1 Timote 2:2 - NYANMIƐN NDƐ'N 1998

² An `srɛ i kɛ ɔ nian famiɛn mun nin sran ngbli-ngbli'm be kwlaa bé su, man e di alaje, yɛ man e nyan e ti fɔuun nan e sro Nyanmiɛn kpa, yɛ e nzuɛn'n `yo kpa.

Nyanmien nde Ufle

² Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

1 Timote 2:2 ပူးပေါင်းရင်းမြစ်များ

2 Samiɛl 20:19

E klɔ'n b'ɔ ti aunjuɛ klɔ bɔ sɛ ɔ ti sran'n, wuun e ´se kɛ ɔ kpɔci-man Izraɛl mɛn'n mlɔnmlɔn'n, yɛ a ba i nunnunlɛ-ɔ! ?Wɔ, ɔ waan a ´nunnun klɔ ng'ɔ o yɛ b'ɔ ti kɛ Izraɛl klɔ'm bé nin sa'n? ?Ɔ yo sɛ ti yɛ ɔ waan a ´nunnun Anannganman i lika nin-ɔn?»

Ɛsdras 6:10

Man be yi tɛ ng'ɔ bɔn fannin'n fa man nglo lɔ Nyanmiɛn'n, nan be srɛ be man famiɛn nin i mma mun.

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Jue Mun 72:1

Jue nga ti Salomɔn liɛ. I waan: Ee Nyanmiɛn, yo man famiɛn'n si ndɛ bu kɛ wɔ sa. Kle famiɛn'n i wa'n i nanwlɛ dilɛ.

Nyanndra Mun 24:21

Mín wa, man ɔ́ nyin yi Anannganman nin famiɛn'n. Be nga be waan be ´kpɛ like'n kwlakwla wun'n, nán kuku ɔ́ wun yi be nun.

Zeremi 29:7

An `kunndɛ klɔ nga n trali amun ɔli su'n i kpa yolɛ. An `srɛ Anannganman'n be mɛn i. Afin sɛ ɔ nyan muae'n yɛ amun kusu amun ´nyan wie-ɔ.› »

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 2:25

Kɛ ɔ ´yo sɔ'n, wuun bian kun o Zerizalɛm, be flɛ i kɛ Simeɔn. Bian sɔ'n ti sran nanwlɛfuɛ, ɔ sro Nyanmiɛn kpa. Ɔ minndɛ Izraɛl i wla cicilɛ'n, yɛ Nyanmiɛn Wawɛ'n yɛ ɔ sie i-ɔ.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Rɔmfuɛ Mun 12:18

Like kwlaa nga amun kwla yo bɔ amun nin sran su kan-man ndɛ'n, amun yo.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

1 Tɛsalonikfuɛ Mun 4:11

An `mian amun nyin yo wɛtɛɛ, an `nian amun bɔbɔ amun ninnge'm be nun yo, amun bɔbɔ an `di junman nan amu'an nyan amún nuan nun aliɛ. Kɛ e kan kleli amun sɔ laa-a.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.