1 Timote 4:2 - NYANMIƐN NDƐ'N 1998

² Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.

Nyanmien nde Ufle

² Bé nga bé klé liké so'n, bé ti atôfue bé klô dunman, bé klun akunndan'n wa yô ke blale ngle b'o yra swraan o yô kôklôkô'n sa.

1 Timote 4:2 ပူးပေါင်းရင်းမြစ်များ

1 Famiɛn Mun 13:18

Yɛ bian'n seli i kɛ: «M bɔbɔ n ti Nyanmiɛn nuan ijɔfuɛ kɛ wɔ sa. Anannganman fali ndɛ wlali anz kun nuan kɛ ɔ se min kɛ: ‹Ko fɛ i bla wɔ awlo wa nan ɔ di like ɔ nɔn nzue.› » Kannzu gblɛ yɛ ɔ kpɛ-ɔ.

1 Famiɛn Mun 22:22

I waan: ‹N ´ko yo ato wawɛ, n ´wlu famiɛn'n i wunnzue yifuɛ'm be nun, ɔ man be ´bua ato.› Yɛ Anannganman seli i kɛ: ‹Sakpa, sɛ a yo i sɔ'n, a ´nyɛn i mlɔnmlɔnmlɔn. Kɔ nan yo i sɔ.›

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 23:26

?Nan kɛ sran sɔ'm be ´bua ato'n tɔn min bo sa bɔ titi? ?Kɛ be ´fa ato bualɛ'n be ´fa cici bé ti sa? ?Kɛ be ´kpɛ bé ti nun be ´ijɔ min nuan sa?

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Sa nga bé yôli'n 20:30

Yɛ amun nun sran wie'm be wa jao be ´kan ndɛ b'ɔ ti-mɛn i su'n be fa laka Kristfuɛ mun nan be su be su.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Efɛzfuɛ Mun 4:19

Be si-man nyannzuɛn kun, wlaka'n ɔ'a kun be kpo, be yaci-man sa tɛtɛ'm be yolɛ'n mlɔnmlɔn.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Sa nglô yile 16:14

Be ti asiɛ usu, be yi atrɛ. Be kɔ asiɛ'n su famiɛn'm be kwlaa bé sin kɛ be `yia nan be kun alɛ Anannganman Nyanmiɛn b'ɔ kwla like kwlaa yo'n i cɛn dan'n nun.