2 Samiɛl 7:3 - NYANMIƐN NDƐ'N 1998

³ Natan seli famiɛn'n kɛ: «Like kwlaa ng'ɔ o ɔ klun kɛ a ´yo'n, yo. Afin Anannganman jin ɔ́ sin.»

2 Samiɛl 7:3 ပူးပေါင်းရင်းမြစ်များ

2 Samiɛl 7:4

Kɔnguɛ Anannganman kan ndɛ kleli Natan. I waan:

1 Famiɛn Mun 1:8

sanngɛ Nyanmiɛn nyrun jranfuɛ Zadɔk, nin Zɛozada i wa Bɛnaza, nin Nyanmiɛn nuan ijɔfuɛ Natan, nin Simɛi, nin Rei, ɔ nin David i sonja nga be di i gladi'n, be liɛ b'a su-mɛn i su.

2 Famiɛn Mun 4:27

Kɛ ɔ juli Nyanmiɛn sran'n wun lɔ oka'n su lɔ'n, ɔ trɛli i ja'n. Geazi waan wuun ɔ ´ko su i bo, nan Elize ɔ'a se i kɛ: «Yaci i nun, i wla a bo i wun dan. Sanngɛ Anannganman ɔ'a yi-man sa nga ti yɛ i wla a bo i wun'n i nglo ɔ'a kle-man min. Ɔ fa fiali mín wun.»

1 Be Nyoliɛ 22:7

David seli Salomɔn kɛ: «Mín wa nian, m bɔbɔ n waan wuun n ´kplan sua kun m ´man Anannganman min Nyanmiɛn'n.

1 Be Nyoliɛ 28:2

Famiɛn David jaso jrannin nglo, nan ɔ'a se be kɛ: «Min niaan mun, min nvlefuɛ mun, amun `sie bé su! Min waan wuun n ´kplan sua kpa kun nan be `fa Anannganman i alaka'n be sie nun. I liɛ'n, ɔ ´yo e Nyanmiɛn'n i ja takatakawlɛ. N siesieli ninnge nga n ko fa n ko kplan'n,

1 Be Nyoliɛ 29:29

Famiɛn David i ndɛ'n, kɛ ɔ fɛ i i bo bolɛ nun lele b'ɔ fa wie'n, ɔ ti klɛwa Samiɛl b'ɔ ti jeliwafuɛ'n nin Natan, nin Gad bɔ be ti Nyanmiɛn nuan ijɔfuɛ'm be fluwa'n nun.

2 Be Nyoliɛ 29:25

Famiɛn'n man Levifuɛ'm be ɔli Anannganman i sua'n nun lɔ. Aaba ndɛ, nin sanngo, ɔ nin jru o bé sa nun kɛ David, nin Gad b'ɔ ti famiɛn'n i jeliwafuɛ'n, ɔ nin Natan b'ɔ ti Nyanmiɛn nuan ijɔfuɛ'n be kannin'n sa, afin Anannganman yɛ man i nuan ijɔfuɛ'm be sieli i sɔ-ɔ.

Jue Mun 20:4

Man i wla kpɛn ɔ sraka nga a yi be'n be su. Man ɔ sɔ tɛ nga be yrɛ i nnɛn'n kɔlikɔli'n bɔ a yi be'n be nun.

Jue Mun 37:4

Fa Anannganman yo wɔ anwlɛn su like, yɛ like kwlaa nga ɔ́ nyin o i sin'n, ɔ ´fa man wɔ.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

1 Samiɛl 10:7

Kɛ nzɔliɛ sɔ'n kwlaa i nuan ko yia'n, si kɛ Nyanmiɛn nin wɔ o nun. Yɛ like ng'ɔ fata kɛ a yo'n, yo.

1 Samiɛl 14:7

I gbanflɛn'n waan: «I kwlaa ng'ɔ o ɔ klun kɛ a ´yo'n, yo. E wɔ, kɛ a kɔ lɛ'n e nin wɔ-ɔ.»

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»