2 Timote 2:21 - NYANMIƐN NDƐ'N 1998

²¹ Ɔ man sran ng'ɔ yi i wun sa tɛ'm be yolɛ nun'n, ɔ ´yo kɛ talie klanman bɔ be fa di cɛn'n sa, ɔ ´kaci i Min'n liɛ, ɔ ´fa yo i wun sa ye, yɛ ɔ ´kwla fa yo like kwlaa ng'ɔ ti kpa'n.

Nyanmien nde Ufle

²¹ O man swran ng'o yi i wun sa te so'm bé yôle nun'n, oh yôh ke talié klaan bo bé fa di bé tyen'n sa, oh katyih i Min'n lie, oh yôh i wun sa yé, oh kwlah fa yô liké kwlaa ng'o ti kpa'n.

2 Timote 2:21 ပူးပေါင်းရင်းမြစ်များ

2 Timote 3:17

nan Nyanmiɛn sran'n ɔ nyan like b'ɔ kwla fa di junman kwlaa ng'ɔ ti kpa'n.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

Jue Mun 119:9

?Ɔ yo sɛ yɛ gbanflɛn kun annzɛ talua kun kwla yo saun-ɔn? San ɔ ´fa wɔ ndɛ nga a kan'n su.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.

2 Timote 2:20

Awlo dan kun nun'n nán sika ɔkwlɛ sɛ nin jɛtɛ ufue sɛ ngunmin yɛ be o nun-ɔn, sanngɛ like nga be fa waka be sɛli'n, ɔ nin nga be fa ufa wuli'n be wie o lɔ. Be sie wie fa di cɛn, yɛ be fa wie yo like kwlaa nga be klo'n.

Ezai 52:11

Amun bɔ amun sua Anannganman i sulɛ ninnge mun'n, amun `wɔ, amun `wɔ, amun `fite! Nán amun kan ninnge fiɛn fi. Amun `fin Babilɔni lɔ fite, amun `yo amún wun saun !

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Korɛntfuɛ Mun 5:7

An `gua kpaun ayre laa'n i ase, nan an yo kpaun uflɛ. Afin an ti kɛ kpaun bɔ b'a gua-man nun kpaun ayre'n sa, yɛ b'a kun Krist b'ɔ ti kɛ e Delɛ-cɛn i bua sa'n.

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Tite 3:14

Kle e minniɛn'm be kusu kɛ be `di junman klanman nan b'a nyan like nga bé sa miɛn i wun'n, nán man be bubu bé sa nin bé ja tran su.

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Ezai 1:25

Zerizalɛmfuɛ mun, e nin amun y'a nyɛn. N ´tu amun nun fiɛn'n kɛ be fa kpetre sanmlan be fa tu like nun fiɛn'n sa.

2 Korɛntfuɛ Mun 9:8

Nyanmiɛn kwla man amun like kpakpa'n kwlaa lele bé ti sin yia amun. Ɔ man cɛn kwlaa amun ´nyan like ng'ɔ mian amún sa'n i kwlaa, yɛ amun ´nyan wie kpanngban amun ´fa yo aklunye,

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 2:16

Nán fa ɔ wun wla ndɛ ngbɛn-ngbɛn bɔ be nin Nyanmiɛn ndɛ'n be ti-man kun'n be nun, afin be nga be yo sɔ'n be fa-man bé wun mantan-man Nyanmiɛn lele be nin i bu.

2 Timote 4:11

Lik ngunmin yɛ ɔ nin min o wa-a. A nin Mark an bla, afin ɔ uka min kpa n junman'n nun.