2 Timote 1:8 - NYANMIƐN NDƐ'N 1998

⁸ I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

Nyanmien nde Ufle

⁸ I so'n ti, nanh man nyannzuen kun o é Min'n i nde kanle nin min bo i dunman nun ye bé wlaa m bisua'n ti. Sannge Nyanmien fanngan nun, man nyrennen nga é wuin dyasin fe'n ti'n, o son o nun.

2 Timote 1:8 ပူးပေါင်းရင်းမြစ်များ

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 8:20

amun `se kɛ: «Anannganman i mmla'n nin i nuan ndɛ'n yɛ be di su-ɔ.» Sran nga b'a kan-man sɔ'n, be su nyan-man nguan.

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

Jean 15:27

Amun kusu, amun ´kan min ndɛ wie, afin kɛ ɔ fin i bo bolɛ nun'n, min nin amun yɛ e wo-ɔ.»

Jean 19:35

Sran ng'ɔ wunnin nun'n yɛ ɔ kannin-ɔn, yɛ ndɛ ng'ɔ kan'n ti nanwlɛ. I bɔbɔ si kɛ ndɛ ng'ɔ kan'n ti nanwlɛ, ɔ man amun kusu an `lafi su wie.

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 8:36

Afin be klɛli i kɛ: «Ɔ ti, be fa e jran wie'n nuan nglɛmun lele nnɔsua. Ɔ ti, be bu e kɛ bua bɔ be su ko kun i sa .»

Rɔmfuɛ Mun 9:33

bɔ be klɛli i wun ndɛ kɛ: «An `nian, n ´fa yɛbuɛ kun sie Siɔn lɔ, ɔ ´kpla sran'm bé ja. Yɛbuɛ sɔ'n ti dan, sran'm be ´fin ase su. Sanngɛ sran ng'ɔ lafi i su'n, i nyin su gua-man ase .»

1 Korɛntfuɛ Mun 1:6

Ɔ kle kɛ amu'an fa Krist ndɛ'n su kpa.

2 Korɛntfuɛ Mun 6:7

e kan ndɛ b'ɔ ti nanwlɛ, yɛ sa nga e yo'n e yo i Nyanmiɛn fanngan nun. Nanwlɛ dilɛ'n yɛ ɔ ti ye alɛ like bɔ e fa kun alɛ yɛ e fa kpli é ti-ɔ.

Efɛzfuɛ Mun 3:1

I sɔ'n ti'n, m Pɔl n ti Krist-Jésus i bisuafuɛ amun bɔ an ti-man Zuif'n amun ti.

Efɛzfuɛ Mun 3:13

Ɔ man n ´srɛ amun kɛ, nán amún sa sin bubu amun nyrɛnnɛn nga n wun i amun ti'n ti, afin ɔ ti amun anyrunnyan like.

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Filipfuɛ Mun 1:7

Kɛ m bu amun kwlaa amun akunndan kɛ nga sa'n, ɔ ti kpa, afin amun ndɛ lo n kpa. Kɛ e ´se yɛ'n bɔ n wo bisua nun'n, nin laa bɔ n nyan ń ti n jran jasin fɛ'n su man ɔ taka kpa'n, ye nga Nyanmiɛn yoli min'n, ɔ yo amun kwlaa amun wie,

Filipfuɛ Mun 3:10

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa,

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

1 Tɛsalonikfuɛ Mun 3:4

I nun nga e wo amun wun lɔ'n, e bo su kleli amun kɛ be wa kle e yalɛ, an si kɛ yalɛ klelɛ sɔ'n yɛ ɔ'a ju yɛ.

1 Timote 2:6

Ɔ fɛ i wun mannin kɛ ɔ ´kpɔ sran'm be kwlaa bé ti. Kɛ ɔ yoli sɔ blɛ nga Nyanmiɛn sieli'n su'n, yɛ ɔ kle kɛ Nyanmiɛn klo kɛ ɔ ´de sran'n kwlaa nin-ɔn.

2 Timote 1:10

E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

2 Timote 2:3

Nyrɛnnɛn nga e wun i'n, Krist-Jésus i sonja kpa bɔ a ti'n ti man ɔ sɔn ɔ nun.

2 Timote 2:8

Bu Jésus-Krist, David i anunman b'ɔ cɛnnin'n i akunndan. Kɛ n fa kɛn i jasin fɛ bɔ n bo'n i nun sa.

2 Timote 2:9

Jasin fɛ sɔ'n ti yɛ n wun nyrɛnnɛn bɔ be ci min kɛ sa tɛ yofuɛ sa nin-ɔn. Sanngɛ Nyanmiɛn Ndɛ fuɛ'n, be kwla tannin-mɛn i.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

2 Timote 4:5

Sanngɛ ɔ liɛ'n, nian ɔ wun su sa'n kwlaa nun, yalɛ nga be kle wɔ'n, man ɔ sɔn ɔ nun, jasin fɛ i kanlɛ b'ɔ ti ɔ junman'n, di. Junman nga Nyanmiɛn fa wlali ɔ́ sa nun'n, guɛguɛ i bo.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

Sa nglô yile 1:2

Like nga Zan wunnin i'n, ɔ kɛnnin i kwlaa'n. Ɔ kan ndɛ nga Nyanmiɛn kan kleli i'n, ɔ nin ndɛ nanwlɛ nga Jésus-Krist kan be kleli i'n.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»