1 Timote 2:7 - NYANMIƐN NDƐ'N 1998

⁷ Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

Nyanmien nde Ufle

⁷ O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

1 Timote 2:7 ပူးပေါင်းရင်းမြစ်များ

Jue Mun 111:7

Sa ng'ɔ yo'n be kle kɛ ɔ di nanwlɛ nan ɔ yo sa i nuan su. I mmla ng'ɔ ko kle be'n, be fa bé wla be gua be su-ɔ ɔ yo ye.

Akunndanfuɛ'n 1:12

M bɔbɔ min akunndanfuɛ, n yoli Izraɛl famiɛn, n trannin Zerizalɛm lɔ.

Akunndanfuɛ'n 7:27

Akunndanfuɛ'n waan: «M buli sa'm be kwlaa bé sin kunngunngun n guɛli lɔ nan n ´wun bé bo, sanngɛ n kunndɛli bé bo sɔ'n lele ngbɛn. N wunnin kɛ sɛ a wun yasua akpi kun gua su sa'n, be nun kunngba cɛ yɛ ɔ ti sran kpa-a. Bla'm be liɛ'n, man be ´sɔn sɛ, a kwla wun-man be nun kunngba sa bɔ ti sran kpa-a.

Jean 7:35

Zuif'm be usali bé wun kɛ: «?Nin yɛ ɔ wa kɔ bɔ e su wun-mɛn i nin-ɔn? ?Ɔ wa kɔ Zuif'm bɔ b'a sanndi b'a ko tran Grɛk'm be nun'n bé sin nan ɔ ´kle Grɛk'm be like?»

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 10:14

?Sɛ b'a dun-man mmua lafi-mɛn i su'n, ɔ ´yo sɛ yɛ be ´flɛ i-ɔ? ?Yɛ sɛ b'a ti-mɛn i dunman'n, ɔ ´yo sɛ yɛ be ´lafi i su-ɔ? ?Yɛ sɛ sran fi kɛn-mɛn i ndɛ kle-man sran mun'n, ɔ ´yo sɛ yɛ be ´ti-ɔ?

Rɔmfuɛ Mun 11:13

Amun bɔ amun osu'n ti-man Zuif'n, amun yɛ n kan ndɛ nga kle amun-ɔn. Nyanmiɛn sunmannin min be bɔ be ti-man Zuif'n bé sin, yɛ n fa junman sɔ'n di min nuan.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 9:1

Kɛ n se kɛ awlaboɛ'n wo n su dan yɛ min anwlɛn'n kpɛ n klun'n, Kristfuɛ bɔ n ti'n ti n di nanwlɛ, Nyanmiɛn Wawɛ'n kusu man n si n klun lɔ weiin kɛ m bua-man ato.

1 Korɛntfuɛ Mun 9:1

?N di-man min tiaun? ?Krist a sunman-man min? ?M'an wun-man e Min Jésus? ?Nán amun yɛ an ti e Min'n i junman bɔ n di'n i nun like nin-ɔn?

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

Galasifuɛ Mun 1:16

Kɛ ɔ klo kɛ ɔ ´yi i Wa'n nglo kle min nan n kɛn i ndɛ'n kle be nga be ti-man Zuif'n, m'an ko kunndɛ-mɛn i wun ngwlɛlɛ sran wie sa nun.

Galasifuɛ Mun 1:20

Nanwlɛ, ndɛ nga n klɛli i yɛ'n, m bua-man ato, Nyanmiɛn ti n lalofuɛ.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 2:9

Kɛ Zak, nin Sefas, ɔ nin Zan bɔ be tra Asɔnun nun'n be wunnin kɛ Nyanmiɛn bu n sran ɔ fa min sieli junman sɔ'n su'n, be sunmannin min nin Barnabas e nun, ɔ man e wunnin kɛ e nɛn sɛli su kɛ e wɔ be nga be ti-man Zuif'n bé sin nan be kusu be ´kɔ be nga be wla klɛn'n bé sin.

Galasifuɛ Mun 3:9

I sɔ'n ti'n, be nga be lafi Nyanmiɛn su'n, ɔ ´yo be ye kɛ Abraam b'ɔ lafili i su'n i liɛ'n sa.

2 Timote 1:11

Jasin fɛ'n i kanlɛ nin i klelɛ ti yɛ Nyanmiɛn fali min, yɛ ɔ sunmannin min-ɔn.

2 Piɛr 2:5

Laa mɛn liɛ'n, Nyanmiɛn a yaci-mɛn i lɛ, ɔ man nzue'n tɔli ɔ yili dan kpa nan ɔ'a kun sran tɛtɛ nga be o mɛn nun'n be kwlaa. Sanngɛ ɔ deli Noe b'ɔ bo sa nga be yo-ɔ ɔ ti su'n i ndolo'n, yɛ ɔ deli sran nso ekun .