1 Timote 4:16 - NYANMIƐN NDƐ'N 1998

¹⁶ Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

Nyanmien nde Ufle

¹⁶ Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.

1 Timote 4:16 ပူးပေါင်းရင်းမြစ်များ

1 Be Nyoliɛ 28:10

Siɛn'n, ɔ fata kɛ a wun i wlɛ kɛ Anannganman ɔ'a kpa wɔ kɛ a kplan sua kun mɛn i nan ɔ ´fa yo i tranwlɛ. Jran kekle, yɛ kplan sua sɔ'n. »

2 Be Nyoliɛ 19:6

Ɔ seli jɔlɛ difuɛ'm be kɛ: «Amun `nian amun junman'n nun di i kpa, afin nán sran dunman nun yɛ amun ´di jɔlɛ nin-ɔn. Anannganman dunman nun-ɔn. Sɛ amun su wa di jɔlɛ kun sa'n, ɔ nin amun yɛ ɔ o-ɔ.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezai 55:11

kɛ min ndɛ b'ɔ fin mín nuan fite'n ɔ ti sɔ-ɔ, sɛ ɔ ti sran'n, wuun n ´se kɛ ɔ sɛ-mɛn i sin mín wun wa sa ngbɛn, san ɔ ´yo min klun sa, san ɔ ´yo nga bɔ i ti yɛ n sunmɛnnin i'n.»

Zeremi 23:22

Sɛ ɔ ti kɛ e nin min sran mun e ´koko e yalɛ-ɔ be trɛnnin i bo'n, wuun ndɛ nga e kannin'n be ko kan kleli min sran mun man be yacili ajalɛ tɛ tulɛ'n, wuun be guali be aeliɛ tɛtɛ'm be ase.»

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

Sa nga bé yôli'n 26:22

Sanngɛ Nyanmiɛn b'ɔ jran ń sin'n ti yɛ man m'an tran lele ɔ'a fa ju ndɛ-ɔ, n kan ndɛ kle sran ngblewa mun nin be nga be lɛ-man nyrun'n. Sa bɔ Nyanmiɛn nuan ijɔfuɛ'm be nin Moiz be seli kɛ ɔ wa yo'n, i ndɛ yɛ n kannin-ɔn, m'an kan-man ndɛ uflɛ fi a uka-man su, san i kunngba cɛ yɛ n kan-an.

Sa nga bé yôli'n 6:4

E liɛ'n, e nin Nyanmiɛn e ´koko yalɛ, yɛ e ´kɛn i ndɛ'n tititi.»

Rɔmfuɛ Mun 11:14

N yo i sɔ nan min nvlefuɛ'm be fa bé nyin ci amun nan be nun wie'm be nyan bé ti.

Rɔmfuɛ Mun 16:17

Aniaan mun, n ´srɛ amun kpa, be nga be fa-man ndɛ nga an fali su su'n, bɔ be fa afiɛn sacilɛ'n wla amun afiɛn'n, bɔ be saci sran ti nun'n, an `nian amun wun be lika. Nán an fa amun wun mantan be.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.

1 Korɛntfuɛ Mun 9:27

Kɛ n ko yo nan b'a se-man m bɔ n kannin ndɛ kleli sran mun'n kɛ n nun-man be nun wie'n, i ti n nian min wun su kpa, yɛ n tra min anwlɛn lele ɔ si min wun.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Kolɔsfuɛ Mun 4:17

An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

1 Tɛsalonikfuɛ Mun 2:16

Be waan be ´yo sɔ nan nán man e kan ndɛ kle be nga be ti-man Zuif nan be `nyan be ti. Kɛ be yo sɔ'n, ɔ man bé sa tɛ nga be yo'n ɔ gua su tititi. Sanngɛ siɛn'n, Nyanmiɛn i ya'n ɔ'a jao bé wun.

1 Timote 1:3

Kɛ n ´kɔ Maseduani'n, n seli wɔ kɛ a ka Efɛz lɔ nan a tu sran wie'm be fɔ kɛ nán man be kle like uflɛ,

1 Timote 4:15

Mian ɔ́ nyin yo ninnge sɔ mun, man be yolɛ'n lo wɔ kpa nan sran'n kwlaa be `wun kɛ a su yo kpa tra laa'n.

1 Timote 4:6

Sɛ a kɛn i sɔ kle aniaan mun'n, bɔ a ´fa Nyanmiɛn i sulafilɛ ndɛ'n nin like kpa nga be kleli wɔ bɔ a fali su'n kaci kɛ wɔ aliɛ sa'n, a ´yo Krist-Jésus i junman difuɛ kpa.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

2 Timote 3:14

Sanngɛ ɔ liɛ'n, like nga be kleli wɔ bɔ a lafi su'n, nian su kpa. A si sran nga be kleli wɔ like sɔ'n.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

Tite 1:9

Man ɔ yo sran b'ɔ lafi ndɛ nanwlɛ nga be kleli i'n su kpa nan ndɛ nanwlɛ b'ɔ kle'n ti, ɔ kwla tu sran'm be fɔ, yɛ ɔ kle be nga be kpalo i ndɛ'n kɛ be si kɛ b'a fɔn .

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Filemɔn 1:19

Nian, ń sa nuan yɛ: M bɔbɔ m Pɔl m ma tannin kalɛ sɔ'n man wɔ. Ɔ nin i sɔ'n ngba n su se-man wɔ kɛ n ti yɛ man w'a nyan nguan-an.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .