2 Timote 2:10 - NYANMIƐN NDƐ'N 1998

¹⁰ I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

Nyanmien nde Ufle

¹⁰ I so'n ti ye sa so'n kwlaa nun bé nga Nyanmien kpaa bé'n bé ti, n tra min awlen nion, nan Christ-Jésus ti bé kusu bé nyan bé ti ye bé nyan nyrun b'o wiéman.

2 Timote 2:10 ပူးပေါင်းရင်းမြစ်များ

Nyanndra Mun 8:35

Afin sran nga b'ɔ nyan min'n, wuun ɔ'a to nguan'n. Sɛ ɔ yo sa tɛ-ɔ, Anannganman kwla yaci cɛ i.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

JÉSUS-CHRIST I DYASIN FE'N BO LUC KLELI'N 22:57

Sanngɛ ɔ fɛli i nuan kekle ɔ seli kɛ: «Mmo, n si-mɛn i mlɔnmlɔn.»

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 17:9

Bé wun yalɛ yɛ n su koko n kle wɔ-ɔ. Nán mɛn nunfuɛ'm bé wun yalɛ yɛ n su koko n kle wɔ-ɔ, sanngɛ be nga a fa be mannin min'n, bé wun yalɛ yɛ n su koko n kle wɔ-ɔ, afin be ti ɔ liɛ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 9:23

?Sɛ ɔ yo i sɔ kɛ ɔ fɛ i ye dan b'ɔ yo e i klun-ufue su'n kle ye'n, ɔ kwla yo-mɛn i sɔ? Afin e b'ɔ wunnin e aunnvuɛ'n e ti kɛ sɛ klanman sa. Ɔ dun mmua sieli ye kɛ e nyan nyrun.

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.

2 Korɛntfuɛ Mun 1:6

Sa ng'ɔ tɔ e su'n, amun ukalɛ nin amún ti nyanlɛ ti-ɔ, fɔnvɔlɛ nga Nyanmiɛn fa fɔnvɔ ye'n, amun fɔnvɔlɛ ti-ɔ, ɔ man sa kwlaa ng'ɔ sɔn e nun'n, ɔ sɔn amun nun wie.

2 Korɛntfuɛ Mun 12:15

N liɛ'n, sɛ n saci ń sa nun ninnge'n kwlaa yɛ n fa m bɔbɔ nannan su amun ti'n, ɔ yo n fɛ. ?Kɛ n klo amun dan kɛ nga sa bɔ an klo-man min kpa'n, ɔ ti kpa?

2 Korɛntfuɛ Mun 4:15

Amun ye yolɛ ti yɛ sa sɔ'n kwlaa yoli sɔ-ɔ, ɔ man kɛ Nyanmiɛn yo sran kpanngban bɔ bé nuan uka su titi'n be ye dan'n, ɔ man sran sɔ'm be kusu be wa lɛ i ase, yɛ be ´bo i dunman.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Efɛzfuɛ Mun 3:13

Ɔ man n ´srɛ amun kɛ, nán amún sa sin bubu amun nyrɛnnɛn nga n wun i amun ti'n ti, afin ɔ ti amun anyrunnyan like.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Kolɔsfuɛ Mun 1:27

Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

1 Tɛsalonikfuɛ Mun 5:9

Afin nán é wun ya falɛ ti yɛ Nyanmiɛn fali ye-ɔ, sanngɛ ɔ fali ye kɛ e Min Jésus-Krist ti e nyan é ti.

2 Tɛsalonikfuɛ Mun 2:14

Afin i sɔ'n ti yɛ kɛ e kan jasin fɛ'n kleli amun'n ɔ flɛli amun-ɔn, ɔ flɛli amun nan nyrun nga e Min Jésus-Krist ´nyɛn i'n, amun dunman'n ´tɛ nun wie.

2 Timote 1:1

M Pɔl bɔ Nyanmiɛn man Krist-Jésus sunmannin min'n, n ´klɛ fluwa nga blɛ wɔ Timote bɔ a ti min anwlɛn su ba'n. Krist-Jésus sunmannin min kɛ n kan nguan nga Nyanmiɛn waan ɔ ´fa man be nga be nin Krist b'a kaci sran wunmuan'n i ndɛ. Man e Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun!

2 Timote 2:1

I sɔ'n ti ɔ liɛ'n, ń wa, ye nga kɛ e nin Krist-Jésus e kacili sran wunmuan'n ɔ yoli ye'n ti, jran kekle.

2 Timote 2:3

Nyrɛnnɛn nga e wun i'n, Krist-Jésus i sonja kpa bɔ a ti'n ti man ɔ sɔn ɔ nun.

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.