2 Timote 3:5 - NYANMIƐN NDƐ'N 1998

⁵ be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Nyanmien nde Ufle

⁵ béh yôh bé wun ke bé srô Nyanmien sa, sannge bé su lafi'e i su ke o kwla sa yô. Nanh fo o wun mantan swran so mun.

2 Timote 3:5 ပူးပေါင်းရင်းမြစ်များ

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

2 Tɛsalonikfuɛ Mun 3:14

Sran ng'ɔ fa-man ndɛ nga e klɛli i fluwa nga nun'n su'n, an `niɛn siin, nán amun nin i san nun, an `yaci i lɛ man ɔ wun nyannzuɛn.

2 Tɛsalonikfuɛ Mun 3:6

Aniaan mun, e ´srɛ amun, an `nian e Min Jésus-Krist ti nán an fa amun wun mantan sran kwlaa ng'ɔ ti nvɛɛfuɛ bɔ like ng'ɔ yo'n nin ndɛ nga e kan kleli amun'n ti-man kun'n.

1 Timote 4:7

Sanngɛ nán fa ndɛ b'ɔ ti-man Nyanmiɛn liɛ b'ɔ ti kɛ bla oke ndɛ sa'm bé su. Mian ɔ́ nyin mantan Nyanmiɛn kpa.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

1 Timote 5:8

Sran ng'ɔ niɛn-mɛn i fuɛ'm be lika'n ɔ ti tɛ, nga b'ɔ ti tɛ'n tra su'n yɛlɛ sran ng'ɔ niɛn-mɛn i bɔbɔ i awlo'n i lika'n, ɔ ti-man Nyanmiɛn sufuɛ, i tɛ liɛ'n tra sran ng'ɔ lafi-man Krist su'n.

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

2 Timote 2:16

Nán fa ɔ wun wla ndɛ ngbɛn-ngbɛn bɔ be nin Nyanmiɛn ndɛ'n be ti-man kun'n be nun, afin be nga be yo sɔ'n be fa-man bé wun mantan-man Nyanmiɛn lele be nin i bu.

2 Timote 2:23

Sanngɛ nán fa ɔ wun wla sinnzin akplowa silɛ b'ɔ yo-man sa fi ye'n nun, afin a si kɛ akplowa'n i bo agualiɛ yɛlɛ utre.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Tite 3:10

Sran ng'ɔ fa ngbaciɛ wla sran'm be afiɛn'n, sɛ a kan kle i kpɛ kun, kpɛ nnyɔn b'ɔ fa-man'n, yi ɔ́ nyin i wun,