2 Timote 2:12 - NYANMIƐN NDƐ'N 1998

¹² Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

Nyanmien nde Ufle

¹² Se é dyran kéklé'n, é nin i ye éh dih famien nion, Se é sé ke é simen'n, i kusu wa sé ke o si'a é,

2 Timote 2:12 ပူးပေါင်းရင်းမြစ်များ

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Matthieu 10:33

sanngɛ sran ng'ɔ yo i wun sran'm be nyrun kɛ ɔ si-man min'n, n kusu n ´kɛn n Si b'ɔ o nyanmiɛn su lɔ'n i nyrun kɛ n si-mɛn i .»

Matthieu 26:35

Piɛr seli i kɛ: «Kannzɛ min nin wɔ e ´wu'n, san e ´wu, n su se-man kɛ n si-man wɔ le.» Nan i sɔnnzɔnfuɛ'm be kwlaa b'a kan ndɛ kunngba'n.

Matthieu 26:75

Yɛ Piɛr wla kpɛnnin ndɛ nga Jésus kan kleli i i su-ɔ. Ɔ kɛnnin i kɛ ɔ wa se kɛ ɔ si-mɛn i sɔ kpɛ nsan nan akɔ nyinman'n ɔ'a bo. Ɔ fiteli gua su lɔ nan ɔ'a sun dan kpa.

Marc 10:33

Ɔ seli kɛ: «An `nian, e su kɔ Zerizalɛm, be wa fa m bɔ n kacili Sran'n man Nyanmiɛn nyrun jranfuɛ dandan mun nin mmla klefuɛ mun. Be ´se kɛ m'an di fɔ nan be `kun min, be ´fa min man be nga be ti-man Zuif'n,

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 12:9

Sanngɛ sran ng'ɔ yo i wun sran'm be nyrun kɛ ɔ si-man min'n, m bɔ n kacili Sran'n n kusu n ´kɛn Nyanmiɛn i anz'm be nyrun kɛ n si-mɛn i.

JÉSUS-CHRIST I DYASIN FE'N BO LUC KLELI'N 22:29

Ɔ man kɛ n Si sieli n famiɛn'n, n kusu n ´sie amun famiɛn

JÉSUS-CHRIST I DYASIN FE'N BO LUC KLELI'N 22:30

nan tabli nga n ´di su min mɛn'n nun lɔ'n, an ´di su wie, yɛ n ´sie amun bia su man be ´fa Izraɛl nvle blu-nin-nnyɔn mun ba amún ja su.»

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

Filipfuɛ Mun 1:28

Nán an lo amun wun man amun kpɔfuɛ mun man be wla amun srɛ sa fi nun. Sɛ amu'an lo-man amun wun a man-man be'n, ɔ kle be kɛ be ´mlin, yɛ amun kusu amun ´nyan amún ti, Nyanmiɛn yɛ ɔ sieli i sɔ-ɔ,

1 Timote 5:8

Sran ng'ɔ niɛn-mɛn i fuɛ'm be lika'n ɔ ti tɛ, nga b'ɔ ti tɛ'n tra su'n yɛlɛ sran ng'ɔ niɛn-mɛn i bɔbɔ i awlo'n i lika'n, ɔ ti-man Nyanmiɛn sufuɛ, i tɛ liɛ'n tra sran ng'ɔ lafi-man Krist su'n.

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .

Sa nglô yile 20:6

Be nga be ko cɛn klikli sɔ'n wie'n, be liɛ su ti ye, be ti Nyanmiɛn liɛ sakpa! Wie i nnyɔn su'n su kwla-man be, be ´yo Nyanmiɛn nin Krist be nyrun jranfuɛ, be nin Krist yɛ be ´di famiɛn afuɛ akpi nin-ɔn.

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.

Sa nglô yile 5:10

Ɔ man b'a kaci e Nyanmiɛn'n i awlo sran bɔ be trɛn i nyrun. Be yɛ be ´sie sran mun asiɛ'n su wa-a .»