1 Timote 3:3 - NYANMIƐN NDƐ'N 1998

³ Nán man ɔ yo nzan nɔnfuɛ nin utre klofuɛ, sanngɛ man ɔ yo wɛtɛɛfuɛ b'ɔ kunndɛ-man ndɛnngan, nán man ɔ yo sran bɔ i nyin yi-man like.

Nyanmien nde Ufle

³ Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 3:3 ပူးပေါင်းရင်းမြစ်များ

Nyanndra Mun 1:19

Be nga be waan be ´kpli be ´nyan bé wun'n, ɔ lɛ cɛn bɔ be anyanbeun sɔ'n ɔ ´kun be-ɔ. Sran nga be konvi'n ti kpli'n, be nguan'n kpɛ sin .

Nyanndra Mun 15:27

Sran nga i waan ɔ su kpli nyɛn i wun'n, i awlo'n i bolɛ i wun atin yɛ ɔ su kpɛ i lɛ-ɔ. Sran nga kusu bɔ be cɛ i like kɛ ɔ bua ato-ɔ ɔ kplin-man su'n, ɔ ´cɛ cɛcɛcɛ .

Akunndanfuɛ'n 7:8

Like kwlaa i agualiɛ'n ɔ ti kpa trɛ i bo bolɛ'n. Amlin dilɛ ti kpa tra bé wun tulɛ.

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 44:21

Kɛ min nyrun jranfuɛ kun ´ba min nyrun'n, nán man ɔ nɔn nzan.

Saun Yolɛ 10:9

«Wɔ, a nin ɔ mma mun, nán amun nɔn nzan ng'ɔ bo'n i wie fi nan amu'an wlu tannin sua nga n yi min wun nglo nun lɔ'n nun. Sɛ amun yo i sɔ'n, wuun amun su kunndɛ amun wie. Mmla nga m'an kan m'an kle amun yɛ'n, ɔ fata kɛ amun osu'n nunfuɛ'm be kwlaa be nanti su tititi.

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 3:5

Ndɛ nga Anannganman kan man be nga be tɔn be wun suɛn kɛ be ti Nyanmiɛn nuan ijɔfuɛ be lakalaka i mɛn nunfuɛ mun'n yɛ: «Be bɔ sran ng'ɔ cɛ be like'n be se i kɛ: ‹Sa tɛ fi su nyan-man wɔ'n,› nga kusu bɔ ɔ'a man-man be like-ɔ, be nin i be lɛ i'n,

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Matthieu 21:13

Yɛ ɔ seli be kɛ: «Be klɛli i kɛ: ‹Be wa flɛ ń sua'n lika bɔ sran nin Nyanmiɛn be koko yalɛ nun,› sanngɛ amu'an fa kaci awiefuɛ'm be fiawlɛ .»

Sa nga bé yôli'n 20:33

Min nyin a blo-man sran fi i jɛtɛ ufue, nin i sika ɔkwlɛ, ɔ nin i tralɛ'm be wun.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.

1 Tɛsalonikfuɛ Mun 5:14

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

1 Timote 3:8

Asɔnunfuɛ'm be lika nianfuɛ'm be kusu, man be yo sran nanwlɛfuɛ bɔ bé nuan nun ti-man nnyɔn-nnyɔn, nán man be yo nzan nɔnfuɛ dan, nán man be kunndɛ sika i wafa ng'ɔ ti-mɛn i su'n,

2 Timote 3:2

Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

Tite 1:11

Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

Tite 1:7

Man asɔnun sunianfuɛ sɔ'n yo sran bɔ be kwla saci-mɛn i wun kaan sa, afin ɔ nian Nyanmiɛn ninnge'm be su. Nán man ɔ yo sran b'ɔ yo i bɔbɔ i klun sa, yɛ nán man ɔ yo ya fafuɛ, nin nzan nɔnfuɛ, nin utre klofuɛ, nin sran b'ɔ kunndɛ sika i wafa ng'ɔ ti-mɛn i su'n.

Tite 2:3

Kan kle bla kpɛnngbɛn'm be kɛ be kusu be yo sa nga Nyanmiɛn sran yo-ɔ ɔ ti su'n. Nán man be di abla, yɛ nán man be yo nzan nɔnfuɛ. Man be yo sa ng'ɔ ti kpa'n

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Jacques 4:1

?Utre'n nin akplowa ng'ɔ o amun afiɛn'n, be fin nin? ?Be fin-man amún nyin b'ɔ blo ninnge'm bé su b'ɔ man amun klun jɔ-man'n?

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.