2 Timote 2:22 - NYANMIƐN NDƐ'N 1998

²² Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

Nyanmien nde Ufle

²² Nanh bu liké nga gbanflen kônvi soe'n i akunndan, sannge a nin bé kwlaa nga sa te nu'an bé awlen'n nun bo bé bô fle é Min'n, anh mian amun nyin anh yô sa ng'o ti kpa'n, anh lafi Nyanmien su, anh klô Nyanmien nin swran, ye man amun wla gua asé.

2 Timote 2:22 ပူးပေါင်းရင်းမြစ်များ

Jue Mun 119:9

?Ɔ yo sɛ yɛ gbanflɛn kun annzɛ talua kun kwla yo saun-ɔn? San ɔ ´fa wɔ ndɛ nga a kan'n su.

Jue Mun 17:1

David i Nyanmiɛn srɛlɛ. I waan: Anannganman, min ndɛ'n yo fɛ, sie ɔ́ su tie. Tie kpanlɛ bɔ n kpan'n. Tie min srɛlɛ'n, afin nán gblɛ srɛlɛ-ɔ.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 6:5

Flo ndɛ sɔ'n nun kɛ wannzannin wie yɛ ɔ'a flo koniɛnfuɛ wie sa nun sa. Flo nun kɛ anunman wie yɛ ɔ'a flo koniɛnfuɛ wie sa bo sa.

Nyanndra Mun 7:8

Mmuɛ wie sin bla tɛtɛ sɔ'n kun i awlo'n nyrun lɛ. N ´wun i-ɔ ɔ'a fa mmuɛ sɔ'n, ɔ su to i ti bla sɔ'n i awlo'n i wun lɔ.

Saun Yolɛ 15:18

Sɛ bla kun nin yasua kun be la'n, ɔ fata kɛ be nnyɔn'n be wunnzin. Sanngɛ lele'n b'ɔ ´fa ju nnɔsua'n, wuun be tɛ o fiɛn nun.»

Sa nga bé yôli'n 7:59

Kɛ be ´finfin Etiɛni yɛbuɛ'n, ɔ seli e Min'n kɛ: «Nannan Jésus, wa fa min!»

Sa nga bé yôli'n 9:14

Yɛ Nyanmiɛn nyrun jranfuɛ dandan'm be mɛnnin i atin kɛ sran kwlaa b'ɔ bo ɔ dunman klɔ nga su wa'n, ɔ `ci i!»

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 14:19

I sɔ'n ti'n, man e yo sa ng'ɔ jɔ e wiengu klun b'ɔ man e kwlaa e ´yo kpa'n.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

1 Korɛntfuɛ Mun 1:2

e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ. Amun b'ɔ flɛli amun kɛ an ´kaci i liɛ mlɔnmlɔn sran wunmuan bɔ amun nin Jésus-Krist amu'an yo'n ti'n, amun nin be kwlaa nga be bo Jésus-Krist b'ɔ ti e kwlaa e Min'n i dunman'n, amun yɛ e klɛ blɛ amun-ɔn.

1 Korɛntfuɛ Mun 10:14

I sɔ'n ti'n, n sran kpa mun, an `wla amuɛn sɔlɛ'n i ase.

1 Korɛntfuɛ Mun 14:1

Man sran klolɛ'n yo cinnjin amún sa nun. Man amún nyin blo Nyanmiɛn Wawɛ'n i ninnge b'ɔ fa man sran mun kɛ be yo'n be su dan kpa, sanngɛ man Nyanmiɛn nuan ijɔlɛ'n lo amun trɛ i ngba.

1 Korɛntfuɛ Mun 6:18

An `wla bla nin bian kunndɛlɛ'n i ase. Sa tɛ kwlaa bɔ sran yo'n, ɔ ti-man bé kplo nun ndɛ, sanngɛ sran ng'ɔ kunndɛ bla annzɛ bian'n, ɔ yo i sɔ sa liɛ'n guɛ i bɔbɔ kplo'n nun.

1 Timote 1:14

Ye nga e Min'n yoli min'n i nyin fiteli dan, ɔ man kɛ e nin Krist-Jésus e kacili sran wunmuan'n, e lafi i su, yɛ e klo i nin sran mun.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

1 Piɛr 3:11

Man ɔ wla sa tɛtɛ'n i ase, yɛ ɔ yo sa kpa, man ɔ nin sran'm be kwlaa bé nuan sɛ, yɛ man sran'm be afiɛn siesielɛ'n kaci i junman,

3 Jean 1:11

N sran kpa, nán nian sa tɛ nga be yo'n su, sanngɛ nian sa kpa nga be yo'n su. Sran ng'ɔ yo sa kpa'n, ɔ ti Nyanmiɛn liɛ, sran ng'ɔ yo sa tɛ'n, ɔ si-man Nyanmiɛn.