1 Timote 5:5 - NYANMIƐN NDƐ'N 1998

⁵ Bla nga i wun wuli b'ɔ lɛ-man sran niɛn-mɛn i lika mlɔnmlɔn'n, ɔ fɛ i wla'n gua Nyanmiɛn su, yɛ wia nun o, kɔnguɛ o, ɔ nin i koko yalɛ, ɔ srɛ i kɛ ɔ niɛn i su.

Nyanmien nde Ufle

⁵ Bla nga i wun wuli b'o le'a swran nien i lika mlonmlon'n, o fe i wla'n gua Nyanmien su, wia nun ô, kongue ô, o nin i kôkô yale, o sre i ke o nien i su.

1 Timote 5:5 ပူးပေါင်းရင်းမြစ်များ

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 49:21

Amun wa usa amún wun kɛ: ‹?Wan yɛ ɔ wuli ba nga mun mannin ye-ɔ? Afin e liɛ'm be fili é sa. E yoli klun kpanfuɛ. Be fali ye ɔli mɛn uflɛ nun, be kannin ye bo. ?Yɛ ba nga mun'n, wan yɛ ɔ tali be-ɔ? E ba kunngba yɛ e trannin sa lele-ɔ. ?Kɛ ɔ ´yo sɔ'n, wuun ba nga'm be o nin?› »

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 54:1

Zerizalɛmfuɛ mun, amun bɔ amun ti kɛ klun kpanfuɛ mun sa'n, amun bɔ amu'an nyan-man ba kun'n, amun `bo sro. Amun bɔ amu'an wu-man ba kun'n, man amun wun blibli amun, yɛ man amún wun nyrɛn amun! Afin Anannganman wan yoo: «Amun bɔ amun ti kɛ bla nga b'a yaci be'n sa'n, amun mma'm be wa sɔn tra bla nga be tɛ o bé wun'm bé bo'n !»

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

JÉSUS-CHRIST I DYASIN FE'N BO LUC KLELI'N 18:1

Jésus buli nyanndra kun kleli be kɛ ɔ ´yo nan b'a srɛ Nyanmiɛn titi, nán b'a yaci-man'n ti.

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

JÉSUS-CHRIST I DYASIN FE'N BO LUC KLELI'N 2:37

ɔ'a ja-man bian kun. Ɔ'a di afuɛ ablaɔcuɛ-nin-nnan, ɔ tu-mɛn i bo Nyanmiɛn i sua'n nun. Ɔ su Nyanmiɛn kɔnguɛ nin wia nun, ɔ kpɛ srɛ nun yɛ ɔ srɛ Nyanmiɛn.

Sa nga bé yôli'n 26:7

Kɛ e nvle blu-nin-nnyɔn'm be su Nyanmiɛn kɔnguɛ nin wia'n nun bɔ be yaci-man'n, be lafi su kɛ Nyanmiɛn wa yo like kunngba sɔ'n man be. Nannan, sa sɔ'n ti yɛ Zuif'm be sanmannin min-ɔn!

Sa nga bé yôli'n 6:1

Blɛ sɔ'n nun'n, kɛ Jésus sɔnnzɔnfuɛ'm be ´trɛ'n, Zuif'm bɔ be ijɔ Grɛk'n be kan be bɔ be ijɔ Ebre'n be ndɛ yɛlɛ kɛ cɛn kwlaa kɛ be ´cɛ aliɛ'n, be bu-man be angboti mmla'm be akunndan.

Sa nga bé yôli'n 9:39

Piɛr a sisi-mɛn i bo, ɔ nin be ɔli. Kɛ ɔ juli lɔ'n, be fɛ ɔli nglo sua'n nun lɔ. Angboti mmla'm be kwlaa be bɛli i wun lɛ, be fa tralɛ nin tralɛ dandan nga Dɔrkas wuli be kɛ i nyin tɛ o su'n, kleli i, wuun be ´sun.

Sa nga bé yôli'n 9:41

Piɛr utili i sa'n mɛnnin i su. I sin ɔ flɛli Nyanmiɛn sran mun nin angboti mmla mun, ɔ fɛ i kleli be kɛ ɔ'a cɛn.

Rɔmfuɛ Mun 1:12

Sɛ n ju amun wun lɔ bɔ e wla e wun fanngan Nyanmiɛn su bɔ e lafi'n ti'n, ɔ ´yo n fɛ dan.

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

1 Korɛntfuɛ Mun 7:32

N klo-man kɛ an koko sa fi su. Sran ng'ɔ lɛ-man bla'n, e Min'n i ninnge'm be akunndan yɛ ɔ bu-ɔ, yɛ ɔ yo sa nga b'ɔ man e Min'n i klun jɔ i wun'n.

1 Korɛntfuɛ Mun 7:34

ɔ man sa nnyɔn sɔ'n be kɛnndɛn i. I kunngba'n, bla ng'ɔ lɛ-man bian'n, nin talua nga ɔ'a ja-man bian'n, kɛ be ´yo nan be wunnɛn'n nin be wawɛ'n b'a yo Nyanmiɛn liɛ'n, e Min'n i ninnge'm be akunndan yɛ be bu-ɔ, sanngɛ bla ng'ɔ lɛ bian'n, mɛn'n nun ninnge'm be akunndan yɛ ɔ bu-ɔ, yɛ ɔ yo sa nga b'ɔ man i wun'n i klun jɔ i wun'n.

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

1 Timote 2:1

Afɔtuɛ nga n waan m ´man wɔ'n i klikli'n yɛ: an `kan sran'm be kwlaa be ndɛ kle Nyanmiɛn, an `srɛ i kɛ ɔ nian bé su, an `srɛ i aunnvuɛ su, an `lɛ i ase.

1 Timote 5:16

Sɛ Kristfuɛ bla wie lɛ angboti bla i awlo nun'n, man i bɔbɔ nian be lika nan asɔnun'n ɔ'a kwla nian be nga be lɛ-man sran'm be lika, nán man ɔ yaci be asɔnun'n sa nun.

1 Timote 5:3

Bu bla nga bé wun wuli bɔ be lɛ-man sran'm be sran, nian be lika.

2 Timote 1:3

Nyanmiɛn bɔ min nannan mun be suli i be klun a titi-man be'n, bɔ n kusu n su i sɔ'n, n ´lɛ i ase. Kɔnguɛ nin wia nun kɛ n ´koko yalɛ kle Nyanmiɛn'n, n kan ɔ ndɛ kle i titi,

1 Piɛr 3:5

Laa bla nga be sro Nyanmiɛn'n, bɔ be wla o i su'n, kɛ be siesie bé wun sɔ-ɔ, yɛ be bu be wun'm be sran.

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»