2 Piɛr 1:3 - NYANMIƐN NDƐ'N 1998

³ Kɛ e si sran ng'ɔ flɛli ye kɛ e `nyan nyrun'n, bɔ e yo sa ng'ɔ ti kpa kɛ i bɔbɔ sa'n ti'n, like nga b'ɔ man e kwla fa é wun mantan Nyanmiɛn titi'n i fanngan nun'n, ɔ fɛ i kwlaa'n mannin e.

Nyanmien nde Ufle

³ Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

2 Piɛr 1:3 ပူးပေါင်းရင်းမြစ်များ

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 12:4

Bla ng'ɔ ti bla kpa'n ɔ mɛn i wun i kɔmin su. Bla nga kusu b'ɔ gua i wun nyin ase'n, ɔ ti kɛ ngbaciɛ yɛ ɔ su kpaci i owie'n nun sa .

Nyanndra Mun 31:10

Sran ng'ɔ nyan bla kpa'n, wuun ɔ'a nyan like dan. Afin i sɔ bla liɛ'n i kpa tra nɛnnglɛnman'n lelele.

Nyanndra Mun 31:29

«Bla nga bɔ be nantilɛ'n ti klanman'n be sɔnnin. Sanngɛ ɔ liɛ'n ɔ tin be ngba be liɛ'n su.»

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Rɔmfuɛ Mun 9:24

E b'ɔ flɛli ye'n, nán e Zuif mun e ngunmin yɛ ɔ flɛli ye-ɔ, sanngɛ be nga be ti-man Zuif'n be o nun wie.

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Efɛzfuɛ Mun 4:4

Kɛ Nyanmiɛn flɛli amun bɔ like nga an fa amún wla gua su'n ti kunngba'n, i kunngba nin-ɔn, wunnɛn'n ti kun, yɛ Nyanmiɛn Wawɛ'n kusu ti kun.

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

1 Tɛsalonikfuɛ Mun 2:12

afin e mannin amun afɔtuɛ, e wlali amun fanngan, yɛ e kan kleli amun kɛ an yo sa ng'ɔ ti Nyanmiɛn b'ɔ flɛli amun kɛ an di i famiɛn'n wie nan an nyan nyrun kɛ i liɛ'n sa'n, i klun sa.

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.

2 Tɛsalonikfuɛ Mun 2:14

Afin i sɔ'n ti yɛ kɛ e kan jasin fɛ'n kleli amun'n ɔ flɛli amun-ɔn, ɔ flɛli amun nan nyrun nga e Min Jésus-Krist ´nyɛn i'n, amun dunman'n ´tɛ nun wie.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

1 Piɛr 1:15

Nyanmiɛn b'ɔ flɛli amun'n, i nzuɛn'n nin klɔ sran liɛ'n ti-man kun, man amun nzuɛn liɛ'n kusu fɛ i liɛ'n sa'n kwlaa nun.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

1 Piɛr 2:21

I sɔ yolɛ ti yɛ Nyanmiɛn flɛli amun-ɔn, afin amun ti, Krist bɔbɔ wunnin nyrɛnnɛn. Ɔ yoli sɔ kɛ an nian su nan an nanti i ajalɛ liɛ'n su.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ:

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

2 Piɛr 1:10

Aniaan mun, i sɔ'n ti, an `bu flɛlɛ nin falɛ bɔ Nyanmiɛn fali amun'n i akunndan kpa nan an `jran kekle. Sɛ an yo sɔ'n, an su fɔn-man mlɔnmlɔn.

2 Piɛr 1:2

Nyanmiɛn nin e Min Jésus bɔ an si be'n ti, be man an ´nyan ye titi, yɛ man amún wun ´jɔ amun fɔuun!

2 Piɛr 1:5

Like bɔ e wa nyan be sɔ'n ti, kɛ an lafi Nyanmiɛn su'n, an `yo like nga an kwlɛ i yo'n i kwlaa, man amun nzuɛn'n yo kpa. Kɛ amun nzuɛn'n kɔ yo kpa'n, an `kunndɛ kɛ amun ´wun sa'm be wlɛ.

2 Piɛr 1:6

Kɛ an wun sa'm be wlɛ'n, an `nian amun wun su. Kɛ an nian amún wun su'n, an `tra amun anwlɛn. Kɛ an tra amun anwlɛn'n, an `fa amún wun mantan Nyanmiɛn.

2 Piɛr 1:8

Nanwlɛ, sɛ an nian sa sɔ'm be su bɔ an yo be titi'n, kɛ an kunndɛ kɛ amun ´si e Min Jésus-Krist, san amun ´si i, afin an su tran-man lɛ ngbɛn, yɛ like nga an yo'n ɔ ´yo ye.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

Rit I Wun Ndɛ 3:11

Ɔ man i ti'n, mín wa, nán ɔ klun titi wɔ kaan sa, like kwlaa nga a kunndɛ'n, n wa yo m ´man wɔ. Sran'm be kwlaa be si kɛ a ti bla kpa.