1 Timote 4:3 - NYANMIƐN NDƐ'N 1998

³ Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.

Nyanmien nde Ufle

³ Bé sé ke, nanh man bé dya bla nin bian, nanh man bé di liké nga Nyanmien yii bé, bo i waan, bé nga bé lafi i su bo bé si nanwle'n, bé le i asé nan bé di'n, bé ngba.

1 Timote 4:3 ပူးပေါင်းရင်းမြစ်များ

Bo Bolɛ 9:3

An `di be kwlaa. N fa mannin amun kɛ n dun mmua n fali nnya-nnya mun m mannin amun'n sa.

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Daniɛl 11:37

Famiɛn'n i nyin su yi-man amuɛn nga i nannan'm be sɔ be'n, yɛ amuɛn kun, ng'ɔ ti bla'm be anwlɛn su like dan'n ɔ su bu-mɛn i like fi. Afin ɔ wa se i wun kɛ ɔ ti dan tra amuɛn'm be kwlakwla, i nyin su yi-man wie fi.

Matthieu 14:19

Jésus yoli man sran'm be trannin ase ijre'n su lɛ, ɔ fali kpaun nnun'n nin kpatra nnyɔn'n, ɔ mɛnnin i nyin su niannin nyanmiɛn su lɔ nan ɔ'a la Nyanmiɛn ase. I sin ɔ bubuli kpaun'n nun, ɔ fa mɛnnin i sɔnnzɔnfuɛ'm be kɛ be `fa cɛ sran mun, nan b'a fa cɛ be.

Matthieu 15:11

Nán like nga sran di'n yɛ ɔ saci i-ɔ, sanngɛ like ng'ɔ o sran klun lɔ'n i yɛ ɔ saci i-ɔ.»

Matthieu 15:36

Ɔ fali kpaun nso'n nin jue mun, kɛ ɔ lali Nyanmiɛn ase'n, ɔ bubuli nun fa mɛnnin i sɔnnzɔnfuɛ mun nan b'a fa cɛ sran mun.

JÉSUS-CHRIST I DYASIN FE'N BO LUC KLELI'N 24:30

Kɛ be trannin aliɛ'n sin'n, ɔ fali kpaun, ɔ lali Nyanmiɛn ase, yɛ ɔ bubuli nun fa mannin be.

Jean 6:23

Sanngɛ alie wie'm be fin Tiberiad be juli kan e Min'n lali Nyanmiɛn ase bɔ be dili kpaun lɛ'n.

Sa nga bé yôli'n 27:35

Kɛ i nuan tɔli'n ɔ fali kpaun, ɔ lali Nyanmiɛn ase be kwlaa be nyrun lɛ nan ɔ'a bubu nun, yɛ ɔ kali su-ɔ.

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 14:3

Nán man sran ng'ɔ di like'n kwlaa'n, ɔ yo sran ng'ɔ di-man'n i finfin, yɛ nga kusu b'ɔ di-man'n, nán man ɔ kan sran ng'ɔ di'n i ndɛ, afin Nyanmiɛn bɔbɔ a sɔ i nun.

Rɔmfuɛ Mun 14:6

Sran ng'ɔ sie cɛn kun man e Min'n, e Min'n i akunndan b'ɔ bu'n ti yɛ ɔ sie i sɔ-ɔ. Yɛ sran ng'ɔ di like'n kwlaa'n, e Min'n i akunndan b'ɔ bu'n ti yɛ ɔ di-ɔ, afin ɔ la Nyanmiɛn ase. Sran ng'ɔ di-man like ngba'n, e Min'n i akunndan b'ɔ bu'n ti yɛ ɔ yo i sɔ-ɔ, i kusu la Nyanmiɛn ase .

1 Korɛntfuɛ Mun 6:13

Aliɛ'n ti be klun owie, yɛ be ku'n kusu ti aliɛ'n i di guawlɛ, sanngɛ Nyanmiɛn ɔ wa saci like nnyɔn sɔ mun. Be wunnɛn'n kusu ti-man like bɔ be fa kaci bla kunndɛlɛ nin bian kunndɛlɛ like-ɔ, sanngɛ ɔ ti e Min'n i liɛ, yɛ e Min'n kusu ti be wunnɛn sɔ'n i liɛ.

1 Korɛntfuɛ Mun 7:28

Sanngɛ sɛ a ja bla'n, ɔ'a yo-man sa tɛ, sɛ talua kun ja bian'n, ɔ'a yo-man sa tɛ. Sanngɛ sran sɔ'm be ´wun be nyinsu, i sɔ'n ti'n, n klo kɛ n ´yi amún ti sa sɔ'n nun.

1 Korɛntfuɛ Mun 8:8

Nán aliɛ ti yɛ Nyanmiɛn klun jɔ e wun-ɔn. Sɛ e di like o, sɛ e di-man like o, Nyanmiɛn klun b'ɔ jɔ e wun'n, ɔ kaci-man.

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

1 Timote 2:4

Ɔ klo kɛ ɔ ´de sran'm be kwlaa nan be wun sa ng'ɔ ti nanwlɛ'n i wlɛ kpa.

1 Timote 4:4

Like nga Nyanmiɛn yili be'n, be kwlaa be ti kpa, nán man be yi wie fi ase, sanngɛ man be sɔ nun be lɛ i ase,

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

1 Samiɛl 9:13

Kɛ amun wlu klɔ'n nun, amun ´to i lɛ. Sɛ amun kan amún wun'n, amun ´to i lɛ ka nan ɔ'a ɔ like dilɛ sraka yiwlɛ lika sɔ nun lɔ. Sɛ ɔ nian ju-man lɔ'n, klɔ nunfuɛ'm be nian di-man like. Afin i yɛ ɔ srɛ su Nyanmiɛn nan be kwlaa bɔ be yia lɛ'n b'a di-ɔ. Ɔ man amun `wɔ icra'n. Amun ´to i lɔ.»