabas waan be fa Zan bɔ i dunman ng'ɔ nannan su'n yɛlɛ Mark'n,

Sa nga bé yôli'n 15:39

Akplowa dan kpa tɔli be afiɛn, i agualiɛ su be titili nun, Barnabas fali Mark nan b'a fu mmeli kun nun b'a ɔ Sipri.

Sa nga bé yôli'n 16:10

Kɛ Pɔl wunnin like sɔ'n, kpɛkuun e buabuali e wun kɛ e ´kɔ, afin e wunnin i wlɛ kɛ e Min'n yɛ ɔ flɛli ye kɛ e `ko bo jasin fɛ'n Maseduani lɔ-ɔ.

Kolɔsfuɛ Mun 4:10

Aristark b'ɔ nin min o bisua'n nun wa'n ɔ nin Barnabas i niaan Mark be ´yo amun like. B'a dun mmua kɛn i ndɛ a kle amun kɛ sɛ ɔ ba amun wun lɔ'n, an sɔ i nun kpa.

Kolɔsfuɛ Mun 4:14

Lik b'ɔ ti dɔɔtrɔ'n b'ɔ ti e sran kpa'n ɔ nin Demas be waan be ´yo amun like.

2 Timote 1:15

A si kɛ be kwlaa nga be wo Azi mɛn'n nun lɔ'n b'a wanndi min, be wie yɛlɛ Fizɛl nin Ɛrmozɛni.

2 Timote 2:21

Ɔ man sran ng'ɔ yi i wun sa tɛ'm be yolɛ nun'n, ɔ ´yo kɛ talie klanman bɔ be fa di cɛn'n sa, ɔ ´kaci i Min'n liɛ, ɔ ´fa yo i wun sa ye, yɛ ɔ ´kwla fa yo like kwlaa ng'ɔ ti kpa'n.

Filemɔn 1:24

Mark, nin Aristark, nin Demas, ɔ nin Lik bɔ be ti n wiengu junman difuɛ'n, be kusu be ´yo wɔ like .

1 Piɛr 5:13

Kristfuɛ nga be o Babilɔni bɔ Nyanmiɛn flɛli be kɛ amun sa'n, be nin n wa Mark be ´yo amun like.