1 Timote 5:10 - NYANMIƐN NDƐ'N 1998

¹⁰ Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

Nyanmien nde Ufle

¹⁰ Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

1 Timote 5:10 ပူးပေါင်းရင်းမြစ်များ

Bo Bolɛ 18:4

Kɛ bɔ amu'an to mín wa'n, man be fa nzue be wunnzin amún ja wun nan an de wunmiɛn waka yɛ'n i bo. Man m blɛ amun like kan nan an fa tra amun anwlɛn nan amu'an wɔ be nyrun.» Yɛ be tɛli i su kɛ: «E tili.»

Bo Bolɛ 19:2

Ɔ seli be kɛ: «Nannan mun, amun `yaci, an `ju min awlo lɔ. An `ko wunnzin amun ja wun nan e la. Ainman nglɛmun wuun amu'an `wɔ kan an ´kɔ'n.» Be tɛli i su kɛ: «Cɛcɛ, man e la gua'n su.»

Bo Bolɛ 24:32

Yɛ bian'n ɔli Laban i awlo lɔ-ɔ. Laban man be yili nyɔnngɔnmɛn'm bé sin trɔ mun, yɛ be mannin be ijre wafa-wafa mun be dili. Be mannin bian'n nin i sunmanfuɛ'm be nzue be wunnzinnin bé ja wun.

Bo Bolɛ 43:24

Bian'n fa be wluli Zozɛf i awlo lɔ. Ɔ mannin be nzue be wunnzinnin bé ja. Ɔ mannin be aflunmun'm be ijre.

Jue Mun 119:4

Anannganman kɛ a sieli ɔ mmla'n, ɔ waan be `fa su ti-ɔ.

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.

Matthieu 25:17

I kunngba'n, nga be mɛnnin i talan nnyɔn'n, ɔ nyannin nnyɔn ukali su.

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

JÉSUS-CHRIST I DYASIN FE'N BO LUC KLELI'N 7:38

Bla sɔ'n fa parfɛn albatri sɛ kun bali, ɔ jrannin Jésus i ja wun lɛ, ɔ sunnin, i nyinmuɛn'n guali Jésus i ja'n su, ɔ fɛ i ti ndrɛ'n nunnunnin, ɔ koto trɛli i ja'n yɛ ɔ fa parfɛn sɔ'n guɛli i ja wun.

JÉSUS-CHRIST I DYASIN FE'N BO LUC KLELI'N 7:44

I sin ɔ kpɛli i nyin bla'n wun lɔ nan ɔ'a se Simɔn kɛ: «?A wun bla nga? Kɛ n wluli wɔ awlo wa'n, w'a man-man min nzue kɛ n fa wunnzin n ja, sanngɛ bla nga ɔ fɛ i nyinmuɛn'n guali n ja'n su, yɛ ɔ fɛ i ti ndrɛ'n nunnunnin.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 22:12

Bian kun o klɔ sɔ'n su, be flɛ i kɛ Ananias, ɔ sro Nyanmiɛn kpa, ɔ fa mmla'n su, Zuif nga be o lɛ'n be kwlaa be bo i dunman kpa.

Sa nga bé yôli'n 6:3

I sɔ'n ti, nja mun, an `kpa amun nun sran nso bɔ be bo be dunman kpa, bɔ Nyanmiɛn Wawɛ'n sie be, bɔ be si ngwlɛlɛ kpa'n, man e fa junman sɔ'n man be.

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Sa nga bé yôli'n 9:39

Piɛr a sisi-mɛn i bo, ɔ nin be ɔli. Kɛ ɔ juli lɔ'n, be fɛ ɔli nglo sua'n nun lɔ. Angboti mmla'm be kwlaa be bɛli i wun lɛ, be fa tralɛ nin tralɛ dandan nga Dɔrkas wuli be kɛ i nyin tɛ o su'n, kleli i, wuun be ´sun.

Rɔmfuɛ Mun 12:13

An `ti amun niaan Kristfuɛ'm bé wun nyanman nun. An `yo aklunyefuɛ.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

1 Timote 2:10

sanngɛ man be yo sran ye, afin bla nga be sro Nyanmiɛn'n, sɛ be yo sɔ-ɔ ɔ ti kpa.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 3:7

Man ɔ yo sran bɔ be nga be ti-man Kristfuɛ'n be bo i dunman kpa nan b'a kɛn-mɛn i wun ndɛ, nan ɔ'a tɔ-man aya nga mmusu'm bé si Satan'n suali'n nun.

1 Timote 5:16

Sɛ Kristfuɛ bla wie lɛ angboti bla i awlo nun'n, man i bɔbɔ nian be lika nan asɔnun'n ɔ'a kwla nian be nga be lɛ-man sran'm be lika, nán man ɔ yaci be asɔnun'n sa nun.

1 Timote 5:25

Yɛ sa kpa nga kusu bɔ sran wie'm be yo'n, sran'm be wun i, nga kusu bɔ b'a ka-man lɛ b'a wun-mɛn i'n, ɔ su ka-man bui bo, san be ´wun i.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Timote 2:21

Ɔ man sran ng'ɔ yi i wun sa tɛ'm be yolɛ nun'n, ɔ ´yo kɛ talie klanman bɔ be fa di cɛn'n sa, ɔ ´kaci i Min'n liɛ, ɔ ´fa yo i wun sa ye, yɛ ɔ ´kwla fa yo like kwlaa ng'ɔ ti kpa'n.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

2 Timote 3:17

nan Nyanmiɛn sran'n ɔ nyan like b'ɔ kwla fa di junman kwlaa ng'ɔ ti kpa'n.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Tite 3:14

Kle e minniɛn'm be kusu kɛ be `di junman klanman nan b'a nyan like nga bé sa miɛn i wun'n, nán man be bubu bé sa nin bé ja tran su.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 10:24

Man e bu e wiengu'm be akunndan e wla be fanngan nan be klo bé wun yɛ be yo sran ye.

Hébreu 13:2

Sran ng'ɔ to amun'n, an `sike i, afin sran wie'm be yoli sɔ be sikeli anz mun b'a si-man nun .

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 4:9

Sran ng'ɔ to amun'n, an `sike i, nán an ijɔ amun konviabo.

3 Jean 1:12

Sran'm be kwlaa be bo Demetriis dunman kpa, kannzɛ sran a kan-man bɔbɔ'n, be wun kɛ ɔ ti nanwlɛfuɛ. E kusu e bo i dunman kpa, yɛ a si kɛ i ndɛ nga e kan'n ti nanwlɛ.