1 Timote 5:14 - NYANMIƐN NDƐ'N 1998

¹⁴ I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Nyanmien nde Ufle

¹⁴ I so'n ti, man bé nga bé te yô talua'n bé dya bian, bé wu ba, bé nian bé awlô'n su, nan é kpofue'm bé kwla satyi a é wun.

1 Timote 5:14 ပူးပေါင်းရင်းမြစ်များ

Bo Bolɛ 18:6

Yɛ Abraam ´kɔ tannin sua'n nun lɔ ndɛndɛ ´ko se Sara kɛ: «Kan ɔ wun fɔtɔ sanmlɛn mlɛnnɛnnɛn'n i sunnzunliɛ nsan, fa yo kpaun nga be gua-man nun kpaun ayre'n.»

Bo Bolɛ 18:9

Nan b'a usɛ i kɛ: «?Ɔ yi Sara o nin?» Ɔ tɛli be su kɛ: «Ɔ o tannin sua'n nun lɔ.»

2 Samiɛl 12:14

sanngɛ wɔ man Anannganman i kpɔfuɛ'm be yoli i finfin. I sɔ'n ti ba nga w'a wu i yɛ'n ɔ ´wu.»

Nyanndra Mun 14:1

Bla ng'ɔ ti ngwlɛlɛfuɛ'n, ɔ siesie i awlo'n. Bla ng'ɔ ti sinnglinfuɛ kusu'n ɔ saci i awlo liɛ'n.

Zeremi 29:6

An `fa bian annzɛ bla nan an wu ba. An `fa bla man amun mma yasua mun. An `fa amun mma bla mun man aja. Man be wu ba. Amun `trɛ lɔ, nán amun ka kaan.

Daniɛl 6:4

Daniɛl i junman ng'ɔ di'n ɔ trɛ i wiengu nnyɔn'm be liɛ'n yɛ ɔ tra akpasua'm bé su kpɛn'm be kpɛnngbɛn'm be kwlaa be liɛ'n. Afin wawɛ ng'ɔ o i nun'n i dan tra be liɛ'n. I sɔ'n ti, famiɛn waan ɔ ´fɛ i fa sie i famiɛn diwlɛ wunmuan'n su.

Rɔmfuɛ Mun 14:13

I sɔ'n ti'n, nán man e kan e wiengu wun ndɛ kun, sanngɛ an `bu akunndan, nán an yo sa ng'ɔ saci amun niaan b'ɔ man ɔ ´yo sa tɛ'n.

2 Korɛntfuɛ Mun 11:12

Like nga n yo'n, n ´yo i kwlaa sɔ'n titi nan be nga be kunndɛ kɛ sran'm be bu kɛ be nin ye sɛ'n, n ´fa gua bé nyin ase.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

1 Timote 4:3

Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.

1 Timote 5:11

Sanngɛ nán klɛ angboti bla nga be tɛ yo talua'm be dunman angboti mmla'm be fluwa'n nun, afin sɛ cɛn wie be konvi wa sɔ bian jalɛ'n, kpɛkuun be ´yaci Krist,

1 Timote 6:1

Be kwlaa nga be ti kanga'n, man be bu be min'n be sran kpa nan sran fi a saci-man Nyanmiɛn dunman, nan like nga e kle amun'n b'a bu-mɛn i like ngbɛn.

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.