1 Timote 3:13 - NYANMIƐN NDƐ'N 1998

¹³ Afin be nga be di be junman'n kpa'n, be ´nyan kɔmin, ɔ man be ´kwla kan Nyanmiɛn su bɔ e lafi nin sran wunmuan bɔ e nin Krist-Jésus y'a yo'n i ndɛ'n yakpa su.

Nyanmien nde Ufle

¹³ Afin bé nga bé di bé dyunman'n kpa'n, béh nyanh komin o man béh kwlah kan Nyanmien su bo é lafi swran wunmuan bo é nin Christ-Jésus ya yô'n ti, i nde'n yakpa su.

1 Timote 3:13 ပူးပေါင်းရင်းမြစ်များ

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

JÉSUS-CHRIST I DYASIN FE'N BO LUC KLELI'N 19:17

Yɛ wlengbi'n seli i kɛ: ‹Ɔ ti kpa, a ti sran kpa, like kaan nga m mannin wɔ bɔ a yoli i kpa'n ti'n, m ´man wɔ klɔ blu nan a sie be.›

Sa nga bé yôli'n 21:35

Kɛ Pɔl fuli asikalie'n su cɛ'n yɛ sonja'm be mɛn i su fa ɔli-ɔ sran'm be sanngbanlɛ bɔ b'a sanngban'n ti.

Sa nga bé yôli'n 6:15

Jɔlɛ difuɛ bɔ be ti lɛ'n be kwlaa be niɛn i siin, i nyrun'n kacili be nyrun kɛ anz'm be liɛ'n sa.

Sa nga bé yôli'n 6:5

Ndɛ sɔ'n yoli sran'm be kwlaa be fɛ. Be kpali Etiɛni b'ɔ lafi Jésus su kpa bɔ Nyanmiɛn Wawɛ'n sie i'n, nin Filip, nin Prokɔr, nin Nikanɔr, nin Timɔn, nin Parmenas, ɔ nin Nikola b'ɔ fin Antiɔs b'ɔ kacili Zuif'n.

Sa nga bé yôli'n 6:8

Nyanmiɛn man Etiɛni yoli klun-ufuefuɛ kpa yɛ ɔ tinnin i. Kɛ ɔ ´yo abonuan sa b'ɔ ´yi atrɛ'n, wuun ɔ ´yo sran'm be ye.

1 Korɛntfuɛ Mun 16:15

An si kɛ Stefanas nin i awlofuɛ mun yɛ be ti Kristfuɛ klikli Azi asa'n su lɔ-ɔ, yɛ Nyanmiɛn mma'm be lika nianlɛ'n mian be kpa. Aniaan mun, n ´srɛ amun kpa kɛ

Filipfuɛ Mun 1:14

Kɛ e niaan'm be nun lɔuun kpa be tili i kɛ n wo bisua nun'n, be fa bé wla gua e Min'n su kpa tra laa'n, ɔ man be tra be anwlɛn be kan Nyanmiɛn ndɛ'n, yɛ srɛ kun-man be.

1 Tɛsalonikfuɛ Mun 2:2

An si kɛ be kleli ye nyrɛnnɛn, be yoli ye finfin Filip lɔ. Kɛ e juli amun wun lɔ'n, e fɛli dan kpa ekun, sanngɛ Nyanmiɛn man e tra e anwlɛn e kɛnnin i jasin fɛ'n kleli amun.

1 Timote 3:14

Fluwa yɛ n su klɛ blɛ wɔ yɛ, sanngɛ ɔ o n klun kɛ ɔ cɛ kan-an n ´kɔ ɔ wun lɔ.

2 Timote 2:1

I sɔ'n ti ɔ liɛ'n, ń wa, ye nga kɛ e nin Krist-Jésus e kacili sran wunmuan'n ɔ yoli ye'n ti, jran kekle.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.