2 Timote 2:11 - NYANMIƐN NDƐ'N 1998

¹¹ Ndɛ nga n wa kɛn i yɛ'n ti nanwlɛ weiin: Sɛ e nin i yɛ e wuli'n, e nin i yɛ e ´cɛn-ɔn.

Nyanmien nde Ufle

¹¹ Nde nga m ma ken ye'n ti nanwle wéiin, Se é nin i ye é wuli'n, é nin i ye éh tyeonh,

2 Timote 2:11 ပူးပေါင်းရင်းမြစ်များ

Jean 14:19

Ɔ cɛ kan'n, mɛn nunfuɛ'm be su wun-man n kun, sanngɛ amun liɛ'n, amun ´wun min. N wu-man, ɔ man amun kusu amun ´ka lɛ tititi.

Rɔmfuɛ Mun 6:5

Afin sɛ e nin i kaci sran wunmuan e wie'n b'ɔ ti kɛ i liɛ'n sa'n ti'n, i kunngba'n, e nin i e ´kaci sran wunmuan e cɛnlɛ'n b'ɔ ti kɛ i liɛ'n sa'n ti.

Rɔmfuɛ Mun 6:8

Sɛ e nin Krist yɛ e wuli'n, e lafi su kpa kɛ e nin i yɛ e ´tran kusu-ɔ.

2 Korɛntfuɛ Mun 13:4

Afin ɔ ti nanwlɛ kɛ be boboli i waka'n su kɛ sran b'ɔ kwla-man like fi yo sa, sanngɛ Nyanmiɛn i fanngan nun ti yɛ ndɛkɛn ɔ o lɛ-ɔ. E kusu kɛ e nin i y'a yo sran wunmuan'n, e yo e wun kɛ i bɔbɔ yoli i wun kɛ fuɛnfuɛ'n sa, sanngɛ like nga e yo man amun'n, e yo i Nyanmiɛn i fanngan nun, yɛlɛ kɛ e nin Krist y'a yo sran wunmuan.

2 Korɛntfuɛ Mun 4:10

Kɛ ɔ ´yo nan b'a wun kɛ y'a nyan nguan kunngba nga Jésus lɛ i'n wie'n, cɛn kwlaa nyrɛnnɛn kunngba nga Jésus wunnin i b'ɔ fa wuli'n, e wun wie.

1 Tɛsalonikfuɛ Mun 4:17

i sin kɛ ɔ ko yo sɔ'n, e nga é nyin tɛ o su'n, Nyanmiɛn wa man e nin be e su nyanmiɛn ble'n nun, yɛ e ´ko kpa e Min'n i atin nglo lɔ. Kɛ ɔ ko yo sɔ'n, e nin e Min'n e ´tran manndimaan .

1 Tɛsalonikfuɛ Mun 5:10

E ti yɛ ɔ wuli-ɔ, ɔ man kɛ ɔ ´ba'n, sɛ é nyin o su o, sɛ y'a wu o, e nin i e ´nyan nguan.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

1 Timote 3:1

Ndɛ ng'ɔ wo yɛ'n ɔ ti nanwlɛ weiin: sran ng'ɔ klo kɛ ɔ ´yo asɔnun sunianfuɛ'n, wuun ɔ klo junman b'ɔ ti kpa.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.