1 Timote 6:6 - NYANMIƐN NDƐ'N 1998

⁶ Nanwlɛ, sɛ sran kun su Nyanmiɛn nan i nyin yi like ng'ɔ lɛ, i sɔ'n ti anyanbeun like dan.

Nyanmien nde Ufle

⁶ Nanwle, se swran nyin yi liké ng'o le'n, Nyanmien sule'n o ti anyanbéun liké dan.

1 Timote 6:6 ပူးပေါင်းရင်းမြစ်များ

2 Famiɛn Mun 6:2

Man e wɔ Zurdɛn'n nuan lɔ. Sɛ e ju lɔ'n, sran kun `kpɛ waka kun, sran kun `kpɛ waka kun. Kpɛkuun e ´fa kplan anyia lika uflɛ.» Elize tɛli be su kɛ: «Amun `wɔ.»

Jue Mun 37:16

Sran kpa'n i like kan ng'ɔ lɛ i'n, i kpa tra klunwifuɛ'n i bo ninnge kpanngban'n .

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezipt Lɔ Tulɛ'n 2:21

Moiz kplinnin su kɛ ɔ nin bian sɔ'n be ´tran. Zetro fɛli i wa bla kun mɛnnin i kɛ ɔ jɛ i. Be flɛ i kɛ Sefora.

Nyanndra Mun 15:16

Sɛ n nyan kan nan min nyin yi Anannganman'n, ɔ flunman tra kɛ m'an nyan mín wun nan min klun ti-man jɔwa'n .

Nyanndra Mun 16:8

Kɛ n ko wua nan n ko nyan mín wun'n, ɔ flunman kɛ n `di nanwlɛ nan n nyan akatua kaan.

Nyanndra Mun 28:25

Wun tufuɛ'n ɔ kpɛ utre ba. Sran nga kusu b'ɔ fɛ i wun man Anannganman'n, ɔ nyan muae.

Zeremi 35:9

E kplan-man sua e tran-man nun. E lɛ-man vinyi fie, e di-man fie'n wie fi.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 3:14

Sonja'm be kusu be usɛli i kɛ: «?Yɛ e liɛ'n, nguɛ yɛ e `yo-ɔ?» Ɔ seli be kɛ: «Nán an de sran fi like wue kekle su, yɛ nán an tɔn sran suɛn, sanngɛ man amun klun jɔ amun kalɛ nga be fa tua amun'n su.»

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Filipfuɛ Mun 1:21

afin n like liɛ nga ti yɛ n wo mɛn'n nun'n yɛlɛ Krist, yɛ wie'n ti min nvasuɛ.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

1 Timote 6:8

I sɔ'n ti'n, sɛ e nyan like e di'n, yɛ sɛ e nyan tannin kla'n, man ɔ `ju ye.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»