2 Timote 3:12 - NYANMIƐN NDƐ'N 1998

¹² Sran kwlaa nga i waan ɔ nin Krist-Jésus be ´kaci sran wunmuan nan ɔ ´yo Nyanmiɛn klun sa'n, san be ´kle i yalɛ.

Nyanmien nde Ufle

¹² Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.

2 Timote 3:12 ပူးပေါင်းရင်းမြစ်များ

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

Matthieu 23:34

Ɔ man, n ´sunman Nyanmiɛn nuan ijɔfuɛ mun nin ngwlɛlɛfuɛ mun, ɔ nin mmla klefuɛ mun amún sin. Amun wa kun wie, amun ´bobo wie waka'n su, amun ´bo wie mun nin ngble amun Nyanmiɛn ndɛ suanlɛ nin i srɛlɛ sua'm be nun, yɛ amun ´kle be yalɛ klɔ'm be su

Marc 10:30

ɔ ´nyɛn i wunsu sɔ kpɛ ya, sua o, niaan o, niɛn o, ba o, asiɛ o, ɔ nin yalɛ klelɛ kɛ e o yɛ'n, yɛ ɔ ´nyan Anannganman nguan blɛ ng'ɔ ba lɔ'n.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

1 Korɛntfuɛ Mun 15:19

Sɛ blɛ nga e o nun yɛ'n ngunmin yɛ é wla o Krist su'n, bɔ kɛ e ko wu'n wuun ɔ'a wie'n, e nyrɛnnɛn liɛ'n tra sran'n kwlaa.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 4:9

be su e su, sanngɛ Nyanmiɛn yaci-man ye, be tɛ ye ase, sanngɛ be kwla-man ye.

1 Timote 2:2

An `srɛ i kɛ ɔ nian famiɛn mun nin sran ngbli-ngbli'm be kwlaa bé su, man e di alaje, yɛ man e nyan e ti fɔuun nan e sro Nyanmiɛn kpa, yɛ e nzuɛn'n `yo kpa.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Timote 6:3

Sɛ sran wie kle like uflɛ'n, b'ɔ fa-man e Min Jésus-Krist i ndɛ nanwlɛ'n ɔ nin Nyanmiɛn i sulɛ wafa nga ɔ kleli ye kɛ e su i'n su'n,

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

Tite 2:12

Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Zozie 17:14

Zozɛf akpasua sufuɛ'm be wa toli Zozie be seli i kɛ: «?E bɔ Anannganman yoli e ye kɛ nga sa'n, bɔ y'a sɔn-man ngowa nin-ɔn , ɔ yo sɛ yɛ a mannin e lika kunngba-a?»

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.

2 Piɛr 3:11

?Sɛ ninnge sɔ'n kwlaa be ´saci sɔ'n, like onin yɛ sɛ an yo-ɔ ɔ ti su-ɔ? Man amun nzuɛn'n yo kpa, yɛ an `fa amún wun mantan Nyanmiɛn!

Sa nglô yile 12:4

Nzraama bɔ be bubuli be nun akpasua nsan'n, i lua'n kannin be akpasua kun guali asiɛ wun wa . Dragɔn dan sɔ'n jrannin bla'n bɔ ɔ'a tran awuliɛ'n i nyrun lɛ nan sɛ ɔ wu ba-a ɔ ´di.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .