2 Timote 2:14 - NYANMIƐN NDƐ'N 1998

¹⁴ Kan ndɛ nga mun kle be kwlaa, kan flan nun. Nyanmiɛn ti ɔ lalofuɛ, srɛ be kpa kɛ be `yaci ndɛ'm be su utre dilɛ'n b'ɔ yo-man like fi ye'n, b'ɔ saci be bɔ be ti'n.

Nyanmien nde Ufle

¹⁴ Kan nde nga klé bé kwlaa, kan flan nun. Nyanmien Kpli ti o lalôfue, sre bé kpa ke bé yatyi nde'm bé su utré dile'n b'o yô'a liké fi yé'n, o sanngan bé nga bé ti'n bé akunndan.

2 Timote 2:14 ပူးပေါင်းရင်းမြစ်များ

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 2:11

?Awlanmannun, nvle wie o lɛ b'ɔ kaci i amuɛn mun-ɔn? ?Kannzɛ bɔ be ninnge sɔ'm be ti-man amuɛn kpa'n be kaci be? Sanngɛ kpɛkuun min nvle bɔ n dili i nɛnnɛn n yoli i Nyanmiɛn'n, ɔ yaci min lɛ cɛ ɔ ko fa like nga be yo-man sa fi ye'n.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 23:36

Nán an usa sa nga n ´fa yi amun su'n i ndɛ kun. Sran ng'ɔ usa sɔ'n, i sɔ b'ɔ usali'n ti sa ´nyɛn i, afin min bɔ n lafi-man'n, min Anannganman bɔ n sie mɛn wunmuan'n, min bɔbɔ min Nyanmiɛn'n an kpɛ min ndɛ'n wun.

Zeremi 7:8

Sanngɛ amun liɛ'n, ndɛ finfin ng'ɔ yo-man like fi ye'n i su yɛ amun lafi-ɔ.

Abakik 2:18

?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

Sa nga bé yôli'n 13:10

ɔ seli kɛ: «Asiɛ usu'm bé si Satan wa, gblɛ'n nin ndrunmun'n ɔ'a kun wɔ kpo! Like kwlaa ng'ɔ ti kpa'n a klo-mɛn i. ?A yaci-man e Min Nyanmiɛn'n i ndɛ nanwlɛ'n i nun ato bualɛ'n ?

Sa nga bé yôli'n 15:24

E tili i kɛ sran wie bɔ be fin e wun wa bɔ nán e yɛ e sunmannin be'n, be ko kannin ndɛ wie mun kleli amun nan ndɛ sɔ'm be boli amún wla, yɛ be sanngannin amun akunndan.

Rɔmfuɛ Mun 14:1

Sran nga kɛ ɔ lafili Krist su'n ɔ nian wun-man sa ng'ɔ yo-ɔ ɔ ti su'n i wlɛ'n, an `bu i amun niaan, nán amun nin i si akplowa.

Galasifuɛ Mun 1:7

Nanwlɛ, jasin fɛ uflɛ fi nun-man lɛ, sanngɛ sran wie'm be o lɛ be sanngan amun akunndan, yɛ be klo kɛ be ´kaci Krist i jasin fɛ'n.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

1 Tɛsalonikfuɛ Mun 4:1

Aniaan mun, min ndɛ'n i atabo'n yɛ: sa nga an yo-ɔ ɔ yo Nyanmiɛn fɛ'n, e kleli amun, an fali su yɛ an wo i yolɛ su, sanngɛ sran wunmuan bɔ e nin e Min Jésus ti'n ti, e ´srɛ amun yɛ e ´kan kle amun kpa kɛ an yo i sɔ tra laa'n.

2 Tɛsalonikfuɛ Mun 3:6

Aniaan mun, e ´srɛ amun, an `nian e Min Jésus-Krist ti nán an fa amun wun mantan sran kwlaa ng'ɔ ti nvɛɛfuɛ bɔ like ng'ɔ yo'n nin ndɛ nga e kan kleli amun'n ti-man kun'n.

1 Timote 1:4

yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 1:6

Sran wie'm b'a yaci ninnge sɔ'm be yolɛ, b'a fa be wun a wla ndɛ ngbɛn-ngbɛn'm be kanlɛ nun.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.

1 Timote 6:13

Nyanmiɛn b'ɔ man like kwlaa nguan'n, nin Krist-Jésus b'ɔ kan ndɛ nanwlɛ yakpa su kleli Pɔns Pilat'n, be ti ndɛ nga n wa kan kle wɔ yɛ'n i nun lalofuɛ :

2 Timote 1:6

I sɔ'n ti'n, n ´srɛ wɔ kɛ like nga kɛ n fa n sa fuali ɔ su bɔ Nyanmiɛn fa mannin wɔ kɛ a yo b'ɔ ti kɛ sin sa'n, trɔ i nuan nian su.

2 Timote 2:16

Nán fa ɔ wun wla ndɛ ngbɛn-ngbɛn bɔ be nin Nyanmiɛn ndɛ'n be ti-man kun'n be nun, afin be nga be yo sɔ'n be fa-man bé wun mantan-man Nyanmiɛn lele be nin i bu.

2 Timote 2:23

Sanngɛ nán fa ɔ wun wla sinnzin akplowa silɛ b'ɔ yo-man sa fi ye'n nun, afin a si kɛ akplowa'n i bo agualiɛ yɛlɛ utre.

2 Timote 4:1

Ndɛ nga n wa kan kle wɔ yɛ'n, Nyanmiɛn nin Krist-Jésus b'ɔ wa di be nga be wuli'n nin be nga bé nyin o su'n be ndɛ'n, be ti n lalofuɛ. I balɛ b'ɔ wa ba'n nin i famiɛn b'ɔ wa di'n ti, n ´srɛ wɔ kpa,

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

2 Piɛr 1:13

Kɛ n nian wu-man'n, sɛ n kpɛn amún wla nan an fa sa sɔ'n sie amun klun'n, n wun i kɛ ɔ ti kpa.

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.