2 Timote 1:7 - NYANMIƐN NDƐ'N 1998

⁷ Afin Nyanmiɛn a fɛ-mɛn i Wawɛ'n ɔ'a man-man e kɛ e sa nyan, sanngɛ ɔ fa mannin e kɛ ɔ `wla e fanngan, e `klo i bɔbɔ Nyanmiɛn nin sran, yɛ e `si ngwlɛlɛ.

Nyanmien nde Ufle

⁷ Afin Nyanmien a fe'e i Wawe'n wa ma'an é ke é sa nyan, sannge o fe man é ke o wla é fanngan, é klô Nyanmien nin swran, ye é si ngwlele.

2 Timote 1:7 ပူးပေါင်းရင်းမြစ်များ

Jue Mun 119:80

Min wan n tu n klun n yo ɔ klun sa'n, i liɛ'n nyannzuɛn su kun-man min ɔ nyrun.

Nyanndra Mun 2:7

Sran nga bɔ be ti sran kpa'n, Anannganman de be. Be nga be di nanwlɛ'n, ɔ sasa be kɛ nyrɛn'n ɔ sasa sran'n sa.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Ezai 11:2

Anannganman i wawɛ'n wo i su. Wawɛ sɔ'n ɔ ti ngwlɛlɛ wawɛ, nin sa kpa'n yɛ sa tɛ'm be silɛ wawɛ, nin sa siesielɛ wawɛ, nin wawɛ b'ɔ kwla yo sa ng'ɔ siesie kɛ ɔ ´yo'n, ɔ ti wawɛ b'ɔ man be si Anannganman, b'ɔ man be ´nyin yi i.

Mise 3:8

Sanngɛ min liɛ'n, n lɛ wunmiɛn kpa. Anannganman i Wawɛ'n i fanngan nun ti srɛ kun-man min nanwlɛ dilɛ'n nun. Sa tɛ nga Zakɔb i osu nunfuɛ'm be yo'n, sa tɛ nga Izraɛlfuɛ'm be yo'n, n ´kan kle be weiin.

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

JÉSUS-CHRIST I DYASIN FE'N BO LUC KLELI'N 10:19

Nian, n seli amun kɛ, m mannin amun kwlalɛ, ɔ man amun ´tia wuo nin nyannglan'm be su, amun ´kwla kpɔfuɛ'n, yɛ like fi su yo-man amun.

JÉSUS-CHRIST I DYASIN FE'N BO LUC KLELI'N 15:17

Kɛ ɔ tran buli akunndan bɔ i nyin kpɛnnin i laa nun'n, ɔ seli kɛ: ‹Nian min si awlo lɔ junman difuɛ kpanngban bɔ be di-man aliɛ yalɛ, yɛ min yɛ n su wu awe nun wa yɛ!

JÉSUS-CHRIST I DYASIN FE'N BO LUC KLELI'N 24:49

An `nian, like nga n Si seli kɛ ɔ ´blɛ amun'n, m bɔbɔ n yo man like sɔ'n ɔ ´ba. Ɔ man amun kusu an `tran klɔ'n su wa lele man Nyanmiɛn tin amun ka .»

JÉSUS-CHRIST I DYASIN FE'N BO LUC KLELI'N 8:35

Sran'm be ko niannin sa ng'ɔ yoli lɔ'n. Be wunnin bian bɔ asiɛ usu'm be jaoli i su'n, ɔ ti Jésus wun lɛ i nyin kloun, ɔ'a wla tralɛ, ɔ man srɛ kunnin be dan kpa.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 21:13

Yɛ Pɔl seli be kɛ: «?Nguɛ ti yɛ an sun man min wun yo nin nyɛiin sɔ-ɔ? N si sɔ, nán kɛ cilɛ ngunmin yɛ be ´ci min-ɔn, sanngɛ sɛ be kun min bɔbɔ e Min Jésus ti Zerizalɛm lɔ'n, ɔ ti-man sa.»

Sa nga bé yôli'n 26:11

N ta be fɔ tu Nyanmiɛn ndɛ suanlɛ nin i srɛlɛ sua'n kwlaa nun, n waan n ´yo sɔ nan ɔ fin bé nuan fite kɛ be lafi-man Jésus su kun. Ya bɔ n fɛ i bé wun dan kpa'n ti, n kle be yalɛ lele fa ju nvle uflɛ nun.»

Sa nga bé yôli'n 26:25

Yɛ Pɔl seli kɛ: «Nannan Fɛstis, nán kɛ ń ti yɛ ɔ'a saci ti-ɔ, sanngɛ ndɛ nanwlɛ nin ngwlɛlɛ ndɛ yɛ n kan-an.

Sa nga bé yôli'n 6:8

Nyanmiɛn man Etiɛni yoli klun-ufuefuɛ kpa yɛ ɔ tinnin i. Kɛ ɔ ´yo abonuan sa b'ɔ ´yi atrɛ'n, wuun ɔ ´yo sran'm be ye.

Sa nga bé yôli'n 9:22

Sanngɛ ndɛ kanlɛ'n sili Sɔl wun, yɛ i ndɛ'n kwla Zuif nga be tran Damas lɔ'n be liɛ'n. Kɛ ɔ ´kan kɛ Jésus ti Krist'n, b'ɔ ´yiyi nun kle be'n, be lɛ-man ndɛ fi kɛn-mɛn i kun.

Rɔmfuɛ Mun 5:5

Yɛ é wla bɔ e fa gua Nyanmiɛn su'n ti é nyin su gua-man ase, afin Nyanmiɛn man i Wawɛ b'ɔ fa mannin ye'n kle ye klolɛ dan nga Nyanmiɛn bɔbɔ fa klo ye'n ye anwlɛn'n nun weiin.

Rɔmfuɛ Mun 8:15

Afin Nyanmiɛn i Wawɛ'n b'ɔ fa mannin amun'n, i liɛ'n, ɔ fa-man amun kaci-man kanga, yɛ ɔ wla-man amun srɛ, sanngɛ ɔ fa amun kaci kɛ Nyanmiɛn klun ba sa. I sɔ'n ti'n, e kwla kpan flɛ Nyanmiɛn kɛ: «Baba!»

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Kolɔsfuɛ Mun 1:8

Ɔ kan sran'm be klolɛ wafa nga Nyanmiɛn Wawɛ'n man an klo be'n i ndɛ kleli ye.

Hébreu 2:15

Yɛ ɔ ´de be kwlaa nga kɛ be wuli be lele'n wie'n i srolɛ ti b'a kaci kɛ kanga sa'n.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Jean 4:18

Srɛ kun-man be sran nga be klo i'n i wun, sɛ be klo i sakpa'n, srɛ kwla kun-man be i wun. I sɔ'n ti, sran nga srɛ tɛ kun i'n, wuun ɔ klo-man Nyanmiɛn kpa, afin fɔ tulɛ'n ti yɛ srɛ kun sran nin-ɔn.