2 Piɛr 3:3 - NYANMIƐN NDƐ'N 1998

³ Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Nyanmien nde Ufle

³ Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

2 Piɛr 3:3 ပူးပေါင်းရင်းမြစ်များ

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 14:6

Sran ng'ɔ to sran mma'n, ɔ kunndɛ ngwlɛlɛ-ɔ, ɔ nyɛn-mɛn i. Sran ngwlɛlɛfuɛ'n, i sa wlɛ wunlɛ'n ɔ ti pɔpɔ ngbɛn i sa nun.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Ezai 28:14

I sɔ'n ti, amun nga amun yo sran'm be finfin'n, amun bɔ amun sie Zerizalɛmfuɛ mun'n, amun `sie amún su tie Anannganman i ndɛ'n.

Ezai 29:20

Be nga be sie sran mun bɔ be tin be su'n, be ´wie. Be nga be yo sran'm be finfin'n, be su wun-man be kun. Yɛ be nga sran'm be tɛtɛ yolɛ'n yɛ be kunndɛ'n, be su tran-man lɛ kun.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ndɛ Nga Nyanmiɛn I Nuan Ijɔfuɛ Oze Kannin'n 7:5

Cɛn nga be ´di famiɛn'n i cɛn'n, kɛ famiɛn'n i awlo lɔ sran dandan'm be ko nɔn nzan'n b'ɔ ko ti be'n, kpɛkuun ndɛ'm be su floflo bé nuan.

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

2 Timote 3:1

Ndɛ nga m ma kan kle wɔ yɛ'n, fa sie ɔ klun kpa: «Cɛn wie lele'n, kɛ mɛn'n ɔ ´kɔ i bue nuan'n, lika'n ɔ ´yo kekle.»

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

2 Piɛr 1:20

Man an si kpa kɛ sran kun i bɔbɔ tiaun ɔ kwla tu-man Nyanmiɛn Ndɛ nga i nuan ijɔfuɛ'm be klɛli'n i nun kun sa bo.

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»