1 Timote 6:4 - NYANMIƐN NDƐ'N 1998

⁴ wuun i sɔfuɛ'n wun tufuɛ-ɔ yɛ ɔ si-man like fi. Ndɛ'm be akplowa silɛ'n ɔ nin like'm be su utre dilɛ'n be kaci kɛ tukpacɛ yɛ ɔ wo i su sa. I kwlaa sɔ'n yɛ man sran'm bé nyin ci sran b'ɔ man be di utre yɛ be kpɛ bé wun nzowa, b'ɔ man be bu sran'n wie sa tɛ yofuɛ nin-ɔn.

Nyanmien nde Ufle

⁴ o tu i wun, o si'a liké fi. Nde'm bé akplôwa sile'n o nin liké'm bé su utré dile'n o katyi i wun ke tukpatye sa. I kwlaa so'n ye man swran'm bé nyin tyi swran, bé di utré, bé kpe bé wun nzôwa, bé bu swran'n wié sa te yôfue nion.

1 Timote 6:4 ပူးပေါင်းရင်းမြစ်များ

Nyanndra Mun 13:7

Sran wie yo i wun anyanbeunfuɛ, sanngɛ kusu ɔ lɛ-man like fi. Wie kusu yo i wun yalɛfuɛ sanngɛ ɔ lɛ like kpa.

Nyanndra Mun 25:14

Sran nga b'ɔ di i nuan sin kɛ ɔ cɛ sran like sanngɛ kusu ɔ yo-man'n, ɔ ti kɛ nzue b'ɔ mlan b'ɔ tɔ-man'n sa.

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Ezai 58:4

Kɛ amun ´ci nglɛmun'n, wuun amun ´tu ngondin, wuun amun ´di utre, wuun amun ´to sran acɔliɛ. Amun ci-man nglɛmun'n kɛ ɔ nin i fata kɛ be ci i cɛn nga Anannganman sieli'n i nun'n sa. Amun ci-mɛn i kɛ amun ´yo nan amun nɛn'n ɔ `ju nglo lɔ.

Sa nga bé yôli'n 15:2

Kɛ Pɔl nin Barnabas be kpaloli bé nuan bɔ be nin be sili akplowa dan'n, i sin be buli akunndan be waan Pɔl nin Barnabas nin be nun wie'm be wɔ Zerizalɛm. Be waan be wɔ be ko kan ndɛ sɔ'n be bɔ Jésus sunmannin be'n be nin kpɛnngbɛn mun bé ja su.

Sa nga bé yôli'n 18:15

Sanngɛ sɛ an sili akplowa ndɛ wie su o, sɛ amun sili i dunman wie su o annzɛ amun bɔbɔ amun mmla wie su o, ɔ ti amun bɔbɔ amun ndɛ. N klo-man kɛ m bua ndɛ sɔ'n nun.»

Sa nga bé yôli'n 8:9

Bian kun o klɔ sɔ'n su, be flɛ i kɛ Simɔn, ɔ yi atrɛ ɔ man Samarifuɛ'm bé nuan bo bé wun, ɔ yo i wun sran dan.

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Rɔmfuɛ Mun 13:13

Man e yo sa bɔ be ti nanwlɛ'n kɛ e o wia klengle kpa'n nun sa. Man e yaci aliɛ sa'n, nin nzanboɛ'n, nin bé wun wannzo yolɛ'n, bɔ yɛlɛ bla nin bian kunndɛlɛ'n, nin wlaka bolɛ'n, man e yaci utre'n, nin sran nyin cilɛ'n.

Rɔmfuɛ Mun 14:1

Sran nga kɛ ɔ lafili Krist su'n ɔ nian wun-man sa ng'ɔ yo-ɔ ɔ ti su'n i wlɛ'n, an `bu i amun niaan, nán amun nin i si akplowa.

Rɔmfuɛ Mun 2:8

Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

1 Korɛntfuɛ Mun 11:16

Ndɛ nga n ´kɛn i yɛ'n, sɛ sran nga i waan ɔ ´si i akplowa'n, man ɔ si kɛ e nin Nyanmiɛn i asɔnunfuɛ mun e lɛ-mɛn i wafa uflɛ bɔ e ´yo-ɔ.

1 Korɛntfuɛ Mun 11:18

afin n tili i kɛ kɛ an yia asɔnun nun'n, an bubu amun wun nun, yɛ m bu i kɛ ɔ ´yo sɔ,

1 Korɛntfuɛ Mun 3:18

Nán man sran fi lɛkɛ i wun, sran ng'ɔ bu i wun kɛ ɔ si sa'n, man ɔ yo i wun sinnglinfuɛ nan ɔ'a kaci ngwlɛlɛfuɛ .

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

2 Korɛntfuɛ Mun 11:20

An kplin su man be fa amun kaci be akua, yɛ be laka amun, be di amun lufle, yɛ be tu be wun gua amun wun, yɛ an kplin su man be kpaci amun nyrun!

Galasifuɛ Mun 5:15

Sanngɛ sɛ an kaka amun wun bɔ an titi amun wiengu sa bui'n, an `nian amún wun kpa, sɛ ɔ ti-man sɔ'n, amun wiengu saci amun.

Galasifuɛ Mun 5:26

Nán man e kunndɛ dunman, nán man e yo sa b'ɔ kun e wiengu ya, yɛ nán man e fa é nyin ci e wiengu.

Galasifuɛ Mun 6:3

Sɛ sran kun bu i wun kɛ ɔ ti sran dan b'ɔ ti-man sɔ'n, wuun ɔ'a lɛkɛ i bɔbɔ wun.

Filipfuɛ Mun 1:15

Nanwlɛ, be nun wie'm bé nyin b'ɔ ci min'n nin akplowa silɛ'n ti yɛ be kan Krist ndɛ nin-ɔn, sanngɛ wie'm be akunndan bɔ be fa kan'n ti kpa.

Filipfuɛ Mun 2:14

Like kwlaa nga amun ´yo'n, nán an ijɔ amun konviabo, nán an kaci amún nuan,

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

1 Timote 1:4

yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 1:7

Be klo kɛ be ´yo mmla'n i klefuɛ, sanngɛ ndɛ nga be bɔbɔ be kan'n nin like nga be jran su kɛ ɔ ti nanwlɛ sakpa'n, be wun-man be wlɛ.

1 Timote 3:6

Nán man ɔ yo sran b'ɔ fɛ i wun man Nyanmiɛn-ɔn ɔ nian cɛ-man, sɛ ɔ yo sɔ'n, ɔ cɛ-man nan ɔ'a tu i wun nan fɔ bulɛ kunngba nga be buli mmusu'm bé si Satan'n b'a bu i wie .

2 Timote 2:14

Kan ndɛ nga mun kle be kwlaa, kan flan nun. Nyanmiɛn ti ɔ lalofuɛ, srɛ be kpa kɛ be `yaci ndɛ'm be su utre dilɛ'n b'ɔ yo-man like fi ye'n, b'ɔ saci be bɔ be ti'n.

2 Timote 2:23

Sanngɛ nán fa ɔ wun wla sinnzin akplowa silɛ b'ɔ yo-man sa fi ye'n nun, afin a si kɛ akplowa'n i bo agualiɛ yɛlɛ utre.

2 Timote 3:4

be ´yi be janvuɛ mun man, be ´yo like-ɔ be su bu-mɛn i akunndan, be ´di tutre, be ´klo mɛn dilɛ'n tra Nyanmiɛn,

Tite 3:9

Sanngɛ nán fa ɔ wun wla sinnzin akplowa silɛ'n, nin be nannan-nannan'm be osu finwlɛ i kunndɛlɛ'n, nin utre, nin mmla'n su akplowa silɛ'n be nun. Be ti like ngbɛn, be yo-man sa fi ye.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

2 Piɛr 2:12

Sanngɛ sran sɔ'm be yo sa kɛ blo nnɛn bɔ be wun-man sa wlɛ bɔ be wu be kɛ be tra be be kun be'n, be liɛ'n sa, yɛ like nga be wun-mɛn i wlɛ'n, be kɛn i ndɛ kɛ ɔ ti-man kpa. Be ´wu kɛ blo nnɛn'm be liɛ'n sa.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

Jude 1:10

Sanngɛ sran sɔ'm be liɛ'n, like nga be wun-mɛn i wlɛ'n, be kɛn i ndɛ kɛ ɔ ti-man kpa. Yɛ bé sa wlɛ nga be wun i'n, ɔ ti kɛ blo nnɛn'm be liɛ'n bɔ be wuli be nin i'n sa. Sa nga be wun be wlɛ sɔ'n be yɛ be saci be-ɔ.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .