1 Timote 5:1 - NYANMIƐN NDƐ'N 1998

¹ Nán ijɔ kpɛnngbɛn mun, sanngɛ tu be fɔ amanniɛn su, fa be bu ɔ́ si, bu gbanflɛn mun ɔ niaan,

Nyanmien nde Ufle

¹ Nanh idyo kpenngben mun, sannge tu bé fo amannien su, fa bé bu o si, bu gbanflen mun o niaan,

1 Timote 5:1 ပူးပေါင်းရင်းမြစ်များ

Saun Yolɛ 19:32

Amun wun sran oke mun-ɔn, man amún nyin yi be. Amun `bu min sran titi. Min yɛ n ti Anannganman amun Nyanmiɛn nin-ɔn.

Matthieu 23:8

Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

Sa nga bé yôli'n 15:4

Kɛ be juli Zerizalɛm lɔ'n, asɔnunfuɛ'm be nin be bɔ Jésus sunmannin be'n, be nin kpɛnngbɛn mun be sɔli be nun, yɛ be kannin sa nga Nyanmiɛn yo mannin be'n i kwlaa kleli be.

Sa nga bé yôli'n 15:6

Be bɔ Jésus sunmannin be'n, be nin kpɛnngbɛn mun be yiali kɛ be ´di ndɛ sɔ'n.

Sa nga bé yôli'n 20:17

Sanngɛ kɛ e o Mile lɛ'n, Pɔl yili sran kɛ be ko yia Efɛz asɔnun kpɛnngbɛn mun.

Rɔmfuɛ Mun 13:7

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.

Galasifuɛ Mun 6:1

Aniaan mun, sɛ an wun kɛ amun niaan kun su yo sa wie b'ɔ ti-man kpa'n, amun bɔ Nyanmiɛn Wawɛ'n sie amun'n, an `kle i atin ng'ɔ ti kpa'n amanniɛn su. Sanngɛ an `nian amun bɔbɔ amun wun nan amu'an yo-man sa kunngba sɔ'n wie.

Mmla'n 33:9

Be si mun nin be nin mun, nin be niaan mun, ɔ nin be mma mun'n, be ndɛ ɔ'a yo-man be cinnjin kɛ ɔ sa. Kɛ bɔ a ti cinnjin bé sa nun'n ti be trali ɔ ndɛ'n nun kpa. Be niannin aenguɛ nga a nin be trali'n su be nantili.

1 Timote 5:17

Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

1 Timote 5:2

bu bla kpɛnngbɛn mun ɔ nin, bu talua mun ɔ niaan sa'n kwlaa nun.

Tite 2:2

Se yasua kpɛnngbɛn'm be kɛ be bu akunndan, yɛ be di nanwlɛ, be yo sa i nuan su, be jran kekle be lafi Nyanmiɛn su, be klo Nyanmiɛn nin sran, be tra be anwlɛn.

Tite 2:6

Kan kle gbanflɛn'm be kɛ be kusu be yo sa i nuan su.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Jacques 5:14

Sɛ amun nun wie wunnɛn yo i ya'n, man ɔ flɛ asɔnun kpɛnngbɛn mun. Man be guɛ i su ngo e Min'n i dunman nun yɛ be srɛ Nyanmiɛn kɛ ɔ yo i juejue .

1 Piɛr 5:1

I sɔ'n ti, m ma srɛ amun bɔ an ti asɔnun kpɛnngbɛn'n amun like kun. M bɔbɔ n ti asɔnun kpɛnngbɛn kɛ amun sa, n kan Krist i nyrɛnnɛn b'ɔ wunnin i'n i ndɛ, yɛ anyrunnyan like nga Nyanmiɛn wa yi i nglo'n, n dunman'n ´tɛ nun wie. N ´srɛ amun,

2 Jean 1:1

Mmo, m bɔ n ti kpɛnngbɛn'n, n ´klɛ fluwa nga m ´blɛ wɔ bɔ Nyanmiɛn fali wɔ'n, n ´klɛ m ´blɛ wɔ nin ɔ mma mun bɔ n klo amún sa kpa'n. Nán min ngunmin yɛ n klo amún sa-a, be kwlaa nga be si ndɛ nanwlɛ'n, be klo amun wie.

3 Jean 1:1

Gaiis bɔ a ti n sran kpa, bɔ n klo wɔ sa kpa'n, m bɔ n ti kpɛnngbɛn'n min yɛ n klɛ fluwa nga blɛ wɔ-ɔ .

Sa nglô yile 4:4

Bia ablaɔn-nin-nnan ekun be sin yia bia kun sɔ'n, kpɛnngbɛn ablaɔn-nin-nnan be titi bia sɔ'm bé su tralɛ ufue o bé wun yɛ sika kle o bé ti.