2 Timote 1:10 - NYANMIƐN NDƐ'N 1998

¹⁰ E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

Nyanmien nde Ufle

¹⁰ É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

2 Timote 1:10 ပူးပေါင်းရင်းမြစ်များ

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 45:15

Izraɛl Nyanmiɛn, wɔ bɔ a de sran mun'n, nanwlɛ, a ti Nyanmiɛn kun bɔ a ti fiawa!

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

JÉSUS-CHRIST I DYASIN FE'N BO LUC KLELI'N 11:36

Ɔ man sɛ a wun ase weiin bɔ ɔ́ nyin su dunman wɔ kaan sa'n, a wun like'n kwlaa weiin kɛ kannin'n kpaja b'ɔ man a wun ase'n sa.»

JÉSUS-CHRIST I DYASIN FE'N BO LUC KLELI'N 13:7

Yɛ ɔ seli vinyi fie'n i sunianfuɛ'n kɛ: ‹Nian, figie bo kun nga, kɛ m bɛ i nianlɛ nan sɛ mma o su-ɔ n ´ti'n, bɔ ɔ'a su-man'n, i afuɛ nsan yɛ, i sɔ'n ti, bu i bo. ?Nguɛ yɛ ɔ jin lɛ yo-ɔ?›

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

Jean 1:9

Like sɔ'n yɛ man sran'm be wun ase sakpa-a. Kɛ ɔ bali mɛn nun'n, ɔ man sran'm be kwlaa be wun ase .

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 4:42

yɛ be seli bla'n kɛ: «Nán ndɛ nga a kannin'n ngunmin ti yɛ y'a lafi i su-ɔ, afin y'a ti i bɔbɔ i nuan nun ndɛ, ɔ man e si kɛ ɔ ti mɛn wunmuan'n i Defuɛ sakpa.»

Jean 5:40

Ɔ nin i sɔ'n ngba'n, an klo-man kɛ an bla min sin nan amun ´nyan nguan!

Sa nga bé yôli'n 13:23

I osu'n nun yɛ Nyanmiɛn man be wuli Jésus b'ɔ ti Izraɛlfuɛ'm be defuɛ nin-ɔn, afin ɔ dun mmua seli be kɛ ɔ ´yo i sɔ.

Sa nga bé yôli'n 5:31

Nyanmiɛn fɛ i sieli i fama su kɛ ɔ yo ye Atin Klefuɛ nin e Defuɛ kɛ ɔ yo nan Izraɛlfuɛ'm b'a kwla kaci be nzuɛn'n nan Nyanmiɛn ɔ'a yaci sa nga be yoli i'n ɔ'a cɛ be'n ti.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 3:31

?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

Rɔmfuɛ Mun 6:6

E si kpa kɛ be boboli e wafa nga e ti laa'n nin i waka'n su kɛ ɔ yo sɔ nan e nzuɛn tɛtɛ'n ɔ wie nan nán man sa tɛtɛ'n yo e nzuɛn kun.

1 Korɛntfuɛ Mun 15:26

be kwlaa be nun kasiɛnfuɛ'n yɛlɛ wie'n. Ɔ ti nanwlɛ kɛ Nyanmiɛn man ɔ ´sie like'n kwlaa,

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:4

Kɛ e tɛ o kpata nga bo'n, otolɛ'n kun ye, nán kɛ e wunnɛn ng'ɔ o yɛ'n e klo kɛ e kpa gua kɛ kondro sa-a, sanngɛ uflɛ yɛ e konvi o su kɛ e ´fa kla su nan anannganman nguan'n ɔ'a kaci like kwlaa ng'ɔ ti wie'n i nnɛn nin-ɔn.

Galasifuɛ Mun 5:4

Amun bɔ amun waan amun ´fa mmla'n su nan Nyanmiɛn bu amun sran kpa'n, amun nin Krist amu'an bu, yɛ ye nga Nyanmiɛn yo sran'n, ɔ'a to a fuan amun.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

2 Timote 1:1

M Pɔl bɔ Nyanmiɛn man Krist-Jésus sunmannin min'n, n ´klɛ fluwa nga blɛ wɔ Timote bɔ a ti min anwlɛn su ba'n. Krist-Jésus sunmannin min kɛ n kan nguan nga Nyanmiɛn waan ɔ ´fa man be nga be nin Krist b'a kaci sran wunmuan'n i ndɛ. Man e Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun!

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 4:1

Ndɛ nga n wa kan kle wɔ yɛ'n, Nyanmiɛn nin Krist-Jésus b'ɔ wa di be nga be wuli'n nin be nga bé nyin o su'n be ndɛ'n, be ti n lalofuɛ. I balɛ b'ɔ wa ba'n nin i famiɛn b'ɔ wa di'n ti, n ´srɛ wɔ kpa,

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Tite 3:4

Sanngɛ kɛ e Defuɛ Nyanmiɛn yili i kpa yolɛ'n nin sran'm be klolɛ'n i nglo'n,

Hébreu 10:32

Laa bɔ kɛ Nyanmiɛn man an wunnin ase'n, nyrɛnnɛn dan kpa nga an wunnin i'n bɔ an jrannin kekle'n, an `bu i akunndan.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.

2 Piɛr 1:3

Kɛ e si sran ng'ɔ flɛli ye kɛ e `nyan nyrun'n, bɔ e yo sa ng'ɔ ti kpa kɛ i bɔbɔ sa'n ti'n, like nga b'ɔ man e kwla fa é wun mantan Nyanmiɛn titi'n i fanngan nun'n, ɔ fɛ i kwlaa'n mannin e.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

2 Piɛr 3:2

An `bu ndɛ nga Nyanmiɛn nuan ijɔfuɛ'm be kan kleli amun laa'n, ɔ nin sa nga e Min b'ɔ ti e Defuɛ'n seli kɛ e `yo'n, bɔ be nga ɔ sunmannin be amún sin'n be kan kleli amun'n, i akunndan.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

Sa nglô yile 18:1

Kɛ ɔ yoli sɔ'n, i sin n wunnin anz kun ekun, ɔ fin nyanmiɛn su lɔ, ɔ lɛ nyrun kpa, i wun kpaja nyannyannyan asiɛ'n su.

Sa nglô yile 2:7

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n. Sran ng'ɔ kwla'n, waka b'ɔ man nguan b'ɔ o Nyanmiɛn fie'n su lɔ'n, n ´yo man ɔ ´di i mma .› »

Sa nglô yile 20:14

Nan b'a fa wie'n nin blɔlɔ'n b'a yi be sin dan'n nun. Sin dan sɔ'n yɛ ɔ ti wie'n i nnyɔn su nin-ɔn.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !