1 Timote 2:9 - NYANMIƐN NDƐ'N 1998

⁹ I kunngba'n, n klo kɛ tannin nga mmla'm be kla'n be klɛ i kpa, nán man be fa bé wun kle, sanngɛ man be sie bé wun kpa . Kɛ be ´siesie bé wun'n, nán man be fa be wla guɛ i be ti bɔ be yo'n, nin sika ɔkwlɛ, nin afle, nin tralɛ b'ɔ lɛ gua'm bé su,

Nyanmien nde Ufle

⁹ I kunngba'n, n klô ke tannin nga mmla'm bé kla'n bé kle i kpa, nanh man bé fa bé wun klé, sannge man bé sié bé wun kpa. Ke béh siésiéh bé wun'n, nanh man bé fa bé wla gue bé ti bo bé yô'n, nin sika okwle, nin aflé, nin trale b'o le gua'n bé su,

1 Timote 2:9 ပူးပေါင်းရင်းမြစ်များ

Bo Bolɛ 24:53

Nan ɔ'a yi sika nin sika ɔkwlɛ ninnge mun, ɔ nin tralɛ mun ɔ'a fa man Rebeka, nan ɔ'a mɛn i niaan bian nin i nin be ninnge kpakpa kpanngban.

2 Famiɛn Mun 9:30

Zei sɛli i sin bali Zizreɛl. Kɛ Zezabɛl tili i kɛ Zei ɔ'a ju lɛ'n, ɔ fali like jɛli i nyin sin ndrɛ'n su klanman kpa, ɔ dili talua kpa. Kpɛkuun ɔ wa jrannin fenɛtri'n nun.

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Jue Mun 149:4

Afin Anannganman i nvlefuɛ'm bé ti, i klun ti jɔwa. Ɔ bu be nga be kan bé wun ase'n be sran, i ti ɔ de be.

Nyanndra Mun 31:22

Ɔ yo kondro mun. Ɔ wla tralɛ kplɛkɛɛ klanman nga lɛn youn yɛ be fa yoli be'n yɛ ɔ kla i sɔ tannin mun.

Nyanndra Mun 31:25

Wunmiɛn nin anyrunnyan ninnge mun, sɛ be ti tralɛ'n, wuun be ´se kɛ i sɔ ninnge mun yɛ be wlɛ i wun-ɔn. Kɛ ɔ bu i nyrun atin'n i akunndan'n, i klun kaan sa ti-mɛn i trɛ.

Nyanndra Mun 7:10

Yɛ bla'n ´fa ijɔlɛ'n wɔ i-ɔ. Bla sɔ'n i tralɛ wlawlɛ su'n, ɔ fa tekle bla. Yɛ kusu ɔ si gblɛ'n kpɛ kpa.

Ezai 3:16

Anannganman waan: «Kɛ bɔ Siɔn bla'm be tu bé wun'n, kɛ bɔ be ´nanti-ɔ be tinngɛ be kɔmin'n nun'n, kɛ bɔ be ´nian sran-an, be kacikaci be nyinma'n nan be `kannvun be'n, kɛ bɔ be ´nanti-ɔ, be tu bé ja'n kunngun-kunngun wuun bé ja nga'm be ´tɛ gleinglein'n ti'n,

Ezai 61:4

Be ´kplan lika nvuɛn'm be uflɛ, be ´yo lalafuɛ sua nga be sacili mun'n ekun, be ´kplan klɔ'm bɔ be bubuli ɔ'a cɛ'n be uflɛ.

Zeremi 2:32

?Talua kun wla kwla fi i talua ninnge'm be su? ?Talua bɔ b'a jɛ i uflɛ'n i wla kwla fi i njuaba'n su? Sanngɛ min nvlefuɛ'm be liɛ'n, be wla fili min, be si-mɛn i afuɛ.

Zeremi 4:30

?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Matthieu 11:8

An ko nian ndɛma bɔ aunngban keje i'n? ?Sɛ nán ndɛma'n, wuun nguɛ yɛ an ɔli i nianlɛ-ɔ? ?Sran b'ɔ wla tralɛ kpakpa-a? Sran nga be wla tralɛ kpakpa'n be o famiɛn'm be awlo.

1 Timote 2:10

sanngɛ man be yo sran ye, afin bla nga be sro Nyanmiɛn'n, sɛ be yo sɔ-ɔ ɔ ti kpa.