1 Timote 3:11 - NYANMIƐN NDƐ'N 1998

¹¹ Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.

Nyanmien nde Ufle

¹¹ Man bé yi'm bé kusu bé yô swran nanwlefue, nanh man bé yô abla difue, man be bu akunndan, man bé yô swran bo bé kwla fa bé wla gua bé su sa'n kwlaa nun.

1 Timote 3:11 ပူးပေါင်းရင်းမြစ်များ

Jue Mun 101:5

Sran nga i wiengu suɛn yɛ ɔ tɔn i blɛlɛ-blɛlɛ sin'n, n ´nunnun i. Sran ng'ɔ bu-mɛn i wiengu sran'n, b'ɔ yo i wun dandan'n, e nin i sɔfuɛ'n e sɔn-man.

Jue Mun 15:3

Sran sɔ'n ɔ tɔn-mɛn i wiengu suɛn, ɔ yo-mɛn i wiengu tɛ, ɔ kpɛ-mɛn i nzowa.

Jue Mun 50:20

Kɛ a tran ase sa'n, ɔ niaan'n i wun ndɛ cɛ yɛ a kan-an. A saci ɔ́ nin i ku sɛ'n nun ba'n i wun.

Nyanndra Mun 10:18

Sran nga bɔ i wiengu wun kpɔɛ o i klun b'ɔ fia su'n, i sɔ sran liɛ'n ɔ ti gblɛfuɛ. Yɛ sran nga kusu b'ɔ tɔn sran suɛn sin'n, i sɔ sran liɛ'n ɔ ti sinnglinfuɛ.

Nyanndra Mun 25:13

Sɛ a sunman sran nan ɔ nian like nga a sunmɛnnin i kɛ ɔ yo su yo i kpa'n, ɔ klun jɔ kɛ wawa blɛ nun nan w'a nyan nzue flɔlɔ kpa w'a nɔn sa.

Zeremi 9:4

Be lakalaka be wiengu. Be di-man nanwlɛ. Ato bualɛ'n yɛ be suan-an. B'a yo sa tɛ'n lele ɔ'a flan be bɔbɔ siɛn'n.

Ezekiɛl 44:22

Nán min nyrun jranfuɛ'n ɔ ja angboti bla nin bla nga b'a yrɛ i'n, sanngɛ ɔ `ja talua ng'ɔ nian si-man bian le b'ɔ ti Izraɛlfuɛ'n, annzɛ ɔ `ja min nyrun jranfuɛ nga ɔ'a wu'n i angboti'n.

Saun Yolɛ 21:7

Bla nga b'ɔ kunndɛ bian faa sin'n, annzɛ bla nga b'ɔ nin bian uflɛ be lali laa'n, b'ɔ ti kɛ ɔ'a yo finfin'n, ɔ nin bla nga i wun ɔ'a yrɛ i'n, ɔ nun-man nun kɛ min nyrun jranfuɛ kun jɛ i. Afin ɔ ti min junman difuɛ klonglo.

Matthieu 4:1

Yɛ Nyanmiɛn Wawɛ'n fa Jésus ɔli aawlɛ flɛnnɛn nun lɔ kɛ mmusu'm bé si Satan ko lɛkɛ i.

Jean 6:70

Jésus usali be kɛ: «Amun sran blu-nin-nnyɔn'n, nán min yɛ n fali amun-ɔn? » Sanngɛ ɔ nin i sɔ'n ngba'n, kɛ min yɛ n fali amun'n, amun nun kun ti mmusu'm bé si Satan'n i sran.

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

1 Timote 1:12

N ´la e Min Krist-Jésus b'ɔ wlali n fanngan'n i ase, afin m bɔ laa n saci i dunman'n bɔ n kle i yalɛ'n, bɔ n kpɛ i nzowa'n, ɔ buli n sran, yɛ ɔ fa min wlɛli i i junman'n nun. Nyanmiɛn sili min aunnvuɛ, afin sa wlɛ bɔ n wun-mɛn i'n nin i su bɔ n lafi-man'n ti yɛ n yoli sɔ-ɔ.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 6:2

Yɛ be nga kusu bɔ be min'm be ti Kristfuɛ'n, nán be nian kɛ be ti niaan'n ti, be fa bé nyin wlawla be, sanngɛ kɛ be min bɔ be su be'n be ti Kristfuɛ bɔ e ti be sran kpa'n ti'n, man be tu be klun su be kpa. Kle be like sɔ mun, kan kle be kɛ be fa su.

2 Timote 3:3

be su klo-man sran, be yo be sa-a be su yaci cɛ-man, be ´di abla, be su si-man bé wun su nian, be ´yo wlɛ, be ´kpɔ sran kpa mun,

2 Timote 4:5

Sanngɛ ɔ liɛ'n, nian ɔ wun su sa'n kwlaa nun, yalɛ nga be kle wɔ'n, man ɔ sɔn ɔ nun, jasin fɛ i kanlɛ b'ɔ ti ɔ junman'n, di. Junman nga Nyanmiɛn fa wlali ɔ́ sa nun'n, guɛguɛ i bo.

Tite 2:3

Kan kle bla kpɛnngbɛn'm be kɛ be kusu be yo sa nga Nyanmiɛn sran yo-ɔ ɔ ti su'n. Nán man be di abla, yɛ nán man be yo nzan nɔnfuɛ. Man be yo sa ng'ɔ ti kpa'n

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.