2 Timote 3:13 - NYANMIƐN NDƐ'N 1998

¹³ Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Nyanmien nde Ufle

¹³ Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

2 Timote 3:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:16

Fanngan'n ɔ nin sa cɛcɛ yolɛ'n ɔ ti i liɛ. Sran nga ɔ'a mlin'n, ɔ nin sran ng'ɔ mlin sran'n be o i sa nun.

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Ezekiɛl 8:13

Ɔ seli min kɛ: «A wa wun tete sa dandan uflɛ nga be yo be mun ekun.»

2 Korɛntfuɛ Mun 6:8

Cɛn'n wie be bu e sran, cɛn'n wie be gua é nyin ase, cɛn'n wie be bo e dunman tɛ, yɛ cɛn'n wie be bo e dunman kpa. Be bu e gblɛfuɛ, sanngɛ e di nanwlɛ,

1 Timote 4:1

Nyanmiɛn Wawɛ'n kɛn i weiin kɛ, cɛn wie lele kɛ mɛn'n ´kɔ i bue nuan'n, sran wie'm be su lafi-man Nyanmiɛn su kun, be ´fa like nga mmusu bɔ be laka sran'n be kle'n su.

2 Timote 3:8

Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 18:23

be su wun-man kɛ kannin kpaja lɔ kun. Be su ti-man bian nin bla bɔ be su ja bé wun'n be nɛn lɔ kun. Afin i su aata difuɛ'm be yɛ be ti asiɛ'n su aata difuɛ dandan mun-ɔn. Yɛ ɔ fɛli i bae lakalakali nvle-nvlefuɛ'm be kwlaa,