1 Timote 3:16 - NYANMIƐN NDƐ'N 1998

¹⁶ Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Nyanmien nde Ufle

¹⁶ Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 3:16 ပူးပေါင်းရင်းမြစ်များ

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Matthieu 28:2

Kpɛkuun asiɛ'n kejeli dan kpa, afin e Min Nyanmiɛn'n i anz kun fin nyanmiɛn su lɔ jrali, kpɛkuun ɔ kondoli yɛbuɛ bɔ be fa nyinnin ndia i anuan'n, ɔ trannin su.

Matthieu 3:16

Kɛ ɔ yoli Jésus batɛm b'ɔ fin nzue'n nun fiteli cɛ'n, kpɛkuun nyanmiɛn su lɔ'n i su tikeli muaan, Jésus wunnin Nyanmiɛn Wawɛ'n, ɔ jra ba kɛ auble sa, ɔ wa trɛnnin i su.

Matthieu 4:11

Yɛ mmusu'm bé si Satan yacili i nun-ɔn, nan anz'm b'a bɛ i sulɛ.

Marc 1:13

Ɔ dili le ablanan aawlɛ flɛnnɛn nun lɔ, Satan ko lɛkɛlɛkɛli i. Ɔ nin blo nnɛn mun yɛ be o lɔ-ɔ, yɛ anz'm be su i.

Marc 16:19

Kɛ e Min'n kannin ndɛ sɔ'n kleli be'n, Nyanmiɛn mɛnnin i su ɔli nyanmiɛn su lɔ, ɔ trannin ase i fama su .

Marc 16:5

Kɛ be wlu ndia nun'n, be wunnin gbanflɛn kun, tralɛ ufue tɛnndɛn wo i wun, ɔ ti ase fama su lɛ. Ɔ man srɛ kunnin be.

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

JÉSUS-CHRIST I DYASIN FE'N BO LUC KLELI'N 20:44

Ɔ man David bɔbɔ flɛ i Nannan. ?Ɔ yo sɛ yɛ man ɔ ko yo i Anunman-an?»

JÉSUS-CHRIST I DYASIN FE'N BO LUC KLELI'N 22:43

Yɛ anz kun fin Nyanmiɛn su lɔ ɔ wa wlɛli i fanngan-an.

JÉSUS-CHRIST I DYASIN FE'N BO LUC KLELI'N 24:4

Kɛ be wun-man sa sɔ'n i wun akunndan buwlɛ'n, be ´nian-an, sran nnyɔn bɔ bé wun tralɛ'n ti nyɛnnyɛn kpa'n be yɛ be jin bé wun lɛ yɛ.

JÉSUS-CHRIST I DYASIN FE'N BO LUC KLELI'N 24:51

Kɛ ɔ ´yrɛ i nuan sɔ'n, wuun ɔ nin be su ti nun, yɛ Nyanmiɛn mɛn i su ɔli nyanmiɛn su lɔ-ɔ.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Jean 15:26

Sran ng'ɔ wa uka amun'n ɔ ´ba, yɛlɛ Nyanmiɛn Wawɛ'n b'ɔ ti nanwlɛfuɛ b'ɔ fin e Si Nyanmiɛn wun lɔ'n. N ´fɛ blɛ amun e Si dunman nun. Kɛ ɔ ko ba'n, ɔ ´kan min ndɛ kle amun.

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 17:5

I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.

Jean 20:12

Ɔ ´nian-an anz nnyɔn yɛ, tannin ufue o bé wun! Be ti kan Jésus fuɛn'n lali lɛ'n, kun ti i ti lika lɔ yɛ kun ti i ja ngua lɔ.

Jean 6:62

?Sɛ an wun kɛ m bɔ n kacili Sran'n n su fu kan n wo lɔ laa'n, amun ´yo amun wun sɛ?

Sa nga bé yôli'n 1:19

Zerizalɛmfuɛ'n kwlaa be si sa sɔ'n nun, ɔ man be flɛ asiɛ sɔ'n be aniɛn'n nun kɛ Akɛldama bɔ i bo yɛlɛ mmoja asiɛ.

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 3:4

Ɔ su yo-man sɔ mlɔnmlɔn! Kannzɛ sran'm be kwlaa be yo atofuɛ'n, sanngɛ Nyanmiɛn liɛ'n, san nanwlɛ yɛ ɔ di-ɔ! Afin be klɛli i kɛ: «Kɛ a kan ndɛ'n, san be ´wun kɛ ɔ ndɛ'n yo fɛ, yɛ kɛ be ´di ɔ jɔlɛ'n, san ɔ ndɛ'n ´kwla be nga a nin be kan ndɛ'n .»

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

1 Korɛntfuɛ Mun 15:47

Fa yɛ Nyanmiɛn fa yili sran klikli nin-ɔn, ɔ man ɔ ti asiɛ'n su wafuɛ. Sran nnyɔn su'n fin nyanmiɛn su lɔ .

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

2 Korɛntfuɛ Mun 1:19

Afin Nyanmiɛn Wa Krist-Jésus bɔ min nin Silvɛn, ɔ nin Timote e kɛn i ndɛ kleli amun'n, ɔ ti-man nuan nun nnyɔn-nnyɔn difuɛ, ɔ ti nanwlɛfuɛ.

Galasifuɛ Mun 2:8

Sran ng'ɔ sieli Piɛr kɛ ɔ ´sunmɛn i be nga be wla klɛn'n bé sin'n, i kunngba'n yɛ ɔ sunmannin min be nga be ti-man Zuif'n bé sin-ɔn.

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

Efɛzfuɛ Mun 6:19

Yɛ an `srɛ i ekun kɛ kɛ n uke min nuan'n, ɔ kle min ndɛ nga n kan-an ɔ ti su'n yɛ n yi jasin fɛ'n b'ɔ fiɛli i sran'm be nyrun'n i nglo kle be weiin yakpa su,

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:27

Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Kolɔsfuɛ Mun 2:2

M mian mín nyin nan an `tra amun anwlɛn yɛ klolɛ bɔ an klo amun wun'n ti amún bo `yo kun, m mian min nyin nan an si ngwlɛlɛ kpa b'ɔ man amun ´wun sa wlɛ weiin nan an si like nga Nyanmiɛn fiɛli i sran'm be nyrun'n, like sɔ'n yɛlɛ Krist!

2 Tɛsalonikfuɛ Mun 1:10

Kɛ ɔ ´ba bɔ be nga be ti i liɛ'm be ´mɛnmɛn i'n b'ɔ be nga be ko lafi i su'n be yi i ayɛ'n, amun nga an lafili ndɛ nga e kannin'n su'n, amun ´tran be nun wie. Cɛn sɔ'n nun yɛ ɔ ´tu be fɔ sɔ nin-ɔn.

2 Tɛsalonikfuɛ Mun 2:7

Afin like ng'ɔ wlawla sran mun kɛ be jao Nyanmiɛn nin sran'm bé wun'n, ɔ su di i junman'n nvialiɛ nun lele san Sran ng'ɔ trɛ i ase'n ɔ'a jao lɛ.

1 Timote 3:9

man be yo sran bɔ be nzuɛn kpa'n ti be klun titi-man be, b'ɔ man be fa Nyanmiɛn i sulafilɛ ndɛ b'ɔ yili i nglo'n su kpa.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 7:7

Sran ng'ɔ lɛ nyrun'n yɛ ɔ yra ng'ɔ lɛ-man nyrun'n i nguan-an, akplowa nun-man su.

Hébreu 8:1

An `nian ndɛ nga e kan'n i nun nanndoliɛ'n yɛ: e lɛ Nyanmiɛn nyrun jranfuɛ'm be su kpɛn kun b'ɔ ti Nyanmiɛn Kpli b'ɔ ti Wlengbi'n i bia'n i fama su nyanmiɛn su lɔ .

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 3:5

Afin an si kɛ Krist bali sa tɛ'n i nuan nnya bulɛ, yɛ sa tɛ kaan sa bɔn-mɛn i wun.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

Sa nglô yile 17:5

Be klɛli dunman kun bɔ be si-mɛn i bo'n i ngban su. Be klɛli i kɛ: «Babilɔni klɔ dan'n, tekle bla'm be nin asiɛ'n su tete sa yofuɛ'm bé nin'n.»

Sa nglô yile 17:7

Yɛ anz'n usali n kɛ: «?Ɔ yo sɛ ti yɛ ɔ bo ɔ́ nuan-an? Bla'n nin nnɛn'n b'ɔ ti su'n bɔ i ti'n ti nso'n, yɛ i wuɛ'n ti blu'n, m ma kle wɔ be like bɔ sran si-mɛn i bo'n i bo.

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.