2 Timote 1:4 - NYANMIƐN NDƐ'N 1998

⁴ afin kɛ m ´bu ɔ nyinmuɛn b'ɔ guali'n i akunndan'n, min wla lo wɔ kpa, sɛ n wun wɔ-ɔ ɔ ´yo n fɛ.

Nyanmien nde Ufle

⁴ afin ke mh buh o nyinmuen b'o guali'n i akunndan'n, n wla lô o kpa, se n wun woo oh yôh n fe.

2 Timote 1:4 ပူးပေါင်းရင်းမြစ်များ

Jue Mun 126:5

Be bɔ be ´lua like'n, wuun be sun'n, kɛ be ´kpɛ like bɔ be luali'n, be ´bo be sro aklunjuɛ'n ti.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Jean 16:22

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla.

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Sa nga bé yôli'n 20:19

Kɛ n ´di min Min'n i junman'n, min nyin yi i, n nyinmuɛn gua, n wun nyrɛnnɛn kpa min wun ndɛ bɔ Zuif'm be cici'n ti.

Sa nga bé yôli'n 20:31

I sɔ'n ti, an `nian amún wun kpa, nán amún wla fi kɛ m'an yaci-man amun kwlakwlakwla amun afɔtuɛ manlɛ afuɛ nsan kɔnguɛ nin wia'n nun. Kɛ n ´yo sɔ'n, n nyinmuɛn gua.

Rɔmfuɛ Mun 1:11

N klo kɛ n ´wun amun wun nan Nyanmiɛn Wawɛ'n i like nga n nyɛnnin i'n, an nyan wie nan an jran kekle.

Filipfuɛ Mun 1:8

afin klolɛ dan nga Krist-Jésus fa kloli amun'n yɛ n fa klo amun-ɔn, Nyanmiɛn'n ti n lalofuɛ.

Filipfuɛ Mun 2:26

I wla lo amun kwlaa. Kɛ an tili i kɛ i wun loli'n, ɔ man i klun titili i kpa.

1 Tɛsalonikfuɛ Mun 2:17

Aniaan mun, kɛ e nin amun kpacili le nnyɔn kun'n, e wun-man amun kun, sanngɛ e tɛ bu amun akunndan. Ɔ man é wla lo amun dan lele e wun blibli ye kɛ e ´wun amun wun ekun.

2 Timote 4:21

Bo manndrɛn bla nan ayrɛ'n ɔ'a ba. Eibilis, nin Pidɛn, nin Linis, nin Klodia, ɔ nin e niaan'm be kwlaa be ´yo wɔ like.

2 Timote 4:9

Bo manndrɛn to min wa icra'n,

1 Jean 1:4

E ´klɛ i sɔ nan e klun jɔ kpa.

Sa nglô yile 21:4

Ɔ ´nunnun be nyinmuɛn'n kwlaa, wie'n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ'm be su tran-man lɛ kun .»

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»