2 Timote 3:2 - NYANMIƐN NDƐ'N 1998

² Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

Nyanmien nde Ufle

² Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

2 Timote 3:2 ပူးပေါင်းရင်းမြစ်များ

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Jue Mun 49:6

?Sɛ nyrɛnnɛn blɛ'n ju'n, sɛ min kpɔfuɛ'm be cɛncɛn min'n, nguɛ ti yɛ man srɛ ko kun min-ɔn?

Jue Mun 52:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n, i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ. I waan:

Ezai 10:15

?Kpɛliɛ'n ɔ tu i wun gua sran ng'ɔ fɛ i di junman'n i su? ?Annzɛ bese'n ɔ yo i wun kpakpa sran ng'ɔ fɛ i kpɛ like'n i su? ?Ngble'n kwla fa sran ng'ɔ trɛ i nun yo like? Kannzɛ e fa sran sunnzun waka'n, sanngɛ nyantiaan'n ɔ kwla mɛn-mɛn i su.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Matthieu 15:6

I sɔ'n ti amun nzuɛn'n i falɛ'n nun an yi Nyanmiɛn ndɛ'n blo.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Sa nga bé yôli'n 5:36

Afin ɔ nian cɛ-man, Tedas jao yoli i wun sran dan nan sran bɔ be ju bɔ ya nnan kun'n b'a su i su. Be kunnin i, yɛ be kwlaa nga be su i su'n be sanndili, wie fi a ka-man.

Rɔmfuɛ Mun 11:18

Ɔ man sɛ ɔ ti sɔ'n, nán an bu kɛ an ti kpa tra be nga be kpɛ be guali'n. ?Nguɛ ti yɛ an tu amun wun-ɔn? Afin nán amun yɛ an ti waka'n i bo nin-ɔn.

2 Korɛntfuɛ Mun 5:15

Ɔ wuli be ngba bé ti, i sɔ'n ti'n, olɛ nga be o lɛ'n, nán be bɔbɔ be olɛ yɛ be wo-ɔ, sanngɛ sran ng'ɔ wuli b'ɔ cɛnnin bé ti'n, i dunman nun yɛ be wo-ɔ.

Filipfuɛ Mun 2:21

Be nga'm be liɛ'n, be bɔbɔ be ninnge'n yɛ ɔ lo be-ɔ, Krist-Jésus liɛ'n lo-man be.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

1 Timote 1:20

Imene nin Alɛksandri be o sran sɔ'm be nun. N fa be wlali Satan sa nun nan be bu akunndan nan nán man be saci Nyanmiɛn dunman kun.

1 Timote 1:9

Afin e si kɛ nán be nga be ti sran kpa'n be ti yɛ be sieli mmla nin-ɔn. Sanngɛ be sie mannin be nga be ti-man kpa'n, nin nyin keklefuɛ mun, nin be bɔ be sro-man Nyanmiɛn'n, nin sa tɛ yofuɛ mun, nin be bɔ bé nyin yi-man Nyanmiɛn bɔ be bu i ninnge'm be finfin'n, nin be bɔ be kun be si nin be nin'n, nin sran kunfuɛ mun,

1 Timote 3:3

Nán man ɔ yo nzan nɔnfuɛ nin utre klofuɛ, sanngɛ man ɔ yo wɛtɛɛfuɛ b'ɔ kunndɛ-man ndɛnngan, nán man ɔ yo sran bɔ i nyin yi-man like.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

1 Timote 6:4

wuun i sɔfuɛ'n wun tufuɛ-ɔ yɛ ɔ si-man like fi. Ndɛ'm be akplowa silɛ'n ɔ nin like'm be su utre dilɛ'n be kaci kɛ tukpacɛ yɛ ɔ wo i su sa. I kwlaa sɔ'n yɛ man sran'm bé nyin ci sran b'ɔ man be di utre yɛ be kpɛ bé wun nzowa, b'ɔ man be bu sran'n wie sa tɛ yofuɛ nin-ɔn.

2 Timote 3:4

be ´yi be janvuɛ mun man, be ´yo like-ɔ be su bu-mɛn i akunndan, be ´di tutre, be ´klo mɛn dilɛ'n tra Nyanmiɛn,

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

Jacques 4:16

Sanngɛ jɔlɛ caca'n yɛ an di-ɔ, yɛ an tu amun wun. Nuan dilɛ sɔ'n ti-man kpa.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

2 Piɛr 2:12

Sanngɛ sran sɔ'm be yo sa kɛ blo nnɛn bɔ be wun-man sa wlɛ bɔ be wu be kɛ be tra be be kun be'n, be liɛ'n sa, yɛ like nga be wun-mɛn i wlɛ'n, be kɛn i ndɛ kɛ ɔ ti-man kpa. Be ´wu kɛ blo nnɛn'm be liɛ'n sa.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.

Sa nglô yile 13:1

N wunnin nnɛn kun, ɔ fin jenvie'n nun fiteli. I ti'n ti nso, i wuɛ'n ti blu, i wuɛ blu sɔ'n, sika kle o be su. Be klɛli Nyanmiɛn finfin yolɛ dunman i ti sɔ'm be su.

Sa nglô yile 16:11

Nyrɛnnɛn bɔ be wunnin i'n nin bé kannin'n ti, be kpɛli Nyanmiɛn nzowa. Sanngɛ b'a yaci-man be nyoliɛ tɛtɛ'n.

Sa nglô yile 16:21

Yɛ nzraama bɔ kɛ nzue'n ´tɔ-ɔ be gua'n, i dandan kpa bɔ kun ju kilo ablanan'n, be guali sran'm bé su. Nyrɛnnɛn bɔ nzraama sɔ'm be kleli sran mun'n ti, be kpɛli Nyanmiɛn nzowa, afin nyrɛnnɛn sɔ'n yoli tɛ kpa, be kwla ka-man .

Sa nglô yile 16:9

Yɛ aunyɛyɛ dan kpa kunnin sran mun. Be kannin Nyanmiɛn bɔ nyrɛnnɛn sɔ'n wo i sa nun'n i ndɛ, sanngɛ b'a yaci-man sa tɛtɛ yolɛ'n, yɛ b'a manman-man Nyanmiɛn.