2 Timote 2:19 - NYANMIƐN NDƐ'N 1998

¹⁹ Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Nyanmien nde Ufle

¹⁹ Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

2 Timote 2:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 112:6

Ɔ tɔ-man le nan kɛ ɔ ´yo-ɔ ɔ'a yo. Sran ng'ɔ yo sa i nuan su'n, be wla fi-mɛn i su le .

Jue Mun 34:14

nán man ɔ ijɔ tɛtɛ kun. Man ɔ yaci ato bualɛ'n.

Jue Mun 37:18

Be nga be yo-man sa tɛ'n, be nguan'n ɔ lo Anannganman. Mɛn ng'ɔ fa mannin be'n, ɔ ti bé aja like tititi.

Jue Mun 97:10

Amun bɔ an klo Anannganman'n, an `kpɔ sa tɛ'n. Ɔ sasa i sufuɛ nanwlɛfuɛ'm be nguan'n. Ɔ de be klunwifuɛ'm bé sa nun .

Nyanndra Mun 10:25

Kɛ seke'n ko tu'n, a kunndɛ klunwifuɛ nin-ɔn a wun-mɛn i kun. Sanngɛ sran kpa'm be liɛ'n, be lɛ olui. Be olui'n ti anannganman .

Nyanndra Mun 3:7

Nán bu ɔ wun kɛ a si akunndan, man ɔ́ nyin yi Anannganman, nán yo tɛ .

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

Ezai 65:15

Sɛ amun wu'n, min sufuɛ nga be ´ka amún sin wa'n, be ´fa amun dunman'n yɛ be ´fa wa sran'm be amuɛn-ɔn. Be ´se kɛ: Man Anannganman kun wɔ kɛ sran nga sa annzɛ kɛ sran nga sa. Sanngɛ min sufuɛ'm be liɛ'n, m ´man be dunman uflɛ .

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Naɔm 1:7

Anannganman'n ti kpa. Awlaboɛ blɛ nun'n, i sin yɛ be fia-a. Be nga be fiɛ i fɔnvɔ'n bo'n, ɔ nian be lika .

Ndɛ Nga Nyanmiɛn I Nuan Ijɔfuɛ Aze Kannin'n 2:23

I cɛn sɔ nun'n, Sealtiɛl wa Zorobabɛl, wɔ bɔ a ti min sufuɛ, n ´fa wɔ. A ´yo kɛ min sa nzɔliɛ sa, afin wɔ yɛ m'an kpa wɔ-ɔ. M bɔbɔ min Anannganman bɔ n sie mɛn wunmuan'n, yɛ n kɛn i sɔ ndɛ mun-ɔn .› »

Zakari 3:9

M'an fa yɛbuɛ kun m'an sie Zozie nyrun lɛ, yɛbuɛ kunngba cenje sɔ'n, nyinma nso o su. Like nga bɔ be ko klɛ i su'n, m bɔbɔ yɛ n ´klɛ-ɔ. Kpɛkuun mɛn nga nun sa tɛ'n, n ´salo i le kunngba .

Kalɛ 16:5

nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 6:27

Sɛ min nyrun jranfuɛ'm be fa min dunman'n sie Izraɛlfuɛ'm be su kɛ nga sa'n, yɛ n wa yo be wun sa ye-ɔ.»

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Matthieu 7:23

Yɛ n ´se be kɛ: ‹Amun bɔ an saci mmla'n, an `fa jao min wun lɛ. N si-man amun mlɔnmlɔn .› »

Matthieu 7:25

Nzue'n tɔli, ɔ yili lika'n, aunngban'n dan ɔ fitali, sanngɛ sua'n ɔ'a bu-man, yɛlɛ kɛ be kplɛnnin i yɛbuɛ su.

Marc 12:16

Be blɛli i kun, yɛ ɔ usali be kɛ: «?Wan yɛlɛ ng'ɔ o su yɛ'n? ?Yɛ wan sanuan yɛlɛ ng'ɔ klɛ su lɛ'n?» Be seli i kɛ: «Sezar yɛ ɔ o su-ɔ, yɛ i sanuan yɛ ɔ o su-ɔ.»

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

JÉSUS-CHRIST I DYASIN FE'N BO LUC KLELI'N 13:27

Yɛ i kusu ɔ ´se amun kɛ: ‹Amun kwlaa bɔ an yo sa tɛ'n, an `fa jao min wun lɛ, n si-man amun finwlɛ.›

JÉSUS-CHRIST I DYASIN FE'N BO LUC KLELI'N 6:48

Ɔ ti kɛ sran kun b'ɔ su kplan sua sa. Ɔ kpɛ kunman kploun, kunman sɔ'n ɔ kpɛn yɛbuɛ su, sran sɔ'n ɔ wla sua'n i bo ase yɛbuɛ sɔ'n su. Nzue dan kun yi ba kpuu, ɔ dili sua sɔ'n, sanngɛ ɔ'a yo-mɛn i like fi yɛlɛ kɛ be kplɛnnin i kpa.

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Jean 3:33

Sran ng'ɔ fɛ i ndɛ'n su'n, ɔ si weiin kɛ Nyanmiɛn ti nanwlɛfuɛ,

Sa nga bé yôli'n 11:26

Kɛ ɔ wunnin i'n, ɔ fɛ i ɔli Antiɔs. Be dili afuɛ wunmuan kun asɔnun sɔ'n nun, be kɔ asɔnunfuɛ'm be anyia'm be bo, be kle sran kpanngban kpa be like. Antiɔs lɔ yɛ be boli Jésus sɔnnzɔnfuɛ'm be flɛlɛ kɛ Kristfuɛ'n i bo-ɔ.

Sa nga bé yôli'n 9:14

Yɛ Nyanmiɛn nyrun jranfuɛ dandan'm be mɛnnin i atin kɛ sran kwlaa b'ɔ bo ɔ dunman klɔ nga su wa'n, ɔ `ci i!»

Rɔmfuɛ Mun 11:2

Nyanmiɛn sran'm b'ɔ dun mmua fali be'n, ɔ'a yi-man be blo. ?Nyanmiɛn ndɛ nga be klɛli i kɛ Eli sanmannin Izraɛlfuɛ mun Nyanmiɛn ja su'n, an si-man ndɛ sɔ'n ? Be klɛli ndɛ sɔ'n kɛ:

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Rɔmfuɛ Mun 15:20

Kɛ ɔ ko yo nan m'an sa-man sran wie junman liɛ ng'ɔ boli i bo su'n, i ti n waan lika nga be nian ti-man Krist ndɛ lɛ le'n, lɛ yɛ m ´bo i jasin fɛ nin-ɔn.

Rɔmfuɛ Mun 15:9

Yɛ ɔ bali nan be bɔ be ti-man Zuif'n be kusu be `la Nyanmiɛn ase i aunnvuɛ b'ɔ wunnin be'n ti. Afin be klɛli i kɛ: «I sɔ'n ti'n, m ´bo ɔ dunman be nga be ti-man Zuif'n be nyrun, yɛ n ´to jue m ´bo flɛ wɔ.»

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

1 Korɛntfuɛ Mun 1:2

e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ. Amun b'ɔ flɛli amun kɛ an ´kaci i liɛ mlɔnmlɔn sran wunmuan bɔ amun nin Jésus-Krist amu'an yo'n ti'n, amun nin be kwlaa nga be bo Jésus-Krist b'ɔ ti e kwlaa e Min'n i dunman'n, amun yɛ e klɛ blɛ amun-ɔn.

1 Korɛntfuɛ Mun 8:3

Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Galasifuɛ Mun 4:9

?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?

Efɛzfuɛ Mun 2:20

An ti kɛ sua bɔ be fa tɛkɛ i bo nga be bɔ Jésus sunmannin be'n be nin Nyanmiɛn nuan ijɔfuɛ'm be wlɛli i ase'n i su'n sa, yɛ Jésus-Krist bɔbɔ yɛ ɔ ti yɛbuɛ kpa b'ɔ tra sua sɔ'n i cɔnjɔ'n i ase nin-ɔn.

Efɛzfuɛ Mun 3:15

Nyanmiɛn su lɔ o, asiɛ'n su wa o, i dunman'n wo osu-osu'n kwlaa su.

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Timote 6:19

Sɛ be yo sɔ'n, wuun bɛtrɔ kpa kun b'ɔ saci-man'n yɛ b'a kpɛ b'a sie-ɔ, yɛ be ´nyan nguan sakpa.

Hébreu 11:10

Afin ɔ minndɛ klɔ kpa nga be wlɛli i sua'm bé bo ase kpa'n, bɔ Nyanmiɛn bɔbɔ yɛ ɔ jajali yɛ ɔ kplannin'n.

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 21:14

I wun nga be sili'n, be wlɛli i bo ase nin yɛbuɛ blu-nin-nnyɔn. Be klɛli sran blu-nin-nnyɔn bɔ Bua Gbanflɛn'n sunmannin be'n be dunman su.

Sa nglô yile 22:4

be ´wun i, be ´klɛ i dunman'n be ngban su .

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.