2 Timote 3:10 - NYANMIƐN NDƐ'N 1998

¹⁰ Ɔ liɛ'n, a si like nga n kle'n kpa, nin min nzuɛn'n, nin min akunndan'n, nin min Nyanmiɛn su bɔ n lafi'n, nin min anwlɛn bɔ n trɛ i'n, nin min Nyanmiɛn nin sran'm be klolɛ'n, nin min kekle bɔ n jran'n,

Nyanmien nde Ufle

¹⁰ O lie'n, a si liké nga n klé'n kpa, nin min nzuen'n, nin min akunndan'n, nin min Nyanmien su bo n lafi'n, nin min awlen bo n tre'n, nin min Nyanmien nin swran'm bé klôle'n, nin min kéklé bo n dyran'n,

2 Timote 3:10 ပူးပေါင်းရင်းမြစ်များ

Daniɛl 1:8

Daniɛl waan sɛ be ´wu be ´ba o, i liɛ'n, ɔ su di-man famiɛn'n i aliɛ ng'ɔ di'n wie, yɛ ɔ su nɔn-mɛn i nzan ng'ɔ nɔn'n wie nan ɔ'a yo fiɛn . Ɔ srɛli famiɛn'n i junman difuɛ'm bé su kpɛn'n kɛ nán man ɔ miɛn i kɛ ɔ di aliɛ sɔ'n nan ɔ yo fiɛn.

JÉSUS-CHRIST I DYASIN FE'N BO LUC KLELI'N 1:3

I sɔ'n ti, n kusu, kɛ n usa-usa sa sɔ'n nun kpa bɔ n wunnin kɛ ɔ fa boli i bo'n, n wun i kɛ ɔ ti kpa kɛ n klɛ ndɛ sɔ'n blɛ wɔ

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 2:42

Be fa be su sie be bɔ Jésus sunmannin be'n be ndɛ'n su kpa, be tran aniaan tranlɛ, be di like likawlɛ, be nin Nyanmiɛn be koko yalɛ tititi.

Sa nga bé yôli'n 20:18

Kɛ be bali'n, ɔ seli be kɛ: «Kɛ ɔ fin cɛn bɔ n juli Azi mɛn'n nun wa'n, an si tranlɛ wafa kwlaa nga min nin amun trannin'n.

Sa nga bé yôli'n 26:4

Kɛ be wuli min bɔ n nyinnin gbanflɛn'n, sa nga n yoli i min nvle'n nun ɔ nin Zerizalɛm wa'n, Zuif'm be kwlaa be si.

Rɔmfuɛ Mun 16:17

Aniaan mun, n ´srɛ amun kpa, be nga be fa-man ndɛ nga an fali su su'n, bɔ be fa afiɛn sacilɛ'n wla amun afiɛn'n, bɔ be saci sran ti nun'n, an `nian amun wun be lika. Nán an fa amun wun mantan be.

2 Korɛntfuɛ Mun 1:17

?Kɛ n waan n ´yo sɔ bɔ m'an yo-man'n, nuan nun nnyɔn-nnyɔn yɛ n dili-ɔ? ?Sa nga n se kɛ n ´yo'n, an bu kɛ n kɛn i ngbɛn kɛ sran wie'm be yo'n sa, bɔ n kan ndɛ-ɔ n kacikaci i, ndɛ n se kɛ: «Ɛɛn,» kpɛkuun ainman n waan: «Cɛcɛ»?

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Filipfuɛ Mun 2:20

afin i kunngba cɛ yɛ ɔ nin min e akunndan'n ti kun bɔ amun ndɛ lo i kpa-a.

Filipfuɛ Mun 2:22

Amun bɔbɔ an si kɛ Timote i nzuɛn'n ti kpa, ɔ uka min di junman jasin fɛ kanlɛ'n nun. Ɔ uka min kɛ ba yasua kun ukɛ i si'n sa.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

1 Timote 1:3

Kɛ n ´kɔ Maseduani'n, n seli wɔ kɛ a ka Efɛz lɔ nan a tu sran wie'm be fɔ kɛ nán man be kle like uflɛ,

1 Timote 4:6

Sɛ a kɛn i sɔ kle aniaan mun'n, bɔ a ´fa Nyanmiɛn i sulafilɛ ndɛ'n nin like kpa nga be kleli wɔ bɔ a fali su'n kaci kɛ wɔ aliɛ sa'n, a ´yo Krist-Jésus i junman difuɛ kpa.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

2 Timote 4:3

Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

2 Timote 4:7

M'an mian mín nyin m'an wanndi wanndilɛ dan kpa, m'an ju n juwlɛ, n jran kekle lafili Nyanmiɛn su.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

2 Piɛr 3:11

?Sɛ ninnge sɔ'n kwlaa be ´saci sɔ'n, like onin yɛ sɛ an yo-ɔ ɔ ti su-ɔ? Man amun nzuɛn'n yo kpa, yɛ an `fa amún wun mantan Nyanmiɛn!