1 Timote 3:6 - NYANMIƐN NDƐ'N 1998

⁶ Nán man ɔ yo sran b'ɔ fɛ i wun man Nyanmiɛn-ɔn ɔ nian cɛ-man, sɛ ɔ yo sɔ'n, ɔ cɛ-man nan ɔ'a tu i wun nan fɔ bulɛ kunngba nga be buli mmusu'm bé si Satan'n b'a bu i wie .

Nyanmien nde Ufle

⁶ Nanh mon o yô swran b'o fe i wun man Nyanmien o nian tyeman, se o yô so'n, o tyeman nan wa tu i wun, nan fo bule kunngba nga bé buu mmusu'm bé si Satan'n ba bu i wié.

1 Timote 3:6 ပူးပေါင်းရင်းမြစ်များ

2 Famiɛn Mun 14:10

Nan yoo, kɛ a kwlali Edɔmfuɛ mun'n ti, a yo ɔ wun kpakpa. Ka ɔ klɔ lɔ, nan ɔ nyrun bɔ a nyɛnnin i'n, fa di ɔ nuan. ?A su wa kunndɛ-man ndɛnngan yi-man a nin Zidafuɛ mun amún su yɛ ɔ o lɛ-ɔ? ?A nin Zidafuɛ mun, amun su wa wu yɛ a ´yo i lɛ-ɔ?»

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

2 Be Nyoliɛ 32:25

Sanngɛ sa kpa nga Anannganman yo mannin Ezekias'n, ɔ'a si-mɛn i wun ye. Ɔ tuli i wun dan, i ti Anannganman fɛli i wun ya, yɛ ɔ fali Zerizalɛmfuɛ mun nin Zidafuɛ'm bé wun ya.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Daniɛl 11:12

Ezipt famiɛn'n ɔ wa fɛ i kwlalɛ sɔ'n fa tu i wun dan kpa. Ɔ nin i sɔ'n ngba'n, kannzɛ ɔ kunnin sran kpanngban'n, ɔ su kwla-man be guɛ-mɛn i ti nin i bo.

JÉSUS-CHRIST I DYASIN FE'N BO LUC KLELI'N 10:18

Ɔ seli be kɛ: «N wunnin Satan ɔ fin nyanmiɛn su lɔ kɛ nyanmiɛn b'ɔ kpa sin'n sa, ɔ tɔli.

1 Korɛntfuɛ Mun 3:1

Aniaan mun, nán ndɛ nga n kan kle be nga Nyanmiɛn Wawɛ'n sie be'n yɛ n kan kle amun-ɔn, sanngɛ ndɛ nga n kan kle be nga be ti-man Kristfuɛ'n, nin be nga bɔ kɛ be yo Kristfuɛ'n be tɛ yo kɛ ba nɔnman sa'n, i kunngba'n yɛ n kan kle amun-ɔn.

1 Korɛntfuɛ Mun 8:1

Nga b'ɔ ti amuɛn nnɛn'n i ndɛ liɛ'n, e si kɛ e kwlaa e si i. Sanngɛ sa silɛ sɔ'n man sran tu i wun, sanngɛ sran klolɛ'n ɔ man sran yo sran.

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .

Mmla'n 17:20

I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

1 Timote 3:7

Man ɔ yo sran bɔ be nga be ti-man Kristfuɛ'n be bo i dunman kpa nan b'a kɛn-mɛn i wun ndɛ, nan ɔ'a tɔ-man aya nga mmusu'm bé si Satan'n suali'n nun.

1 Timote 6:4

wuun i sɔfuɛ'n wun tufuɛ-ɔ yɛ ɔ si-man like fi. Ndɛ'm be akplowa silɛ'n ɔ nin like'm be su utre dilɛ'n be kaci kɛ tukpacɛ yɛ ɔ wo i su sa. I kwlaa sɔ'n yɛ man sran'm bé nyin ci sran b'ɔ man be di utre yɛ be kpɛ bé wun nzowa, b'ɔ man be bu sran'n wie sa tɛ yofuɛ nin-ɔn.

2 Timote 3:4

be ´yi be janvuɛ mun man, be ´yo like-ɔ be su bu-mɛn i akunndan, be ´di tutre, be ´klo mɛn dilɛ'n tra Nyanmiɛn,

1 Piɛr 2:2

Kɛ ba nɔnman kunndɛ nyɔnflɛn'n, amun kusu an `kunndɛ Nyanmiɛn ndɛ b'ɔ ti kɛ nɔnnɔn bɔ b'a gua-man nun like'n sa. Sɛ amun nɔn'n, amun ´yo sran yɛ amun ´nyan amún ti.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

2 Piɛr 2:4

Afin Nyanmiɛn a yaci-man anz'm bɔ be yoli i sa'n be lɛ, ɔ kan be bo guɛli i nyrɛnnɛn lika'n nun, yɛ be cili be sieli be aosin'n nun lɔ kɛ be `tran lɛ lele man ɔ fa ju jɔlɛ dilɛ cɛn'n.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.