2 Timote 2:9 - NYANMIƐN NDƐ'N 1998

⁹ Jasin fɛ sɔ'n ti yɛ n wun nyrɛnnɛn bɔ be ci min kɛ sa tɛ yofuɛ sa nin-ɔn. Sanngɛ Nyanmiɛn Ndɛ fuɛ'n, be kwla tannin-mɛn i.

Nyanmien nde Ufle

⁹ Dyasin fe so'n ti ye n wun nyrennen bo bé tyi n ke sa te yôfue sa nion. Sannge Nyanmien ndefue'n, bé kwla tanninmen.

2 Timote 2:9 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 23:32

Sa tɛ yofuɛ nnyɔn bɔ be waan be ´kun be'n, kɛ be ´fa Jésus kɔ'n, be fa be kusu ɔli wie .

Sa nga bé yôli'n 21:33

Ɔ wunngeli Pɔl wun lɛ nan ɔ'a trɛ i, ɔ man be cili nin jrɔkɔ nnyɔn, yɛ ɔ usali be sran wafa ng'ɔ ti'n nin sa ng'ɔ yoli'n.

Sa nga bé yôli'n 28:31

Be kwlaa nga be bɛ i wun wunlɛ'n, ɔ sɔ be nun. Ɔ kan Nyanmiɛn sielɛ ndɛ'n kle be, yɛ ɔ kle e Min Jésus-Krist i ndɛ'n yakpa su, sran fi se-mɛn i kɛ nán man ɔ kan.

Sa nga bé yôli'n 9:16

yɛ m ma fa nyrɛnnɛn ng'ɔ wa wun i n dunman nun'n i kwlaa n kle i.

Efɛzfuɛ Mun 3:1

I sɔ'n ti'n, m Pɔl n ti Krist-Jésus i bisuafuɛ amun bɔ an ti-man Zuif'n amun ti.

Filipfuɛ Mun 1:17

Sanngɛ be nga'm be bu be bɔbɔ bé wun akunndan yɛ be kan Krist ndɛ nin-ɔn, be klun akunndan'n ti-man kpa, be waan be ´yo i sɔ nan n `wun min nyrun tra su bisua'n nun wa.

Filipfuɛ Mun 1:7

Kɛ m bu amun kwlaa amun akunndan kɛ nga sa'n, ɔ ti kpa, afin amun ndɛ lo n kpa. Kɛ e ´se yɛ'n bɔ n wo bisua nun'n, nin laa bɔ n nyan ń ti n jran jasin fɛ'n su man ɔ taka kpa'n, ye nga Nyanmiɛn yoli min'n, ɔ yo amun kwlaa amun wie,

Kolɔsfuɛ Mun 4:18

N ´yo amun like. M bɔbɔ m Pɔl yɛ m'an fa n sa m'an klɛ ndɛ kpe kaan nga fuɛ nin-ɔn. Nán amún wla fi kɛ n tɛ o bisua nun'n. N ´yra min nuan kɛ an `nyan ye!

Kolɔsfuɛ Mun 4:3

Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

1 Tɛsalonikfuɛ Mun 1:8

Kɛ Nyanmiɛn ndɛ'n fin amun wun lɔ b'ɔ juli Maseduani nin Akai lɔ'n, ɔ'a ka-man lɛ ngunmin, sanngɛ amun Nyanmiɛn sulafilɛ ndɛ'n ɔ'a tru lika'n kwlaa, ɔ man e bo-man wɛ e kɛn-mɛn i kun.

2 Tɛsalonikfuɛ Mun 3:1

Aniaan mun, min ndɛ'n i atabo'n yɛ: an `srɛ Nyanmiɛn kɛ ɔ nian e su man e Min'n i ndɛ'n trɛ ndɛndɛ yɛ be `bu i nanwlɛ kɛ an fa bu i nanwlɛ'n sa.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 2:3

Nyrɛnnɛn nga e wun i'n, Krist-Jésus i sonja kpa bɔ a ti'n ti man ɔ sɔn ɔ nun.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 2:14

sɛ i sran ng'ɔ sie be b'ɔ sunman be kɛ be tu be nga be yo sa tɛ'n be fɔ nan be yo be nga be yo sa kpa'n be mo mun o.

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.

1 Piɛr 4:15

Nyrɛnnɛn nga an wun i'n, nán man ɔ yo kɛ amu'an kun sran yɛ amu'an wua, nán man ɔ yo kɛ amu'an yo sa tɛ wie yɛ amu'an fa amún nuan a wlɛwlɛ sran wie'm be ndɛ nun.