1 Timote 5:17 - NYANMIƐN NDƐ'N 1998

¹⁷ Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

Nyanmien nde Ufle

¹⁷ Asonun kpenngben ng'o sié asonun'n kpa'n, se bé bui swran bé yô i mô dan'n, i yôwle suo. Sannge bé nga bé yô bé lie'n tra su'n, yele kpenngben ng'o di dyunman kpa o kan Nyanmien nde, o klé liké'n.

1 Timote 5:17 ပူးပေါင်းရင်းမြစ်များ

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

Galasifuɛ Mun 6:6

Sran nga be kle i Nyanmiɛn ndɛ'n, i like kpakpa'n kwlaa ng'ɔ lɛ i'n, man ɔ mɛn i like klefuɛ'n wie.

JÉSUS-CHRIST I DYASIN FE'N BO LUC KLELI'N 10:7

An `sike awlo sɔ'n nun, like kwlaa nga be di i lɛ'n, an `di wie, afin junman difuɛ'n i sa ka-man ngbɛn. Nán an tu wɔ awlo uflɛ nun .

Hébreu 13:7

An `bu amun kpɛnngbɛn bɔ laa be kan Nyanmiɛn ndɛ kleli amun'n be akunndan. An `nian be nzuɛn'n nin be agualiɛ'n, an `nian kɛ be fa lafili Nyanmiɛn su'n, an `lafi i su sɔ wie.

2 Timote 2:6

Fie difuɛ'n ng'ɔ di junman bɔ fɛ'n yɛ ɔ fata kɛ ɔ dun mmua nyan i fie nun like-ɔ.

Filipfuɛ Mun 2:29

An `sɔ i nun amun klun-ufue su e Min'n ti, yɛ an `bu sran nga be ti kɛ i sa'n be sran,

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Sa nga bé yôli'n 28:10

Be dili e nɛnnɛn dan kpa, kɛ e tu é bo lɛ e ´kɔ'n, be mannin ye like ng'ɔ ko mian ye'n.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Rɔmfuɛ Mun 16:12

N ´yo Mmo Trifɛni nin Mmo Trifɔz bɔ be di junman man e Min'n, be like. N ´yo Mmo Pɛrsid b'ɔ ti e sran kpa'n, b'ɔ di junman kpa man e min'n, i like.

Rɔmfuɛ Mun 15:27

Be bɔbɔ yɛ be buli i akunndan kɛ be ´yo-ɔ, yɛ sɛ be yo i sɔ'n, ɔ ti su, afin Zuif'm be yɛ man be nga be ti-man Zuif'n be tili Nyanmiɛn ndɛ'n yɛ be fali su-ɔ. Ɔ man sɛ be kusu be man Zuif'm be like'n, b'a bo-man aosuan.

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

1 Korɛntfuɛ Mun 16:16

man amún nyin yi sran kɛ nga be ti kɛ be sa mun, yɛ be kwlaa nga be mian bé nyin be nin be di junman kunngba'n, amun nyin yi be wie.

Sa nga bé yôli'n 11:30

Be yiyi fa mannin Barnabas nin Sɔl kɛ be fa ko man lɔ kpɛnngbɛn mun.

2 Famiɛn Mun 2:9

Kɛ be kpɛli Zurdɛn'n, Eli seli Elize kɛ: «Like nga a klo kɛ n yo man wɔ'n, kan ka nan Anannganman ɔ'a fa min nan m'an jaso ɔ́ wun wa.» Elize tɛli i su kɛ: «N klo kɛ n ´nyan Nyanmiɛn Wawɛ ng'ɔ wo ɔ su'n i sɔ kpɛ nnyɔn.»

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

1 Timote 4:16

Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

1 Timote 3:5

?Afin sɛ sran kun si-mɛn i bɔbɔ i awlo'n su nian'n, ɔ ´yo sɛ yɛ ɔ ´kwla nian Nyanmiɛn i asɔnun'n su-ɔ .

Filipfuɛ Mun 2:16

yɛ an fa ndɛ b'ɔ man nguan'n kle be. Sɛ an yo sɔ'n, Krist balɛ cɛn'n nun n ´nyan kɔmin, yɛ be ´wun kɛ n junman'n nin min afɛ'n ɔ'a yo-man ngbɛn.

Matthieu 24:25

M'an dun mmua m'an bo su a kle amun.

Hébreu 13:24

N ´yo amun kpɛnngbɛn nin Nyanmiɛn sran'm be kwlaa be like. Italifuɛ'm be ´yo amun like.

1 Timote 4:10

I ti yɛ man e di junman lele e fɛ nin-ɔn, afin e fa e wla'n guali Nyanmiɛn b'ɔ lafi-man, b'ɔ ti sran'm be kwlaa be Defuɛ'n i su, sanngɛ be nga be lafi i su'n, be liɛ yɛlɛ delɛ sɔ'n i bo'n.

1 Korɛntfuɛ Mun 15:10

Sanngɛ sran nga m'an yo i yɛ'n, ye bɔ Nyanmiɛn yoli min'n ti yɛ man m'an yo sɔ-ɔ. Ye sɔ'n b'ɔ yoli min'n ɔ'a yo-man ngbɛn, afin n dili junman dan trali be ngba, nán kɛ m bɔbɔ min yɛ n dili junman sɔ nin-ɔn, sanngɛ Nyanmiɛn yɛ ɔ jrannin ń sin yɛ man n dili junman sɔ nin-ɔn.

Sa nga bé yôli'n 20:35

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Jean 4:38

N sunmannin amun kɛ an ko kpɛ awie lika nga amu'an di-man junman lɛ'n. Sran wie mun yɛ be dili junman sɔ'n yɛ an fɛli i nun like nin-ɔn.»

JÉSUS-CHRIST I DYASIN FE'N BO LUC KLELI'N 12:42

Yɛ e Min'n seli kɛ: «?Wan yɛ ɔ ti sran kpa b'ɔ si like su nian kpa, bɔ i min'n fɛ i sie i minniɛn'm be su kɛ ɔ man be aliɛ cɛn bɔ be sieli'n su nin-ɔn?

Zakari 9:12

Bisuafuɛ mun, amun nga an sunnzun kɛ amun ´nyan be ti'n, an `sa amun sin bla klɔ bɔ b'a sisi i wun'n nun. Afɛ nga an fɛli'n, n ´nian su n ´yo amun ye. Ye sɔ bɔ n ´yo amun'n, ɔ ´ju amun afɛ'n i sɔ kpɛ nnyɔn .

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Zeremi 16:18

N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

1 Timote 5:3

Bu bla nga bé wun wuli bɔ be lɛ-man sran'm be sran, nian be lika.

1 Timote 4:6

Sɛ a kɛn i sɔ kle aniaan mun'n, bɔ a ´fa Nyanmiɛn i sulafilɛ ndɛ'n nin like kpa nga be kleli wɔ bɔ a fali su'n kaci kɛ wɔ aliɛ sa'n, a ´yo Krist-Jésus i junman difuɛ kpa.

1 Korɛntfuɛ Mun 3:9

Afin e nin Nyanmiɛn yɛ e di junman nin-ɔn. An ti kɛ Nyanmiɛn i fie sa, yɛ an ti kɛ i sua b'ɔ su kplan sa .

1 Timote 4:14

Like nga Nyanmiɛn fa mannin wɔ kɛ a yo'n, Nyanmiɛn nuan ijɔfuɛ'm be ndɛ bɔ be kannin'n ti'n b'ɔ man kpɛnngbɛn'm be yiali be fa bé sa fuali ɔ su'n, nán kpa su.

1 Timote 5:19

Sɛ be kan asɔnun kpɛnngbɛn wie wun ndɛ kle wɔ'n, sɛ w'a tie-mɛn i sran nnyɔn annzɛ nsan bé nuan nun'n, nán fa su .

Kalɛ 18:31

Amun nin amun awlofuɛ'm be kwlaa amun `di i sɔ like liɛ'n lika kwlaa nga amun wo'n, afin ɔ ti amun junman nga amun dili'n i nuan akatua.

Mmla'n 18:8

Like nga be nyɛn i lɔ be di'n, i kunngba'n yɛ ɔ ´nyɛn i-ɔ, sanngɛ sɛ ɔ lɛ i aja like wie nan ɔ yo i atɛ'n, i sika'n ti i liɛ .