1 Timote 6:1 - NYANMIƐN NDƐ'N 1998

¹ Be kwlaa nga be ti kanga'n, man be bu be min'n be sran kpa nan sran fi a saci-man Nyanmiɛn dunman, nan like nga e kle amun'n b'a bu-mɛn i like ngbɛn.

Nyanmien nde Ufle

¹ Bé kwlaa nga bé ti kanga'n, man bé bu bé min'm bé swran kpa, nan swran fi a satyi'a Nyanmien dunman, ye liké nga é klé amun'n ba bu'e i liké ngben.

1 Timote 6:1 ပူးပေါင်းရင်းမြစ်များ

Bo Bolɛ 16:9

Yɛ Anannganman i anz'n waan: «Sa ɔ sin kɔ ɔ min bla'n i sin nan kan ɔ wun ase i bo.»

Bo Bolɛ 24:12

Yɛ ɔ srɛli Nyanmiɛn seli kɛ: «Anannganman, min min Abraam i Nyanmiɛn, n ´srɛ wɔ, like nga m bɛli i kunndɛlɛ'n, yo man e nin i e yia nun andɛ man n wun kɛ a nin min min Abraam be o nun.

Bo Bolɛ 24:2

Le kun, Abraam seli i sufuɛ'm be su kpɛnngbɛn b'ɔ niɛn i bo ninnge'm be su'n kɛ: «Fa ɔ́ sa'n wla min sɔwa'n bo,

Bo Bolɛ 24:27

Ɔ seli kɛ: «Ee! Anannganman min min Abraam i Nyanmiɛn, n ´la wɔ ase, nanwlɛ a yaci-man min min'n i nɛnnɛn dilɛ le, a nian kpɔci-mɛn i le. Afin a kleli min min bian'n i osufuɛ'm bé sin atin. Ajalɛ bɔ n tuli'n nun'n wɔ man m'an fite min min'n i osufuɛ'm be su.»

2 Samiɛl 12:14

sanngɛ wɔ man Anannganman i kpɔfuɛ'm be yoli i finfin. I sɔ'n ti ba nga w'a wu i yɛ'n ɔ ´wu.»

2 Famiɛn Mun 5:13

Yɛ i sran'm be wunngeli i wun lɔ-ɔ. Be seli i kɛ: «?Nannan, sɛ like kekle wie yɛ Nyanmiɛn i nuan ijɔfuɛ'n waan a yo'n, a su yo-man? I sɔ'n ti, like ng'ɔ seli wɔ kɛ a yo'n, mian ɔ nyin yo. Ɔ ti bɔ like saa kaan sa, i waan a ko wlu nzue'n nun, nan a yo saun.»

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Ezai 52:5

?Yɛ siɛn'n, kɛ bɔ be trali min nvlefuɛ mun lomuɛn sa ngbɛn'n, nzu sa yɛ n wa yo-ɔ?» Anannganman yɛ ɔ usa sɔ-ɔ. «Yɛ be nga be kwlali min nvlefuɛ mun'n, be bo sro, ɔ lɛ-man cɛn bɔ be yo-man min dunman'n i finfin-ɔn .» Anannganman yɛ ɔ se sɔ-ɔ.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Ezekiɛl 36:20

Nvle nga be ɔli be nun lɛ'n, bé sa tɛ'n ti min dunman fɛ'n ɔ sacili be kwlaa be nun. Kɛ be wun be'n, be se kɛ: ‹Anannganman i nvle nunfuɛ mun-ɔn. Be fin i mɛn'n nun lɔ yɛ be ba-a.›

Ezekiɛl 36:23

Kannzɛ bɔ amu'an saci min dunman'n kaiin nvle-nvlefuɛ'm be afiɛn'n, n wa kle nvle sɔ'm be kɛ n ti Nyanmiɛn kpli bɔ min nzuɛn'n nin klɔ sran liɛ'n ti-man kun. I sɔ'n ti'n, n ´yo man amun ´man n kɔmin su ekun. Yɛ be wa si jrɛiin kɛ n fa ti nin-ɔn.› » Anannganman Nyanmiɛn yɛ ɔ kan sɔ-ɔ.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 11:30

Afin n kɔmin su waka'n i sualɛ yo fɛ, yɛ n trɔ'n yo-man nɔnnin.»

Matthieu 11:9

?Wuun nguɛ ti yɛ an ɔli-ɔ? ?An ɔli Nyanmiɛn nuan ijɔfuɛ wie nianlɛ? Ɛɛn, sanngɛ n ´kan kle amun kɛ ɔ tra Nyanmiɛn nuan ijɔfuɛ bɔbɔ.

JÉSUS-CHRIST I DYASIN FE'N BO LUC KLELI'N 17:1

Yɛ Jésus seli i sɔnnzɔnfuɛ'm be kɛ: «Like ng'ɔ man sran'm bé ti nun saci'n, san be ´yo, sanngɛ sran ng'ɔ yo i sɔ like liɛ'n, i yako!

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 10:7

Kɛ anz'n b'ɔ kan ndɛ kleli Kɔrnɛyi'n wɔli'n, ɔ flɛli i sran'm be nun nnyɔn yɛ i sonja bɔ be mɛntɛn i'n be nun kun b'ɔ sro Nyanmiɛn'n.

Sa nga bé yôli'n 15:10

?Sɛ ɔ ti sɔ'n, nguɛ ti yɛ an kunndɛ Nyanmiɛn nuan-an, bɔ an fa trɔ bɔ e nin e nannan mun y'a kwlɛ-mɛn i sua'n sua Jésus sɔnnzɔnfuɛ mun-ɔn?

Rɔmfuɛ Mun 2:24

Afin be klɛli i kɛ: «Amun Zuif mun amun ti, be bɔ be ti-man Zuif'n be saci Nyanmiɛn dunman .»

1 Korɛntfuɛ Mun 10:32

Nán an saci Grɛk mun nin Zuif mun, nin Nyanmiɛn i Asɔnun'n.

Galasifuɛ Mun 5:1

Alaje dilɛ ti yɛ Krist kpɔli é ti-ɔ. I sɔ'n ti'n, an `jran kekle, nán an fa amun wun wla kanga'n nun.

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.