1 Timote 5:8 - NYANMIƐN NDƐ'N 1998

⁸ Sran ng'ɔ niɛn-mɛn i fuɛ'm be lika'n ɔ ti tɛ, nga b'ɔ ti tɛ'n tra su'n yɛlɛ sran ng'ɔ niɛn-mɛn i bɔbɔ i awlo'n i lika'n, ɔ ti-man Nyanmiɛn sufuɛ, i tɛ liɛ'n tra sran ng'ɔ lafi-man Krist su'n.

Nyanmien nde Ufle

⁸ Swran ng'o nie'en ifue'm bé lika'n o ti te, nga b'o i te'n tra su'n yele swran ng'o nie'en i bobo i awlô'n i lika'n, o ti'a Nyanmien sufue, i te lie'n tra swran ng'o lafi'a Christ su'n.

1 Timote 5:8 ပူးပေါင်းရင်းမြစ်များ

Bo Bolɛ 30:30

Kɛ m ´ba'n, wuun ɔ nnɛn'm be ti kaan sa, yɛ b'a trɛ lɛ-ɔ. Kɛ ɔ fin cɛn bɔ mín ja tiali wɔ awlo wa'n, Anannganman ɔ'a yo ɔ ninnge'm be ye dan. ?Yɛ nan cɛn onin yɛ n ´di junman m man mín yi nin min mma mun-ɔn?»

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Matthieu 18:17

Sɛ ɔ fa-man be ndɛ'n su'n, kɛn i asɔnunfuɛ'm be nyrun, sɛ ɔ fa-man'n, bu i kɛ sran b'ɔ nun-man amun nun sa, bu i kɛ gua bo sika defuɛ sa.»

Matthieu 7:11

Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

Jean 15:22

Sɛ m'an ba-man m'an kan kle-man be'n, wuun be su bu-man be sa tɛ yofuɛ. Sanngɛ siɛn'n, be kwla yi-man bé ti bé sa tɛ'n bo kun.

1 Korɛntfuɛ Mun 6:6

Kristfuɛ kun sɛnmɛn i niaan be bɔ be lafi-man Krist su'm bé ja su!

2 Korɛntfuɛ Mun 12:14

Amun wun lɔ kɔlɛ'n i kpɛ nsan su bɔ n su wa kɔ'n yɛ, sɛ n ju lɔ'n, n su kaci-man trɔ amun ti su, afin nán amun ninnge'm be ti yɛ n kɔ-ɔ, sanngɛ amun bɔbɔ amun ti yɛ n kɔ-ɔ. Afin nán ba kanngan mun yɛ be kunndɛ like man bé si nin be nin mun-ɔn, sanngɛ bé si nin be nin mun yɛ be kunndɛ like man be-ɔ.

2 Korɛntfuɛ Mun 6:15

?Krist nin mmusu'm bé si Satan'n bé nuan sɛ? ?Sran ng'ɔ lafi Krist su'n nin sran ng'ɔ lafi-mɛn i su'n be akunndan'n ti kun?

Galasifuɛ Mun 6:10

Ɔ man sɛ e nyɛn i wun alaje'n, man e yo sran'm be kwlaa be ye, sanngɛ man e dun mmua yo man e niaan nga e nin be e lafi Krist su'n.

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.