2 Timote 3:8 - NYANMIƐN NDƐ'N 1998

⁸ Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .

Nyanmien nde Ufle

⁸ Ke Jannès nin Jambrès (*f42*) bé nin Moïse bé sii akplôwa'n, swran so'm bé kusu bé si nde nanwle bo é kan'n i akplôwa. Swran so'm ba satyi, bé akunndan'n ti'a kpa kun, ke bé nian bé wafa nga bé fa lafi Nyanmien su'n, bé wun ke bé lafi'e i su kpa.

2 Timote 3:8 ပူးပေါင်းရင်းမြစ်များ

Ezipt Lɔ Tulɛ'n 7:11

Famiɛn'n flɛli Ezipt mɛn'n nun akunndanfuɛ mun nin tinwafuɛ mun. Yɛ be kusu, be fali be tinmin'n be yili atrɛ kunngba sɔ'n wie-ɔ.

Ezipt Lɔ Tulɛ'n 7:22

Ezipt lɔ atrɛ yifuɛ'm be fali be tinmin liɛ'n be yili atrɛ kunngba sɔ'n wie. Famiɛn'n i anwlɛn'n keteli, i sɔ'n ti, atin nga Moiz nin Aarɔn be srɛli'n, i waan ɔ man-man be. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 8:18

Sanngɛ cɛn sɔ'n nun'n, n ´yi Gozɛn i lika'n nun, afin lɔ yɛ min nvle nunfuɛ'm be tran-an. Ngɔnsiɛn'm be su tran-man lɔ wie. N ´yo i sɔ nan a si kɛ min Anannganman n wo mɛn nga nun.

Ezipt Lɔ Tulɛ'n 8:7

Klɛ'm be wa jaso ɔ́ wun lɛ, be ´jaso ɔ́ sua'm be nun, be ´jaso ɔ mantanfuɛ mun nin ɔ nvlefuɛ'm be wun lɛ be kɔ. San Nil nzue'n nun lɔ liɛ'm be yɛ be ´ka lɛ-ɔ.»

Sa nga bé yôli'n 15:24

E tili i kɛ sran wie bɔ be fin e wun wa bɔ nán e yɛ e sunmannin be'n, be ko kannin ndɛ wie mun kleli amun nan ndɛ sɔ'm be boli amún wla, yɛ be sanngannin amun akunndan.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

1 Timote 1:19

Nyanmiɛn su bɔ a lafi'n nin ɔ klun b'ɔ titi-man wɔ'n ti. Sran wie'm be yo-man sa kpa nga be klun lɔ akunndan'n se be kɛ be yo'n, ɔ man be lafi-man Nyanmiɛn su kpa kun.

1 Timote 4:2

Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

2 Timote 4:15

Ɔ kusu nian ɔ wun kpa i lika, afin ɔ sili ndɛ nga e kannin'n i akplowa tɛtɛ kpa.

Tite 1:10

Afin sran kpanngban bé nyin ti kekle, yɛ be kan ndɛ ngbɛn-ngbɛn fa laka sran mun. Be kpanngban lika be fin Zuif'm bɔ b'a kaci Kristfuɛ'n be nun.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

Sa nglô yile 2:20

sanngɛ bla nga be flɛ i Zezabɛl'n, bɔ i wan ɔ ti Nyanmiɛn nuan ijɔfuɛ'n, an mɛn i atin man ɔ kle min sran'm be like yɛ ɔ laka be man be fa bé wun wlɛ i tekle bolɛ'n nun, yɛ be di amuɛn'm be su. Amun wun sa b'ɔ o n klun'n yɛ ɔ o lɛ-ɔ .

Sa nglô yile 2:6

Sa nga an yo b'ɔ ti kpa kan'n, yɛlɛ kɛ an klo-man sa nga Nikolafuɛ'm be yo be'n, bɔ n kusu n klo-man be'n.