2 Jean 1:2 - NYANMIƐN NDƐ'N 1998

² Afin e fa ndɛ nanwlɛ'n su, yɛ e ´fa su tititi.

Nyanmien nde Ufle

² Afin é fa nde nanwle'n su, ye éh fah su tititi.

2 Jean 1:2 ပူးပေါင်းရင်းမြစ်များ

Jean 14:16

N ´ko srɛ e Si'n, yɛ ɔ ´blɛ amun sran uflɛ b'ɔ ´uka amun, yɛlɛ Nyanmiɛn Wawɛ'n b'ɔ ti nanwlɛfuɛ'n, ɔ nin amun ´tran titi. Mɛn nunfuɛ'm be kwla nyɛn-mɛn i, yɛlɛ kɛ be wun-mɛn i, yɛ be si-mɛn i, sanngɛ amun liɛ'n, an si i, afin ɔ nin amun yɛ ɔ ´tran-an, yɛ ɔ wa tran amun anwlɛn'n nun.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

1 Korɛntfuɛ Mun 9:23

N yo i kwlaa sɔ'n jasin fɛ'n ti nan like kwlaa nga be nyɛn i jasin fɛ'n ti'n, n liɛ a tran nun wie.

2 Korɛntfuɛ Mun 4:5

E kan-man e bɔbɔ é wun ndɛ, Krist-Jésus b'ɔ ti e Min'n i ndɛ yɛ e kan-an, i ti e ti amun akua.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Piɛr 1:12

An si sa sɔ mun, yɛ an lafi ndɛ nanwlɛ nga an tili'n su kpa, sanngɛ n su yaci-man amun wla kpɛnlɛ sa sɔ'm bé su.

1 Jean 1:8

Sɛ e se kɛ sa tɛ nun-man é wun'n, wuun e su laka e wun, e di-man nanwlɛ.

1 Jean 2:14

Ba kanngan mun, n ´klɛ fluwa nga m ´blɛ amun yɛlɛ kɛ an si e Si'n. N si mun, n ´klɛ fluwa sɔ'n m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa sɔ'n m ´blɛ amun yɛlɛ kɛ an jran kekle, an fa Nyanmiɛn ndɛ'n su, yɛ an kwlali Klunwifuɛ'n.

1 Jean 2:17

Mɛn'n nin i nun ninnge kwlaa bɔ sran nyin blo su'n, be ´wie, sanngɛ sran ng'ɔ yo Nyanmiɛn klun sa'n, ɔ ´ka lɛ tititi.