1 Timote 4:13 - NYANMIƐN NDƐ'N 1998

¹³ Nyanmiɛn Ndɛ kannganlɛ nzra nun'n, nin afɔtuɛ manlɛ'n, ɔ nin like klelɛ'n, fa yo ɔ junman man m ma to wɔ su.

Nyanmien nde Ufle

¹³ Fa Nyanmien Nde kannganle nzra nun'n, nin afotue manle'n, nin liké kléle'n fa yô o dyunman man m ma tô o su.

1 Timote 4:13 ပူးပေါင်းရင်းမြစ်များ

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

Sa nga bé yôli'n 6:4

E liɛ'n, e nin Nyanmiɛn e ´koko yalɛ, yɛ e ´kɛn i ndɛ'n tititi.»

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

1 Korɛntfuɛ Mun 14:26

?Aniaan mun, sɛ ɔ ti sɔ'n, kɛ amun yia'n bɔ amun kwlaa an lɛ like bɔ an yo'n, bɔ kun to jue, kun kusu kle like wie, kun kan ndɛ bɔ Nyanmiɛn kan kleli i'n, kun ijɔ aniɛn wie'n, kun kusu kaci aniɛn wie, e yo i sɛ? An `yo i kwlaa sɔ'n man asɔnun'n yo kpa.

1 Korɛntfuɛ Mun 14:3

Sanngɛ sran ng'ɔ ijɔ Nyanmiɛn nuan'n, ɔ kan ndɛ kle sran mun, ɔ man be yo sran, ɔ man be afɔtuɛ, yɛ ɔ gua be anwlɛn su nzue.

1 Korɛntfuɛ Mun 14:6

?Aniaan mun, an `nian, sɛ m ba amun wun lɔ bɔ n kan aniɛn wie'n, sɛ n kan-man ndɛ wie bɔ Nyanmiɛn kan kleli min'n n kle-man amun'n, sɛ n kan ndɛ bɔ an nyan-man ngwlɛlɛ nun'n, sɛ n ijɔ-man Nyanmiɛn nuan n kle-man amun'n, yɛ sɛ n kle-man amun like fi'n, nguɛ ye yɛ ɔ yo-ɔ?

Mmla'n 17:19

Man ɔ trɛn i sa nun nan ɔ kanngan nun cɛn kwlakwla, nan i nyin ɔ'a yi Anannganman i Nyanmiɛn'n titi, nan ɔ'a fa mmla sɔ'n i nun ndɛ'm be kwlaa bé su, nan ɔ'a nian bé su ɔ'a nanti.

1 Timote 4:16

Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

1 Timote 4:6

Sɛ a kɛn i sɔ kle aniaan mun'n, bɔ a ´fa Nyanmiɛn i sulafilɛ ndɛ'n nin like kpa nga be kleli wɔ bɔ a fali su'n kaci kɛ wɔ aliɛ sa'n, a ´yo Krist-Jésus i junman difuɛ kpa.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.