1 Timote 6:2 - NYANMIƐN NDƐ'N 1998

² Yɛ be nga kusu bɔ be min'm be ti Kristfuɛ'n, nán be nian kɛ be ti niaan'n ti, be fa bé nyin wlawla be, sanngɛ kɛ be min bɔ be su be'n be ti Kristfuɛ bɔ e ti be sran kpa'n ti'n, man be tu be klun su be kpa. Kle be like sɔ mun, kan kle be kɛ be fa su.

Nyanmien nde Ufle

² Ye bé nga kusu bo bé min'n ti Christfue'n, ke bé ti niaan'n ti, nanh man bé fa bé nyin wlawla bé, sannge ke bé min'm bo bé su bé'n bé ti Christfue bo bé ti bé swran kpa'n ti, man bé tu bé klun su bé kpa. Klé bé liké so mun, kan klé bé ke bé fa su.

1 Timote 6:2 ပူးပေါင်းရင်းမြစ်များ

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Matthieu 23:8

Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

Sa nga bé yôli'n 1:15

I cɛn sɔ'n nun'n, Piɛr jaoli aniaan'm bɔ be yiali bɔ be ju bɔ ya ablaɔn kun'n be afiɛn nan ɔ'a se kɛ:

Rɔmfuɛ Mun 11:17

Izraɛlfuɛ'm be ti kɛ olivie bɔ be tali'n bɔ be kpɛkpɛ i sama'm be wie'n sa. Amun bɔ an ti-man Zuif'n, an ti kɛ blo olivie sama mun sa, yɛ be fa amun takali olivie nga be tali'n i sama nga be kpɛkpɛli be'n be osu nun. Ɔ man nzue ng'ɔ fin olivie nga be tali'n i bo nun'n, ɔ wlu amun nun wie, yɛ man an yo kpa-a.

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Efɛzfuɛ Mun 1:1

M Pɔl yɛ n klɛ fluwa nga blɛ amun bɔ an wo Efɛz lɔ mun-ɔn. Ɔ ti amun bɔ an ti Kristfuɛ bɔ amun nin Krist-Jésus amu'an kaci sran wunmuan'n bɔ amun nin i nanti kpa'n amun liɛ. Krist-Jésus sunmannin min yɛ n sunmanlɛ sɔ'n ti Nyanmiɛn klun su.

Efɛzfuɛ Mun 1:15

I sɔ'n ti'n, n kusu kɛ n tili e Min Jésus i su bɔ an lafi'n nin klolɛ bɔ an klo Nyanmiɛn i sran mun'n,

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Kolɔsfuɛ Mun 1:2

e ´klɛ fluwa nga blɛ amun bɔ an ti Nyanmiɛn sran kpa bɔ an ti e niaan, sran wunmuan bɔ e nin Krist ti'n ti, bɔ an wo Kolɔs lɔ'n. Man e Si Nyanmiɛn man an nyan ye, yɛ man amún wun jɔ amun fɔuun!

Kolɔsfuɛ Mun 1:4

afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

Kolɔsfuɛ Mun 4:1

Amun bɔ an lɛ kanga'n, an `yo be kpa, an `yo like ng'ɔ ti su'n man be, afin an si kɛ amun kusu amun Min liɛ'n wo nyanmiɛn su lɔ.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

1 Timote 4:11

Fa ndɛ sɔ'n kle be, yɛ jran su man be fa su.

1 Timote 5:1

Nán ijɔ kpɛnngbɛn mun, sanngɛ tu be fɔ amanniɛn su, fa be bu ɔ́ si, bu gbanflɛn mun ɔ niaan,

Tite 2:1

Sanngɛ ɔ liɛ'n, nian ndɛ nanwlɛ nga be kleli wɔ'n su kle.

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 3:1

I sɔ'n ti, aniaan bɔ an ti Nyanmiɛn liɛ b'ɔ flɛli amun wie'n, an `bu Jésus bɔ Nyanmiɛn sunmɛnnin i kɛ ɔ yo i nyrun jranfuɛ'm be su kpɛn i su bɔ e lafi'n, i akunndan.

Hébreu 3:14

Afin sɛ e fa é wla gua Krist su lele guɛ i ti nin i bo kɛ i bo bolɛ nun sa'n, wuun e nin i e ti wiengu.

1 Piɛr 5:1

I sɔ'n ti, m ma srɛ amun bɔ an ti asɔnun kpɛnngbɛn'n amun like kun. M bɔbɔ n ti asɔnun kpɛnngbɛn kɛ amun sa, n kan Krist i nyrɛnnɛn b'ɔ wunnin i'n i ndɛ, yɛ anyrunnyan like nga Nyanmiɛn wa yi i nglo'n, n dunman'n ´tɛ nun wie. N ´srɛ amun,

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

Jude 1:8

Ndɛkɛn sran sɔ'm be si sɔ, sanngɛ be bu akunndan tɛtɛ'n lele be saci, be bu-man Nyanmiɛn like fi, yɛ be kpɛ nyanmiɛn su lɔ sran nga be lɛ nyrun'n be nzowa.