2 Timote 2:3 - NYANMIƐN NDƐ'N 1998

³ Nyrɛnnɛn nga e wun i'n, Krist-Jésus i sonja kpa bɔ a ti'n ti man ɔ sɔn ɔ nun.

Nyanmien nde Ufle

³ Nyrennen nga é wuin'n, Christ-Jésus i sôndya kpa bo a ti'n ti mon o son o nun.

2 Timote 2:3 ပူးပေါင်းရင်းမြစ်များ

Sa nga bé yôli'n 23:31

Sonja'm be yoli like nga be kan kleli kɛ be yo'n, be fa Pɔl ɔli kɔnguɛ lele Antipatris.

1 Korɛntfuɛ Mun 13:7

Sran b'ɔ klo sran'n, sa'n kwlaa sɔn i nun, sa'n kwlaa nun ɔ lafi Nyanmiɛn su, i wla'n wo i su, ɔ trɛ i anwlɛn sa'n kwlaa nun, yɛ ɔ si-man afɛ.

1 Korɛntfuɛ Mun 9:7

?Wan yɛ ɔ o sonja nun b'ɔ tuɛ i bɔbɔ wun kalɛ-ɔ? ?Wan yɛ ɔ di fie b'ɔ di-man su like-ɔ? ?Wan yɛ ɔ ta nnɛn b'ɔ nɔn-mɛn i nɔnnɔn-ɔn?

2 Korɛntfuɛ Mun 1:6

Sa ng'ɔ tɔ e su'n, amun ukalɛ nin amún ti nyanlɛ ti-ɔ, fɔnvɔlɛ nga Nyanmiɛn fa fɔnvɔ ye'n, amun fɔnvɔlɛ ti-ɔ, ɔ man sa kwlaa ng'ɔ sɔn e nun'n, ɔ sɔn amun nun wie.

1 Timote 1:18

Mín wa Timote, afɔtuɛ nga n ´fa man wɔ yɛ'n, ɔ nin ɔ́ wun ndɛ nga be bo su kleli min laa'n ɔ ti kun. Fa ndɛ sɔ'n, mian ɔ́ nyin yo sa ng'ɔ ti kpa'n

2 Timote 1:1

M Pɔl bɔ Nyanmiɛn man Krist-Jésus sunmannin min'n, n ´klɛ fluwa nga blɛ wɔ Timote bɔ a ti min anwlɛn su ba'n. Krist-Jésus sunmannin min kɛ n kan nguan nga Nyanmiɛn waan ɔ ´fa man be nga be nin Krist b'a kaci sran wunmuan'n i ndɛ. Man e Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun!

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

2 Timote 2:9

Jasin fɛ sɔ'n ti yɛ n wun nyrɛnnɛn bɔ be ci min kɛ sa tɛ yofuɛ sa nin-ɔn. Sanngɛ Nyanmiɛn Ndɛ fuɛ'n, be kwla tannin-mɛn i.

2 Timote 3:11

nin yalɛ nga be kle min'n, ɔ nin nyrɛnnɛn nga n wunnin i Antiɔs nin Ikoni nin Listri lɔ'n. ?Nyrɛnnɛn'n i nyrun nin i sin onin yɛ m'an wun-mɛn i-ɔ? Sanngɛ e Min'n deli min i kwlaa sɔ'n nun.

2 Timote 4:5

Sanngɛ ɔ liɛ'n, nian ɔ wun su sa'n kwlaa nun, yalɛ nga be kle wɔ'n, man ɔ sɔn ɔ nun, jasin fɛ i kanlɛ b'ɔ ti ɔ junman'n, di. Junman nga Nyanmiɛn fa wlali ɔ́ sa nun'n, guɛguɛ i bo.

Filemɔn 1:2

e ´klɛ fluwa nga blɛ wɔ Filemɔn bɔ a ti e sran kpa nin e wiengu junman difuɛ'n, nin e niaan bla Afia, ɔ nin Arsip bɔ e nin i e fɛ'n nin asɔnunfuɛ nga be yia wɔ awlo lɔ'n.

Hébreu 10:32

Laa bɔ kɛ Nyanmiɛn man an wunnin ase'n, nyrɛnnɛn dan kpa nga an wunnin i'n bɔ an jrannin kekle'n, an `bu i akunndan.

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .

Hébreu 6:15

Ɔ man i sɔ'n ti'n, kɛ Abraam trɛli i anwlɛn lele'n, ɔ nyannin like nga Nyanmiɛn seli kɛ ɔ ´mɛn i'n.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jɔlɛ Difuɛ Mun 3:2

Anannganman waan ɔ ´yaci be lɛ nan Izraɛlfuɛ nga be ´kun alɛ'n b'a wun-man nun'n, be fa be a suan alɛ kunlɛ.