2 Timote 1:3 - NYANMIƐN NDƐ'N 1998

³ Nyanmiɛn bɔ min nannan mun be suli i be klun a titi-man be'n, bɔ n kusu n su i sɔ'n, n ´lɛ i ase. Kɔnguɛ nin wia nun kɛ n ´koko yalɛ kle Nyanmiɛn'n, n kan ɔ ndɛ kle i titi,

Nyanmien nde Ufle

³ N la Nyanmien bo min nin a nannan mun é sui bo é klun titi'a yé'n i asé. Kongue nin wia nun ke nh kôkôh yale klé Nyanmien'n, n kan o nde kléé titi,

2 Timote 1:3 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 2:37

ɔ'a ja-man bian kun. Ɔ'a di afuɛ ablaɔcuɛ-nin-nnan, ɔ tu-mɛn i bo Nyanmiɛn i sua'n nun. Ɔ su Nyanmiɛn kɔnguɛ nin wia nun, ɔ kpɛ srɛ nun yɛ ɔ srɛ Nyanmiɛn.

Sa nga bé yôli'n 22:3

«Zuif yɛlɛ min, be wuli min Tars b'ɔ o Silisi mɛn'n nun'n, sanngɛ klɔ nga su wa yɛ n nyinnin-ɔn. Gamaliɛl kleli min e nannan'm be mmla'n weinwein kpa. Laa'n, n lɛ Nyanmiɛn sulɛ'n i wun anwlɛn dan kpa kɛ amun kwlaa an lɛ i ndɛ'n sa.

Sa nga bé yôli'n 23:1

Pɔl niannin jɔlɛ difuɛ mun siin, yɛ ɔ seli kɛ: «Nja mun, min nzuɛn'n ti kpa Nyanmiɛn nyrun lele yɛ ɔ'a fa ju ndɛ yɛ, ɔ man n klun ti-man min.»

Sa nga bé yôli'n 24:14

N ´kɛn i nanwlɛ weiin kle wɔ, n su min nannan'm be Nyanmiɛn. N nian like bɔ akpasua nga be flɛ i kɛ ngbaciɛ'n i nunfuɛ'm be kle'n i su yɛ n su i-ɔ. Ndɛ ng'ɔ ti klɛwa mmla'n nin Nyanmiɛn nuan ijɔfuɛ'm be ndɛ nun, n fɛ i kwlaa su.

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Sa nga bé yôli'n 26:4

Kɛ be wuli min bɔ n nyinnin gbanflɛn'n, sa nga n yoli i min nvle'n nun ɔ nin Zerizalɛm wa'n, Zuif'm be kwlaa be si.

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Rɔmfuɛ Mun 9:1

Kɛ n se kɛ awlaboɛ'n wo n su dan yɛ min anwlɛn'n kpɛ n klun'n, Kristfuɛ bɔ n ti'n ti n di nanwlɛ, Nyanmiɛn Wawɛ'n kusu man n si n klun lɔ weiin kɛ m bua-man ato.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

Efɛzfuɛ Mun 1:16

ɔ man n la Nyanmiɛn ase, yɛ m bo amun dunman kle i tititi.

1 Tɛsalonikfuɛ Mun 3:10

Wia nun nin kɔnguɛ e srɛ i kpa kɛ ɔ man ye atin man e ko wun amun wun ekun nan e uka amun man an lafi Krist su kpa.

1 Timote 1:19

Nyanmiɛn su bɔ a lafi'n nin ɔ klun b'ɔ titi-man wɔ'n ti. Sran wie'm be yo-man sa kpa nga be klun lɔ akunndan'n se be kɛ be yo'n, ɔ man be lafi-man Nyanmiɛn su kpa kun.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 5:5

Bla nga i wun wuli b'ɔ lɛ-man sran niɛn-mɛn i lika mlɔnmlɔn'n, ɔ fɛ i wla'n gua Nyanmiɛn su, yɛ wia nun o, kɔnguɛ o, ɔ nin i koko yalɛ, ɔ srɛ i kɛ ɔ niɛn i su.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.