1 Timote 4:12 - NYANMIƐN NDƐ'N 1998

¹² Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

Nyanmien nde Ufle

¹² Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 4:12 ပူးပေါင်းရင်းမြစ်များ

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

1 Korɛntfuɛ Mun 11:1

Kɛ n nian like nga Krist yo'n su n yo'n, amun kusu an `nian nga n yo'n su, an yo.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

1 Tɛsalonikfuɛ Mun 1:6

Kɛ an fali Nyanmiɛn ndɛ'n su'n, an wunnin nyrɛnnɛn dan kpa. Sanngɛ ɔ nin i sɔ ngba'n, Nyanmiɛn Wawɛ'n man amun klun jɔli. An niannin e nzuɛn'n nin Krist liɛ'n su an yoli .

1 Tɛsalonikfuɛ Mun 2:10

Amun nin Nyanmiɛn an ti e lalofuɛ kɛ sa nga e yo mannin amun bɔ an lafi Krist su'n, ɔ ti kpa. Yɛ ɔ ti i nuan su, ɔ man be kwla saci-man e wun.

1 Timote 1:14

Ye nga e Min'n yoli min'n i nyin fiteli dan, ɔ man kɛ e nin Krist-Jésus e kacili sran wunmuan'n, e lafi i su, yɛ e klo i nin sran mun.

2 Timote 2:15

Mian ɔ́ nyin di junman kpa man Nyanmiɛn yo wɔ mo, yo junman difuɛ bɔ nyannzuɛn kun-mɛn i i junman'n ti'n, b'ɔ kan ndɛ nanwlɛ-ɔ ɔ kpɛ-mɛn i wun'n.

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

2 Timote 2:7

Ndɛ nga n kan'n, bu i akunndan, afin e Min'n man a ´wun sa'n kwlaa wlɛ.

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.