2 Piɛr 2:2 - NYANMIƐN NDƐ'N 1998

² Sran kpanngban be ´su bé su bé sa tɛtɛ yolɛ sɔ'm be nun. Be ti, be ´kan atin kpafuɛ'n i wun ndɛ tɛ.

Nyanmien nde Ufle

² Swran kpanngban béh suh bé su bé sa tete yôle so'm bé nun. Bé ti, béh kanh atin kpafue'n i wun nde.

2 Piɛr 2:2 ပူးပေါင်းရင်းမြစ်များ

Bo Bolɛ 19:5

Yɛ be flɛli Lɔt-ɔ, be usɛli i kɛ: «?Sran nga be bali wɔ awlo wa kɔnguɛ'n, be o nin? Fa be fite wa man e nin be e la.»

Jue Mun 18:21

Sɛsɛ bɔ n ti'n, i nuan akatua yɛ Anannganman tuali min-ɔn. Sa tɛ bɔ m'an yo-man'n, i nuan like yɛ ɔ mannin min-ɔn.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 7:14

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

Marc 12:14

Be wa seli i kɛ: «Nja, e si kɛ a di nanwlɛ. Yɛ e si ekun kɛ a sro-man sran fi, afin a nian-man sran nyrun yɛ a yo sa-a, yɛ a kle sran mun Nyanmiɛn atin'n nanwlɛ nun. ?E `su lapo man Sezar? E su, annzɛ nán man e su?»

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Sa nga bé yôli'n 13:10

ɔ seli kɛ: «Asiɛ usu'm bé si Satan wa, gblɛ'n nin ndrunmun'n ɔ'a kun wɔ kpo! Like kwlaa ng'ɔ ti kpa'n a klo-mɛn i. ?A yaci-man e Min Nyanmiɛn'n i ndɛ nanwlɛ'n i nun ato bualɛ'n ?

Sa nga bé yôli'n 14:2

Sanngɛ Zuif nga be kali lɛ bɔ b'a fa-man be ndɛ'n su'n, be sacili e niaan'm bé wun, yɛ be wlawlali be bɔ be ti-man Zuif'n kɛ be yo be tɛtɛ.

Sa nga bé yôli'n 16:17

Ɔ su e nin Pɔl e su, ɔ kpan se kɛ: «Minniɛn nga'm be ti Nyanmiɛn bɔ like fi nun-mɛn i sin'n i sran mun, be su kan sa nga be yo nan b'a nyan bé ti'n i ndɛ kle amun.»

Sa nga bé yôli'n 18:26

Ɔ kan ndɛ yakpa su Nyanmiɛn ndɛ suanlɛ nin i srɛlɛ sua'n nun. Kɛ Prisiyi nin Akilas be tili'n, be fɛ i ɔli be awlo lɔ be kleli i Nyanmiɛn ndɛ'n weinwein kpa.

Sa nga bé yôli'n 19:9

Sanngɛ be wie'm be yoli nyin kekle, be fa-man su, yɛ be kɛn i nzra'n nun kɛ e Min'n i ndɛ'n ɔ ti-man ndɛ bɔ be fa su-ɔ. Yɛ Pɔl jaoli bé wun lɛ-ɔ, ɔ fali asɔnunfuɛ mun ɔli be ngunmin, ɔ kleli be like cɛn kwlaa Tiranis i suklu sua'n nun.

Sa nga bé yôli'n 22:4

Sran nga be fa ndɛ nga su'n, n kle be yalɛ lele n kun wie yɛ n ci be nun wie, yasua o, bla o, n wla be bisua.

Sa nga bé yôli'n 24:14

N ´kɛn i nanwlɛ weiin kle wɔ, n su min nannan'm be Nyanmiɛn. N nian like bɔ akpasua nga be flɛ i kɛ ngbaciɛ'n i nunfuɛ'm be kle'n i su yɛ n su i-ɔ. Ndɛ ng'ɔ ti klɛwa mmla'n nin Nyanmiɛn nuan ijɔfuɛ'm be ndɛ nun, n fɛ i kwlaa su.

Rɔmfuɛ Mun 2:24

Afin be klɛli i kɛ: «Amun Zuif mun amun ti, be bɔ be ti-man Zuif'n be saci Nyanmiɛn dunman .»

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

2 Piɛr 2:12

Sanngɛ sran sɔ'm be yo sa kɛ blo nnɛn bɔ be wun-man sa wlɛ bɔ be wu be kɛ be tra be be kun be'n, be liɛ'n sa, yɛ like nga be wun-mɛn i wlɛ'n, be kɛn i ndɛ kɛ ɔ ti-man kpa. Be ´wu kɛ blo nnɛn'm be liɛ'n sa.

2 Piɛr 2:15

B'a yaci atin kpafuɛ'n, b'a mlin, be fa atin nga Bɛɔr wa Balaam fali su'n su. Sika nga be fa mɛnnin i sa tɛ b'ɔ yoli'n ti'n, ɔ jɔli i klun,

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.

2 Piɛr 2:7

Sanngɛ ɔ deli Lɔt b'ɔ ti sran kpa'n, bɔ sa tɛtɛ nga sran'm be yo'n yo i ya'n .

Jude 1:10

Sanngɛ sran sɔ'm be liɛ'n, like nga be wun-mɛn i wlɛ'n, be kɛn i ndɛ kɛ ɔ ti-man kpa. Yɛ bé sa wlɛ nga be wun i'n, ɔ ti kɛ blo nnɛn'm be liɛ'n bɔ be wuli be nin i'n sa. Sa nga be wun be wlɛ sɔ'n be yɛ be saci be-ɔ.

Jude 1:15

kɛ be `fa sran'm be kwlaa bla be ja su nan be nga be sro-man Nyanmiɛn'n bé sa nga be yoli'n, be `fɛ i nuan like man be. Afin sa tɛ yofuɛ sɔ'm bɔ be sro-man Nyanmiɛn'n, be yo Nyanmiɛn sa, yɛ be kɛn i wun ndɛ tɛtɛ.

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.