1 Timote 4:4 - NYANMIƐN NDƐ'N 1998

⁴ Like nga Nyanmiɛn yili be'n, be kwlaa be ti kpa, nán man be yi wie fi ase, sanngɛ man be sɔ nun be lɛ i ase,

Nyanmien nde Ufle

⁴ Liké kwlaa nga Nyanmien yii bé'n, bé ti kpa, nanh man bé yi wié fi asé, sannge man bé so nun bé le i asé,

1 Timote 4:4 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Sa nga bé yôli'n 10:15

Yɛ ɔ tili sran sɔ'n i nɛn'n i kpɛ nnyɔn su ekun, ɔ seli i kɛ: «Like nga Nyanmiɛn bu i kɛ ɔ ti kpa'n, nán bu i kɛ ɔ ti kain.»

Sa nga bé yôli'n 15:29

yɛlɛ kɛ nán an di amuɛn su, nán amun di nnɛn mmoja nin nnɛn ng'ɔ wu i sa su'n, yɛ nán an kunndɛ bla b'ɔ ti-man amún yi annzɛ bian b'ɔ ti-man amún wun'n. Sɛ an nian amún wun sa sɔ'm be lika'n, ɔ ti kpa. Man Nyanmiɛn nian amun su.»

Sa nga bé yôli'n 21:25

Be bɔ be ti-man Zuif'n bɔ b'a lafi Jésus su'n be liɛ'n, e buli sa nga be yo-ɔ ɔ ti kpa'n i akunndan, nan y'a klɛ be fluwa kɛ nán man be di amuɛn su, yɛ nán man be di nnɛn mmoja, e waan nán man be di nnɛn ng'ɔ wu i sa su'n, yɛ nán man be kunndɛ bla b'ɔ ti-man bé yi'n annzɛ bian b'ɔ ti-man bé wun'n.»

Rɔmfuɛ Mun 14:14

Sran wunmuan bɔ min nin e Min Jésus e ti'n ti, n si weiin kpa kɛ ninnge nga be o lɛ'n be kwlaa'n, be wie fi ti-man like tɛ, sanngɛ sɛ sran kun bu like kun kɛ ɔ ti-man kpa'n, wuun ɔ ti-man kpa i nyrun.

Rɔmfuɛ Mun 14:20

Nán man e saci like nga Nyanmiɛn yoli'n like bɔ e di'n ti. Nanwlɛ, like nga be di'n i kwlaa'n ti kpa, sanngɛ sɛ sran kun di like nan ɔ saci i niaan'n, wuun ɔ'a yo-man sa kpa.

Rɔmfuɛ Mun 14:6

Sran ng'ɔ sie cɛn kun man e Min'n, e Min'n i akunndan b'ɔ bu'n ti yɛ ɔ sie i sɔ-ɔ. Yɛ sran ng'ɔ di like'n kwlaa'n, e Min'n i akunndan b'ɔ bu'n ti yɛ ɔ di-ɔ, afin ɔ la Nyanmiɛn ase. Sran ng'ɔ di-man like ngba'n, e Min'n i akunndan b'ɔ bu'n ti yɛ ɔ yo i sɔ-ɔ, i kusu la Nyanmiɛn ase .

1 Korɛntfuɛ Mun 10:23

E kwla sa'n kwlaa yo, sanngɛ like ngba yo-man e wun sa ye, e kwla sa'n kwlaa yo, sanngɛ nɛ́n i ngba yɛ man sran yo sran-an.

1 Korɛntfuɛ Mun 10:25

Like kwlaa nga be yo i atɛ gua bo lɔ'n, an `di, nán an usa nun nan amun klun a titi-man amun,

1 Korɛntfuɛ Mun 10:26

afin e Min'n liɛ yɛlɛ asiɛ'n nin i su ninnge'n kwlaa .

1 Korɛntfuɛ Mun 10:30

?Sɛ like nga n di bɔ n si kɛ ɔ fin Nyanmiɛn'n, bɔ i ti n lɛ i ase'n, nguɛ ti yɛ be saci n dunman-an?

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

1 Timote 4:3

Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.